ياسلام الله سلامن على روس الرجال ...

[محمدغازي العتيبي]

السلام عليكم وهذه المصافحه الاولى لمن يرغب اللعب والله يجملنا بالعلم الغانم ..

ياسلام الله سلام (ن) على روس الرجال ..

الرجال اللي تنومس بطيب فعولها ..

من يبا الميدان يقلط على صفر الدلال..

والسمينه غايتي والعرب بعقولها ...

[محمدغازي العتيبي]

وين شعار القلطه يالنشاما

[فارس الجذعان]

اول التسجيل الرد علي شاعرنا محمد غازي :)



ياهلا يامرحبا عد ماهل الهلال /// ردتن لاهل الوفاء مبينن مدلولهاااااااااااااااااااااااا


كل رجلً معتبر كان عنده راس مال /// يشتري ويبيع والطيبات ينولهاااااااااااااااااااااااا

[محمدغازي العتيبي]

صح السانك يافارس وكفو طال عمرك ..ايه ياخوي وسعت صدري الله يعافيك واستلم

الرشا عانه موثق على ظهر المحال...حاسبين حسابنا والعدود ايطولها


سرها ياصاحبي من على روس الجبال... السما من فوق قامت تهل ثعولها

[فارس الجذعان]

صح السانك يافارس وكفو طال عمرك ..ايه ياخوي وسعت صدري الله يعافيك واستلم

الرشا عانه موثق على ظهر المحال...حاسبين حسابنا والعدود ايطولها


سرها ياصاحبي من على روس الجبال... السما من فوق قامت تهل ثعولها


ليه ارحب فيك ماقلتلي يابن الحلال!!!! /// (( البقاء )) والملعبــه بينات اصولهااااااااااااا

اسر ليلك يالعتيبي بعد جالك مجال /// وكل كلمه في ضميرك تعال وقولهااااااااااا:)

[محمدغازي العتيبي]

هههههههههه الله يعا فيك ومرحب بك القلب قبل اللسان الله يحييك .


لاتجي دون الهدف وانت قدرك عال عال... والسنه من عدها مايغر فصولها

الولد لاطاب طيبه طيبه لعمان وخوال ...والاداره تنظبط لاظبط مسؤلها

[فارس الجذعان]

هههههههههه الله يعا فيك ومرحب بك القلب قبل اللسان الله يحييك .


لاتجي دون الهدف وانت قدرك عال عال... والسنه من عدها مايغر فصولها

الولد لاطاب طيبه طيبه لعمان وخوال ...والاداره تنظبط لاظبط مسؤلها


طيب طيب :)

انت رجلك يامحمد على الجرف الهيال :) /// ولا انا قيست عرض الديار وطولهااااااااااااااااااا

كان عندك يالعتيبي على الوضع احتمال /// استلمها لو تلجلج عليك اخبولهااااااااااااااااااااااااا :)

[فارس الجذعان]

محمد صح لسانك ولاهنت يالذيب ونترك لك اللعب مع اخونا فواز الجذع لكي لا تكون بين لعبتين

[محمدغازي العتيبي]

فارس لاهنت وبيض الله وجهك // وكلمة طيبه لعمان وخوال .تكررت كلمه طيبه عن طريق السرعه في الكتابه والا هي مره واحده للتوضيح ليس الا وشكرا

[عــمـــر]

الله الله يا بو بندر صح لسانك وصح لسان فارس الجذعان

لاهنتوا

[محمدغازي العتيبي]

صح بدنك يابو (م .ح .س.ن) لاهنت

[((الـروقـي))]

صح لسانكم ياشعار ولاهنتوا على الملعبه اللي تمنيتها تطول اكثر

[محمدغازي العتيبي]

لاهنت يابن روق . والله وانا كان ودي فلكن تجري الرياح والباقي عندك تحياتي