إرحــــــــل مع الهاجوس في كل وادي=وإســـــــــبح بحور وعانق الزرق فالليل

[زناد الدلبحي]

إرحــــــــل مع الهاجوس في كل وادي=وإســـــــــبح بحور وعانق الزرق فالليل

وإنظــــر لنفسك شخص ماهوب عادي=لاكن لاتـنقص مــــن حقوق الريــاجيل

وإضــــرب بكفك كان جوك الأعــــــادي = وإحذر من النملــــه قبـــــل تحذر الفيل

والــــــدار لـــــو جتها جيوش الجـــرادي=هــــابــــت بشرها وإنمحن المحاصيل

وإحــــــذر تكــــبر مثل من عاش غادي=اللي يحسب إنه وطى الجـدي وسهيل

والكبر لـــــــــــــو راعيه راع الشدادي=ماقـــــــــــــــدروه أبنا الرعـــاه المكافيل

وإن زانت أخـــــــلاقك ترى القدر زادي=وإن كان شـــانت غربلوك الجهـــــــاهيل

والــــــــــوقت غربل كل ماشي وعادي=ماأحد ٍ على دنياه مـــــــــايشكي الميل

وإليـــــــــا شكيت إشتك لرب العبادي=هــــو العزيز اللي يعــــــــــــــز المذاليل

وإن شفت فـــــــــــــي محجرك ينادي=إطـــــــعن كبــــود البيد وإسكب هماليل

لا تشوفك الــــــــــعدوان غبر الأيادي=ثــــم تفرح بدمــــــع ٍ على خدودك يسيل

وإن شـفت لك صاحب يحوس الرمادي=ويتبع هــــــــروج الــــــدنفسه والمهابيل

خله يولي جعـــل ماله مـــــــــــــفادي=يومــــه زرع درب الخــــــــــوي بالمحابيل

والصاحب اللي يحكـمنه مــــــــــبادي=وبصـــــحبته عز الرجال الحــــــــــــــلاحيل

مثل النجم يلمــع لك بليل هــــــــــادي=والغـــــير مثل الثعلب اللــــــــــي بلا ذيل

وأنا الـــــــــــذي جربت وأعـرف مرادي=ســني صغير ٍ وأرجح الكيـــــــل بالكيل

وإن سللت حدب السيــــــوف الحدادي=تبقى الجبال جبال والخـــــــيل هي خيل

والرمــح لو يطعن جــــــــــبال ٍ شدادي=مـــــــــــــــاضرها هو والنفوس المغاليل

وإليا بطــشت أبطش على بــــــــــادي=باللي تحـــــادر مثل مايحدر الســـــــــيل

والجـارحات اللي يبن الـــــــــــــهدادي=أردهـــــن وأذبح على عشوشهن حيــــل

وإن كان طارن مــــــن يجيب السدادي=فاللي يشيلـــــون البنادق مـــــــــحاميل

واللي يشيلون القـــــــــرب والعـتادي=على ظهور اللي طــــــــــــــوتها البهاذيل

والدلـبحي في نـــــــجد عايش وحادي=للي عليهن الشــــــــــــــــــحم له دواليل

مـــعربات وساسهن مــــــــــــن بلادي=وأوصــــــافهن تخفى عـــــــيون المخابيل

رثم الخشوم مناطحات الــــــــــبرادي=جــــــرد الرقـــــــــاب وضافيات المسابيل

فج النحور العاليات الـــــــــــــــهوادي=اللي غـــــــواربهن طوال ٍ مجامــــــــــــيل

وأوبهارهن قرط ٍ تشيل الكـــــــدادي=وشـــــــلف ٍ أذانيهن وفالعـــــــــظم تدبيل

وأوراكــهن عــــــــــــــن الأيادي بعادي=وألا الخـــــفاف كبار مــــــاهي بمساميل

شـالن بكار ٍ سود بأمر الجـــــــــوادي=مـــــــثل البواخر لا تقافن مــــــــــع النيل

ماردهن صمــد ونـــــــــــفود ومحادي=إن كان ريح النبت جــــــــن لـــــــه مقابيل

وأنا الذي من بعـــــــــد خــــلا المهادي=شــــــاف أمنياته فـــــي ظهور الأساطيل

حــــــــرباتهن تهز قــــــــــلب المعادي=وجنـــــــحانهن فـــــــــيها الذخاير مكاميل

واللي فــــــــرق بين العقاب وحـنـادي=إني أشـــــوف إبهن فخر كل هـــــالجيل

مجـــوس والأعراب حـــــضر وبــــوادي=وابناء اليهــــــود ومعهم أصحاب الأنجيل

اقولـها وبالشــعر يقدح زنــــــــــــادي=وتضــحك مكاحيل ٍ وتدمع مـــــــــــكاحيل

وأنا زناد الشــعر والــــــــــــــجو هادي=والشـــــــعر تقدح له زنـــــــــــود بمفاتيل

وكم شــاعـــر ٍ غنى بعـــــــمياه غادي=على الحــــــمير الخضر شـــق المداهيل

وألا الأصــايل طقــــــــــطقن بالحدادي=رقـــص الطــــــرب على الفياض المباليل

وشفت الــــسنـين الأربـعين الجدادي=تجي خسـايرهـــا لأهـــــــــــــلها مدابـيل

مـن دون قرن أفريقيا بالـــــــــــعبادي=تقلب وجيـــــــه الأرض وأمست مشاكيل

وســــــرحانها بالفار الأشهب يسادي=وعقبانها يفـــــــــــــــــرسهن البوم ويعيل

فإشراق صبح ٍ دون شمســه سوادي=فــــــــــــــيه العزيز يعيش عيش المذاليل

واللآش ذخـــر اللآش دون الرقـــــادي=لــــــــو ينردع بلل كمــــــــــــــوم ومناديل

والمرجله ماهــــــــــي بكــثر الدوادي=ولاهيب صــــــمت ولاشعـــــــر أو معاميل

تشـــبه لــــــــــها ضلع ٍ به الطول زادي=وترقاه نفــــــــــس ٍ ماتخـــــــاف التهاويل

لآكن عسى اللي جاب جسم القرادي=مـــن قشعة ٍ خـــــــــضرا يجيب المخاييل

وســــــــيولهن تجرح بطن كـــل وادي =ويبتل ثـــــوب اللي على العالي يـــــخيل


الشاعر/زنادعبيدالدلبحي