خالد المقاطي (( خطوه للأمام سر ))

[متعب الخيل]

السلام عليكم

أباااك ياخالد بكلمت راااس :)


مرحبا والمعاني سقتها سوق خيل=كنها مهرتن في يد عسافها
يالمقاطي تقدم جعل عمرك طويل=بندقك لاتخيب وتخلف اهدافها

[خالد المقاطي]

مرحبــــــا يامرحبـــــــــا
استلم استلم :)



البقا والمعاني مثل وبل المخيل = فوق راسك تنوح ويصفر رزافها
واصلك يالمنادي مثل سيف(ن) سقيل = والبنادق لهلها وانت عرافها

[متعب الخيل]

طيب طيب

والله اني عليها مثل سد المسيل=ماتجي فوق راسي وانت غرافها
مانحب الهزيل ونرتقي للجزيل=وانت ذيب(ن) ليا منه عوا قافها

[خالد المقاطي]

اللـــه اللــــه استلم


ياجمل لو نزندك الحمل وش تشيل = الله اعلم تخليها بمشرافها
خابرك ياصحيبي في دروبك دليل = هات حجتك قدمي واجلب الحافها

[متعب الخيل]

هلا هلا

اشهد انك مهول مير مامن حصيل=الجمل لانوا الناقه تكرافها
للجمال الهدير وللحصان الصهيل=والجمال معروفه دون ميقافها

صح السانك يابوو وليد اسعدني اللعب معك والختام عندك

ولنا لقاءات أخرى انشاء الله

[خالد المقاطي]

هههههههههه
انا والله سعيد بالعب معك يالمتعب الخيل والساعه المباركه
والجايات اكثر .. استلم استلم :)




لاوردنا نشيل الكيل ونحط كيل = والمنيحه جملنا للتفت عافها
للجمال الخطام وللحليب الصميل = وانت قسمك وحيده واختر اوصافها

[محمد المقاطي]

متعب الخيل

خالد المقاطي

صحت السنتكم
وامتعتونا باللعب الطيب

تحيتي

[((الـروقـي))]

لعب طيب طيب بالحيل

وتسلمون على هاللعب ولاهنتوا ياشعار

[متعب الخيل]

السلام عليكم

محمد المقاطي

صح بدنك لاهنت يالشيخ على مرورك الكريم

[متعب الخيل]

السلام عليكم

الروقي

صح بدنك ولاهنت على مرورك الكريم

[جراح العصيمي]

صح اللسان الشعار