تابعت الشعراء فأعجبوني وبنبدأ بالمشرف الجبري

[طويق]

السلام عليكم الحقيقه اعجبني كثيرا ممن يلعبون المحاوره وحبيت اشارك معكم وسوف ابدأ بالمشرف الكريم الاخ فهد الجبري المحترم ...


انا من ضمن شعار الجزيره وافتل ا لقاف.. ليا مني فتلت القاف صعب انك تحله

سلام الله بعد مبداي فوق الناس الاشراف..نسجلها على الموقع وبغلاف المجله

[طويق]

في انتظارك يامشرف الموقع

[رهف العتيبي]

عسى المحاوره تكون مشوقه بينكم وعسى تبدعون فيها

[فهد الجبري]

:)

:)

[طويق]

افا علامك حاطن عوينات بدل الرد لايكون من اللي يتسلفون الشعر واحرجناك

[العصيمي]

مـــا شـــااء الله ياطــــــــويـــق جـــااي حـــاامـــي


ننـــتظـــر رد الشاعــر فهــد

[فهد الجبري]

يا مرحبا بك ولو انها متأخرهـ


هلا يا مرحبا ليلك عجاج ٍ وأولـــه طاف ,,, ولكن البـــلا بتاليه منهـــو فاطـــن له

تحيزم والمعارك ما تجي يا كود بسياف ,,, وانا الي شاعب ٍ قبّه ولي سيف بسله

[خيال]

صح لسانكم جميعااا والله يستر من سيوفك يااااااافههههههههدد

[طويق]

عذرا للتأخير بسبب ظروف سفري ولكن استلم باين عليك خطير جداا ..

مدام انه هذا مبداك سهله قلبة الكاف ... رحمك الله ياللي وارف للرجل ظله

ياليتك يالعتيبي تتبع اللي فالحرم طاف ...وتكب اللعب واهل اللعب مادلك بدله

[فهد الجبري]

وطيتك يا طويق وخابرك ضلع ٍ ومشراف=عوى ذيبي على خشمك وراحت كل عله
تبا تسري قوافلنا وكلب القوم بخلاف=يزيد النبح ولسانه من لعابه يبله

[ذيب الحفر]

الله الله ... شعار ما يختــلفــ عليكم اثنين ..


تقــبـل مروري .. ذيب الحفرر

[طويق]

حرام من حزامي ماتجي لقمه بمغراف ... ترفرف بالجناح وصايبك فالقلب خله

رصيدك في بنوك الطيب خمس اصفار نظاف... وملفك ياولد عماش مانبغى نفله

[فهد الجبري]

حزامك في طرف حلقك وانا الي صبت الاهداف=جبل والي يناطحني غشيم ٍ فيه ذله
ابوي العود بن جبري ولا يحتاج عراف=ولاني بخلوي ٍ حرفته رباب دله

[خالد الثبيتي]

صحت الالسن

و القلووووووووووووب

و بيض الله وجيهكم


متابع

[طويق]

هذاك العود ناصر نعرفه مافوقه خلاف ...لكن انته بناخ اللي جمع للقوم جله

وهاذي مهنتك من خلقتك يازين الاوصاف... يسير بوسط دمك عرق عبد ابراي لله

[فهد الجبري]

انا الي معرب ٍ جده وناصر عمي الضاف=وجدي ناصر ٍ عند الثبيت اعرف محله
وكل رجل يا طويق يجيب العلم لا شاف=وانا الي ما علي زله وابا ركبك زله

[طويق]

تحرف ماتحرف مالها مخرج ومحراف...لكن اطلب رضانا كل ماشفت الاهله

وانا ماهمني ياصاحبي نايف ونواف... وذرا بيتك يطيح ان كان ماجود بخله

[فهد الجبري]

طويق مطوّقك عندي وابا خليك مصياف=وابا ضحك بك العالم وابا حرّسك فله
يا عوقك ضعت في سنة الضياع وسنة الاعجاف=عسى امك ما تجيب عيال ودربك ما تدله

[طويق]

الله يرحم شيباني ويسكنهم فسيح جناته والمسلين عامه .

مشكور يااخ فهد ولك مستقبل زاهر انشاء الله . ولكن تجنب الاندفاع والانفعال في المحاوره حتى لاتقع في المطبات اتمنى للجميع التوفيق والسداد .سبحانك اللهم وبحمدك اشهد ان لاالاه الا انت استغفرك واتوب اليك ..

[فهد الجبري]

لا هنت يا ذيبان

وانا اعتذر ان بدر مني اي اسائه وتبقى محاوره ولكن الادب والاحترام محفوظ

ولنا لقائات اخرى يا ذيبان