مفلح العصيمي
05-02-2011, 02:54 PM
بسم الله الرحمن الرحيم السلام عليكم ورحمة الله وبركاته نصافحكم بهذه القصيدة لعلها ترتقي لذايقتكم
النفس قامت اتتعبني هقاويها = اطيعها مر ولا مرارٍ اعصاها
اطيعها مع دروب الخير واقديها = واصدها عن طريق الشر وانهاها
فاليوم والليل يا مكثر طواريها = تبغى وتبغى عجزت الاقي ارضاها
هقوه وهقوه وهقوه حلم تطريها = ما كل نفسٍ يجيها كامل امناها
يا بعد هقواتها لاشك تبغيها = لكن عنها ظروف الوقت تحداها
تسعى وتحلم تريد الكون بيديها = والله كاتب لها من يوم مبداها
مقسومها تاخذه من عند واليها = نفسٍ سعيده ونفسٍ ربها أشقاها
من مبتدى العمر حتى الله ينهيها = ما تعمله من جميع اعمال تلقاها
ما تقتنع لو رفيع الشان يغنيها = محفوفةٍ بالطمع وتحب دنياها
هاذي طبيعه ترى مغروسةٍ فيها = يم المعاصي تمد الشوف وخطاها
ومن طبعها أمارةٍ بالسوء راعيها = من مال معها خسر والغد يشناها
لكن بالواقع اقنعها ومشيها =والراس مرفوع والناموس مجراها
كم واحدٍ راح غارق في بلاويها = جداه عظت ابهامه يوم راعاها
نادم على اللي جراله في شهاويها = في ساعةٍ ما نفع من كان غواها
هفت أبه هفتٍ تفجع مهاويها = ما عاد يمكن حياة العمر يحياها
واحدٍ عسفها على الطاعة مساعيها = نهج الشريعة لها والوقت ما غراها
بالعقل سيطر عليها ما يماديها = حتى على الدين روّضها وزكاها
وعاش بسعاده سنينه مع لياليها = همه وشغله يزودها بتقواها
يبي رضى الرب والسيات يمحيها = حتى يفوز بجبان الخلد واعلاها
هذا عسى النفس رب الكون ينجيها = الواحد اللي خلقها ويتوفاها
وصلوا على منذر الامه وهاديها = اللي بهدي الولي يمشي ومشاها
النفس قامت اتتعبني هقاويها = اطيعها مر ولا مرارٍ اعصاها
اطيعها مع دروب الخير واقديها = واصدها عن طريق الشر وانهاها
فاليوم والليل يا مكثر طواريها = تبغى وتبغى عجزت الاقي ارضاها
هقوه وهقوه وهقوه حلم تطريها = ما كل نفسٍ يجيها كامل امناها
يا بعد هقواتها لاشك تبغيها = لكن عنها ظروف الوقت تحداها
تسعى وتحلم تريد الكون بيديها = والله كاتب لها من يوم مبداها
مقسومها تاخذه من عند واليها = نفسٍ سعيده ونفسٍ ربها أشقاها
من مبتدى العمر حتى الله ينهيها = ما تعمله من جميع اعمال تلقاها
ما تقتنع لو رفيع الشان يغنيها = محفوفةٍ بالطمع وتحب دنياها
هاذي طبيعه ترى مغروسةٍ فيها = يم المعاصي تمد الشوف وخطاها
ومن طبعها أمارةٍ بالسوء راعيها = من مال معها خسر والغد يشناها
لكن بالواقع اقنعها ومشيها =والراس مرفوع والناموس مجراها
كم واحدٍ راح غارق في بلاويها = جداه عظت ابهامه يوم راعاها
نادم على اللي جراله في شهاويها = في ساعةٍ ما نفع من كان غواها
هفت أبه هفتٍ تفجع مهاويها = ما عاد يمكن حياة العمر يحياها
واحدٍ عسفها على الطاعة مساعيها = نهج الشريعة لها والوقت ما غراها
بالعقل سيطر عليها ما يماديها = حتى على الدين روّضها وزكاها
وعاش بسعاده سنينه مع لياليها = همه وشغله يزودها بتقواها
يبي رضى الرب والسيات يمحيها = حتى يفوز بجبان الخلد واعلاها
هذا عسى النفس رب الكون ينجيها = الواحد اللي خلقها ويتوفاها
وصلوا على منذر الامه وهاديها = اللي بهدي الولي يمشي ومشاها