سلام الله عليكم ياعتيبة

[محمد الدعجاني]

سلام الله عليكم ياعتيبه والسلام أسلام = بعد طول الغياب الشوق يجبرنا على العوده


مادام ان البلد محكوم والشرهه على الحكام = يموت ابليس بحدوده ولا يطلع من احدوده





الطاروق للجميع ومساكم الله بالخير :)

[خالد الثبيتي]

مرحبابك يالغالي

ولو اني توي جديد بينكم , لكن ابجاريك و ان شاء الله استفيد منك

وصح لسانك على ما قلت و استلم



هلا يا مرحبا باللي عن العتبان غايب عام = مقيم لّه دعاوي مار اشوفه ناسي شهوده
صدر من حاكم الدوله حكم لكنّ ما ينلام = يصدر للتقاعد كل واحد قلّت جهوده

[محمد الدعجاني]

يامرحبا مليون بالثبيتي

واستلم


يدوم الك البقا يالشاعر اللى من ثلاث ايام = طلع فوق النجوم وطلعته من طيبه وزوده

ابو زيد الهلالي لخبط الحسبة مع الارقام = بعد جاب البنادق للرجال ومد باارووده

[خالد الثبيتي]

البقاء يالمرحب ..

واستلم




على وضح النقاء نمشي و لا نخشى على الاقدام = ولا احدٍ ياصل القمة ياكود بقوِّ مجهوده
ابو زيد الهلالي يا صحيبي في يديه خطام = يقوده كيف ما يبغى و لا احدٍ غيره يقوده

[محمد الدعجاني]

الله الله

على هونك ترى فالدرب قدامك حقول اللغام === وترى ماكل خطوه ياوسيع العرف محموده

انا اقول المصايب كلها من ريّيس الاقزام === يحارب مع هل الطايف وياكل مع هل السوده

[خالد الثبيتي]

لا تندفع مانته منقص من رصاصي فالحزام = ترى الجمل ما يثّر بجنبه ولو ميّة دوده
روح و تقدم للرجل قلّه على ذاك الكلام = ترى الاقوال تنقص فالرجل فعله و في فوده

[((الـروقـي))]

يامرحبا حياك الله يامحمد الدعجاني وحمد لله على السلامه

ماشاء الله محاورة من الوزن الثقيل وامتعتونا بها ومتابعين لها

اخوي خالد الثبيتي الله محييك وبدايه موفقه ان كانت بدايه لكن اظاهر انك متواضع بالحيل يالشيخ

وتقول مبتديء

[افتخر انى عتيبي]

والنعم فيك يالدعجاني ... شرفني جدا وابهج قلبي ان اعانق نور حضورك ..


عز الفتى راس ماله من مكاسبها

يا مرتضي الهون لا عزٍّ ولا مالي


دللت بالروح لين ارخصت جانبها

وانا عتيبي عريب الجد والخالي


قومٍ تدوس الافاعي مع عقاربها

ولها عزايم تهد الشامخ العالي


دمت سالم عزيزى ..

[خالد الثبيتي]

يامرحبا حياك الله يامحمد الدعجاني وحمد لله على السلامه

ماشاء الله محاورة من الوزن الثقيل وامتعتونا بها ومتابعين لها

اخوي خالد الثبيتي الله محييك وبدايه موفقه ان كانت بدايه لكن اظاهر انك متواضع بالحيل يالشيخ

وتقول مبتديء

اخوي الروقي

ماهي بدايه

انا لي محاورات كثيرة بالمنتديات , ومباشره بعد . و ابنقلها لكم هنا ان شاء الله اذا سنحت لي الفرصه الليله

لكن اللي تعرفه مو مثل اللي ما تعرفه سلمك الله

وانا ضيف جديد عليكم هنا ويعلم الله اني ما اعرف ولا واحد فيكم بأسمه , لذلك مو من باب الرجوله و الشاعريه اني اتهجم على الدعجاني و العب معه بخزى

و هو يلعب على معنى بينه وبين ناس هنا بالمنتدى مثل ما فهمت , لكني ما حبيت اجاريه بأقواله بالضبط , وقلت له روح قل لهم اللي براسك هههههههههه

و يعلم الله اني اكن لكم كل تقدير و احترام ولو اني غير ذلك ما قعدت هنا ولا دقيقه



<< آخر محاورة لي كانت مع الشاعر المسعودي الهذلي بأحد المنتديات قبل يومين تقريباً ( مباشرة ) و نكّي بالمنتدى ( قايد الفوج )

البدايه من الشاعر المسعودي يقول :


ياحمر العين قايد قوم يابن الحلال ** ودي اخذ معك قافٍ يشوق الحضور
و الله اني نويتك قبل عدت ليال ** مار حظك رمابك في حلوق النمور



قلت له :

يالمنادي لساحات الوغى و النزال ** هات علمٍ يسرك قبل يوم النشور
دام جاء لي مع ابن هذيل دور ومجال ** و الله اني لحده لآن دمه يفور


قال المسعودي :

