حصريا لكم هديه اخر ماكتبت اليوم

[شبل الدماسين]

يقول الي بدى روس الطوايل = عريب الجدعدى بالطوايل
هواجيسه على المعنى شعنه = ولايرجي سوى منش المخايل
عريب الساس وعزومه قويه = من إرجال(ن)قلايعها الاصايل
حمول الخيل حنا بالملاقى = وعصر الزير يشهد بالمثايل
وانا لي ساس وفعول وجماعه = وفعلي بان من بين القبايل
ولي تاريخ اعلم من جهل به = كتبته بالرماح وبالصقايل
كتبته غصب مافيها ترجي = وفعلي بان في وقت الفعايل
نهار(ن)مابه الاالموت وارد = ولابه رحمه ولابه جمايل
نهار(ن)عجه ايغطي سحابه = وسيله من حمر نقريز سايل
حمينا اديارنا غصب وتحدي = ولاعلقت عاني للحمايل
عانيناالسيف والفعل المورخ = نهار الدم غاد(ن)له وشايل
وساسي عارفه بين القبايل = بساسي بادين في كل طايل
انا لي ساس وفعول وجماعه = كما شمس(ن)تبين بالقوايل
دماسينن لنا مجد ومكانه = نحدالقوم في وقت الصمايل
ولنا شيخ(ن)تنومسنا فعوله = دليله لاغوى الدرب الدلايل
ولد بتال فعله مانسيته = خزام الخصم حماي الدبايل
وعياله كالنجوم الي بدنا = وله لابه إتعدل كل مايل
ولانظلم ولانرضى الظلايم = لنا التاريخ يشهد بالخصايل
قليل من كثير الي ذكرته = ولاتحصى فعولي بالمثايل
ويلا منه جحدني من جحدني = اقول الوقت سوابي هوايل
وبفضل الله عم الامن كله = جزيرتنا بعدحرب الفصايل
بظل اهل الوفاء ينعم بلدنا = عيال العود منجين الدخايل
اخونوره حكمها بالشريعه = وعم الامن من بين القبايل
وتطاول من تطاول في علومه = وبدى المسكين في روس الطوايل
وختام الهرج بمحمد رسوله = صلاتي عد همال المخايل

[فهد الجبري]

صح الله لسانك يا الدماسي


وبيّض الله وجهك على هالفاخره

ونعم فيك وبالدماسين كلهم

[مطيريــهـ وأفتخـر]

صــــــــــــح لســـآنكـ

قصيــــــــــــــدهـ رووووووعـــــهـ

[شبل الدماسين]

السلام عليكم
اشكر لكم مروركم الطيب
وكلامكم الجميل

[سيف الأسلام]

جزلهـ من راس جزل .



تقديري لكــ .

[االذيب]

مشكور وبيض الله وجهك يابن دامس
وصحيح مشيختكم مشهور ه بين القبائل ناصربن بتال وابنائه نجوم الربيع واحفاده اخوان هيا وسمعنا ان فيه شريط نازل لقصائد الشيخ ناصر ومدري وصلت الكويت ولا لا

[شبل الدماسين]

هلابكم جميعا
اشكر لكم مروركم الطيب
اخوي الذيب ماعليك زود
نعم فيه ديوان نزل بإسم
إنجوم الربيع ويضم قصائد
وقصص الشيخ ناصر بن بتال
اما من ناحية انه وصل الكويت
ماادري انا في السعوديه ماني
في الكويت
وشكرا لكم جميعا