المحاوره المباشره الاولى

[عــمـــر]

السلام عليكم ورحمة الله وبركاته


اعزائنا الاعضاء والزوار هنا ستقام المحاوره المباشره الاولى في الساعه التاسعه مساء اليوم


بين كلاً من :


الشاعر بدر المقاطي و الشاعر حمود السمي



ونرحب بهم بسم ادارة منتدى قبيلة عتيبه وبسم اعضاء وزوار المنتدى ونتشرف بتواجدكم بيننا


فـ اهلا وسهلا بكم

[الشاعر بدر المقاطي]

السلام عليكم ورحمة الله وبركاته

الله يسعد مساكم بالخير

وبسمكم أرحب بالشاعر القدير حمود السمي

والله يحييك يابو عايض في منتداك وبين ربعك

وحضورك يشرفنا

[الشاعر حمود السمي]

السلام عليكم ورحمة الله وبركاته

والله يمسيكم بالخير

واشكر اخوي بدر على الترحيب

واتشرف بالحضور عندكم
واعتبر هذا المنتدى هو منتداي

وعندك مبدا القاف يابو مطلق

[العتيبي]

ياهلا ومرحبا وحياكم الله وسعداء بتواجدكم

ومتابعين لكم هذا المساء للاستمتاع بالشعر الجزيل منكم

[الشاعر بدر المقاطي]

استلم يابو عايض


يامرحبا والسفينه بابها للركوب

صاروا خوانك ثلاثه ضمن ركابها

صيحات بعض القبايل بأختلاف الشعوب

ياحمود هذي جريمه تعرف أسبابها

[الشاعر حمود السمي]

طيب طيب

واستلم يابو مطلق

دام البقا والهدف ماهوب يم الجنوب
والشيخ ابو زيد وداها ولا جابها

بلش الشقيق الصدوق امن الشقيق الكذوب

الي يجي بين راس الحيه ودابها

[مرحبا ياعتيبه]

مرحبا مليون باشعر حمود السمي وبن العم بدر المقاطي
والله انها الساعه المباركه

[مرحبا ياعتيبه]

صح اللسانك ياحمود

[((الـروقـي))]

ياهلا ومرحبا بالشعار حمود السمي البقمي والشاعر بدر المقاطي

وبدايه ساخنه وطاروق ممتاز


بدر المقاطي
صيحات بعض القبايل بأختلاف الشعوب

ياحمود هذي جريمه تعرف أسبابها



حمود السمي

بلش الشقيق الصدوق امن الشقيق الكذوب

الي يجي بين راس الحيه ودابها



ياسلااااااااااااام اليوم ابا امسك صف الجار حمود السمي ولاهان اخوي بدر المقاطي

[الشاعر بدر المقاطي]

يالله تلم العرب من كل يمه وصوب
حتى تسوق الجمال وتعدل أرقابها

لو كنت تعلم نوايا سود بعض القلوب
مابعت سكين جدك وانته أولابها

[هتلر العتيبي]

الليل الليل :36_1_11[1]: صحة السنتكم .متابـع

[((الـروقـي))]

بدر المقاطي


يالله تلم العرب من كل يمه وصوب
حتى تسوق الجمال وتعدل أرقابها


لو كنت تعلم نوايا سود بعض القلوب
مابعت سكين جدك وانته أولابها



الله الله

[العتيبي]

صح اللسانك يابدر

[الشاعر حمود السمي]

شغلك عندي يالمقاطي



المشكله مبطيه ماهيب يادوب دوب

جمع شتات القلوب واجمع أحزابها


راحت مراح القطا الي قفتها الهبوب

عقب انكسر حدها ماينفع انصابها

[عــمـــر]

بدر المقاطي
يامرحبا والسفينه بابها للركوب
صاروا خوانك ثلاثه ضمن ركابها
صيحات بعض القبايل بأختلاف الشعوب
ياحمود هذي جريمه تعرف أسبابها

حمود السمي
دام البقا والهدف ماهوب يم الجنوب
والشيخ ابو زيد وداها ولا جابها
بلش الشقيق الصدوق امن الشقيق الكذوب
الي يجي بين راس الحيه ودابها

بدر المقاطي
يالله تلم العرب من كل يمه وصوب
حتى تسوق الجمال وتعدل أرقابها
لو كنت تعلم نوايا سود بعض القلوب
مابعت سكين جدك وانته أولابها

حمود السمي
المشكله مبطيه ماهيب يادوب دوب
جمع شتات القلوب واجمع أحزابها
راحت مراح القطا الي قفتها الهبوب
عقب انكسر حدها ماينفع انصابها</b></i>


الله الله

صح السانكم جميع وافييين واصلوووووووو

[الشاعر بدر المقاطي]

موقفك ماله مبرر لنجا والهروب

ان اكن ترضابها حنا مانرضابها


وياك مافيه ساعه لأنفراج الكروب

من يوم حديتها وأخلفت مضرابها

[((الـروقـي))]

راحت مراح القطا الي قفتها الهبوب

عقب انكسر حدها ماينفع انصابها


لابالله ماينفع انصابها لاانكسر حدهااا ياسلاااااااااااام

الميل عليكم

[الشاعر حمود السمي]