دامت انك نزلت ابشر بكحل الدلال ** اكحل عيونك الثنتين وتصير عور
ما بنيت المعارف فوق جرفٍ هيال ** من يمين الهذيلي ذوق سد النحور


قلت له :

طبعها يا عرب تكحل عيون الرجال ** بالدلع و التغنج قدم وجهه تدور
خابرين حددانا علمهم ما يقال ** و الله اني على الجيران قلبي صبور


قال المسعودي :

بعد خصمي عجز جاني بهرج الخبال ** التغنج لكم يا حافرين القبور
نعرف اللي حرام وخابرين الحلال ** مار يا كثر صبري فوق بدر البدور


قلت له :

خابرين اليمين و خابرين الشمال ** يا عرب مآذيه يا سارقين التمور
لا تهور وجاوب كان جاك السؤال ** قوم رد الغنايم كان قلبك غيور


قال المسعودي :

جيت ساري و ادور يا عرب للجزال ** مار جاني يالاد ثبيت بعض القصور
تتهمني بتمره يا عريب الخوال ** و الله اني بري لو شفتها بالخدور


قلت له :

لو مشيت الدورب الطيبه و العدال ** كان يا صاحبي قلبك يجيه السرور
ضاعت البينه و الرجل فالدرب مال ** مدري انه سهى و الا يلف و يدور


قال المسعودي :

كيف تجرأ تقول انته سرقت العدال ** تمركم يا عميلي راح عند الطيور
آرد العد و اشرب من قراحٍ زلال ** و انت بندقك تال الليل قامت تثور


قلت له :

بيّنه يا صحيبي لا يطول الجدال ** وانت اظنك تعدّ هذيل ضمن الصقور
اشرب العد و اشرب قرن لن كان سال ** المهمّ العلوم الطيبه لا تبور


قال المسعودي :

اعرف انك مقيل تحت ظل السيال ** غطّك النوم لين اوحيت دق النجور
بكره اخبر زميلي بالعلوم الطوال ** و آخذ الحق مثني كل شيء مخبور


قلت له :

كان نادى المنادي في توال الليال ** طار نومي ورحت اقطع حبال الشرور
ماش علم متخفي يا كريم السبال ** اخذ حقك بفعلك لا يصيبك فتور






<< وهالمحاورة مع الشاعر عاشق ذوق .. و كانت قبل المحاورة السابقه بفترة وجيزه


يقول عاشق ذوق

سلام الله عليكم يارجال(ن)فكرها صاحي
حضـور احضور وبيوت الشعر تفهم معانيها

وابو زيد الهلالي ماتـوقع ضرب الــرماحي
تجيه امــن الصحيب اللي معاناته يعانيها




قايد الفوج


هلا يا مرحبا باللي بدع قافه بالاصباحي
ومن يزرع شجر يلقى ثمر ما دام يسقيها

هذيك رمح مرميه وفيها السم والماحي
وابو زيد الهلالي عرض جنوبه لراميها





عاشق ذوق



يــدوم الك البقا والعلم لا قايم ولا طاحــــي
وسم الحنظل اللي تغرسه دمر مواريها

رماح الغدر ماتقضي طلب لو دمها ساحي
وبو زيد الهلالي ماتوقع غدر راعيها





قايد الفوج

تركد يا عميلي هات جرحك جاك جراحي
وانا ماشي على خطه بدت لي من شواريها

انا ماجيت عدواني تراني جيت صلّاحي
ولن طالت علومك قلت لك ربي يسويها



عاشق ذوق


بلاي من الزعيم اللي تقلد تاج ووشاحي
يجي منه الخطا والناس لجل اسمه تمشيها


واظنك لو فهمت العلم كان تطير بجناحي
تجي جنبي وتحسى حسيتن للغدر حاسيها


قايد الفوج


عسى اللي حاصلٍ بينك وبين الشيخ ينزاحي
ولو انك تدورها وجاتك يوم تبغيها

معي عقلي وافك عقول خلق الله بمفتاحي
ولن جات الخطايا يا صحيبي ما نعديها




عاشق ذوق


هذا المقصد هذا المقصد وراح الشك وانزاحي
لكن لا تـحسب الغلـطه علي وتبتلش فـيها


انا من قبل لا جيها حسبت احساب مرباحي
لكني ماحسبت احساب بلوى من بلاويها


قايد الفوج



انا خابر علومك من قبل لسرح بمسراحي
ولاني حاسب الغلطة يالين اشوف خافيها


ترى شالح رفع صوته وطالب راس شلاحي
وخلك من علومٍ ما تهمك لا تجاريها






و المعذرة على الاطاله

[سيف الأسلام]

مبدع يالثبيتي


الله يوفقك

[محمد الدعجاني]

يامرحبا يالروقي والله يبقيك يالغالي

ويامرحبا يافتخر انى عتيبي وماعليك زود ياغالي


والثبيتي ماخلا شي وراه الله يسلمه :)



ليت الثبيتي ماتكلف ياجماعه فاللمهام === علا نيه قطع حبل العلاقه وارسل اجنوده

حنا ترانا مانفرق فالخوال وفالعمام=== ونقول ان جات زله من خوي ماهيب مقصوده