ردو العشواء وفكولي أميرة !! النياق الي علينا غالياااتي

[طلال بن نشار]

ردو العشواء وفكولي أميرة = النياق الي علينا غالياتي
مانبي مجلاسنا في وسط ديرة = شفنا بالنفد وعروق النباتي
من شمال الدرب يطابك سميرة = لين تبين لك رجوم نايفاتي
في فياض يطرد فيها غديرة = ماعليها الا الطيور الطايراتي
بكر الوسمي عليه وزاد خيرة = علته غر المزون الممطراتي
قو برقه يخطف أبصار نظيرة = ولادواء رعده تجض المترفاتي
مع طرف وسميتن جتنا بكيرة = ماحلى نبت الوسوم الباكراتي
في كنف ذود نخوض به الجزيرة = مانقلد بالعروش الطايلاتي
الجمل وسط الحماء تسمع هديرة = وأرزمت ريمه قبل لطرش ياتي
في هواها ندفع أموال كثيرة = ماحسبنا غير رب الكايناتي
ماغبطنا الي تعزوابه أميرة = لو يحطون الذهب وسط المشاتي