يالي تبريت من كل الخطا والذنووب

تضحك مع القوم وأخوانك على اعصابها


نقوول صك الدروب وتفتحون الدرووب


حتى تعدت تريلتها وقلابهاا

[((الـروقـي))]

نقوول صك الدروب وتفتحون الدرووب


حتى تعدت تريلتها وقلابهاا


الله الله احتمى العلم والله يعين الليل الليل يابدر

[الشاعر بدر المقاطي]

اشره على واحدٍ عيا يمل ويتوب

اليا نفخ جمرته ياحمود يكوابها

سليم تبكي قهر ومطير ويا الحروب

تضحك لو انك قبرت سليم بثيابها

[الشاعر حمود السمي]

الليل يكبر ظلامه بعد وقت الغروب

والأرض فيها عقارب تركز أذنابها

الماضي الي مضى من كل شي محسوب

سقوى سقى الله لاشب النار شبابها

[العتيبي]

الليل يكبر ظلامه بعد وقت الغروب

والأرض فيها عقارب تركز أذنابها

الماضي الي مضى من كل شي محسوب

سقوى سقى الله لاشب النار شبابه
هالله هالله

[الشاعر بدر المقاطي]

نور القمر فوق خلق الله ماهوب محجوب

يكشف سدول الليال السود وحجابهاا

الصبر جدواك مالك حل وانت مغصوب

لو اتوجد على القبه ومحرابها

[محمد الرشيدي]

السلام عليكم ورحمة الله وبركاته

يا سلام على الابداااع

عاش اخوي بدر وعااش واخوي السمي

[((الـروقـي))]

سقوى سقى الله لاشب النار شبابها

شبابهاااااااااااااا ياسلااااااام ياسلااااااااااام

ابدااااااااااع ياحمود الله يعزك

[محمد الرشيدي]

عاشو يا سلام معنى جميل يا ابو مطلق

وعاش السمي عاااش

[الشاعر حمود السمي]

تبا تدور الرحى من فوق هاك الحبوب

واليا طحنتها رحانا مابلشنابها

المسلم المبتلى غالب ماهوب مغلوب

الي دخل روضة المسجد وصلابها



صح لسانك يابو مطلق ولاهنت


واشكر الجميع على الدعوه والمتابعه

وتمسو على خير

[الشاعر بدر المقاطي]

بيض الله وجهك يابو عايض وصح لسانك

واشكر الجميع على المتابعه

وفمان الله

[عــمـــر]

حمود السمي
الليل يكبر ظلامه بعد وقت الغروب
والأرض فيها عقارب تركز أذنابها
الماضي الي مضى من كل شي محسوب
سقوى سقى الله لاشب النار شبابها

بدر المقاطي

نور القمر فوق خلق الله ماهوب محجوب
يكشف سدول الليال السود وحجابهاا
الصبر جدواك مالك حل وانت مغصوب
لو اتوجد على القبه ومحرابها

الله الله
متابع :)

[محمد الرشيدي]

وانت من اهل الخير يالسمي


وبيض الله وجيهكم على ملعبة الحريه

وصح السااانكم ولا هنتوااا

[عــمـــر]

يعطيكم العافيه وصح لسانكم جميعاً ونشكركم على تشريفكم لنا وامتعتونا بالمحاوره الرائعه

لاهنتوا وبيض الله وجيهكم

[((الـروقـي))]

صح لسانكم ياشعار ولاهنتوا على اللعب الطيب وامتعتونا

ونتمنى ان تكرروا اللعب هنا ولاتحرمونا كمتابعين لكم

[بدر الرخيمي]

اشكر الشاعر حمود والشاعر بدر المقاطي على المحاوره االطيبه والتي تهدف على معنى وقع وحديث وهم اغنياء عن التعريف شعار بمعنى وجزاله وحنكه اتمنى ان تتكرر مثل هذي المحاوره صح السانكم

[معتاد الذيابي]

الله يعطيكم العافية

صراح كانت محاورة شعرية جميلة وحماسية

ونتمنى ان يكرر الشعراء هذا التجربة الجميلة

[خالد الثبيتي]

صحت الالسن و القلوووووووووب

و بيض الله وجيهكم على هالابداع


و آخيراً سويتوا تنسيق محاورات مباشرة ؟؟ هههه

يعطيكم الله العافيه

[ذيب الحفر]

الله الله الله بيــض الله وجهك يااحمود السمي .. وهلا والله ومرحبااا .. وتحفتنــا طال عمرك في البيوت الجزلــه وشاعر ماايختلف عليك اثنين .. وبارك الله في الشاعر بدر المقااطي وصــح لسانــه شااعر كفووو .. وبيض الله وجيهكم علي المحاوره الرائــعه وتحفتونـا والله يلعم انا قايلــهــا صادق


تقـــبــلوو مروري ... ذيــــب الــحــفـــر

[رامي العتيبي]

ياسلام ياسلام
مبدا كايف
وطاروق مجمل
صح لسانك يالمقاطي
وصح لسانك يالسمي


مجملين لاهنتم

[طويق]

لاباس محاوره عاديه جدا ومكشوفة المعاني رغم ان شعارها عمالقه ولى ادري لماذا لعبو بهذه الطريقه المكشوفه ..