خالد المقاطي مطلوب

[ذيب الشيباني]

سلامي سلامٍ يستحق التراحيب = مثل مرحبا ياللي ترد السلامي
انا اليوم ضيفٍ عندكم يامعازيب = عتيبي من عتيبه كبار الاسامي

[محمد المقاطي]

صح لسانك

يابن مشيب
وفي انتظار
خالد المقاطي
ليكتمل الابداع

[ذيب الشيباني]

اخوي محمد اشكر مرورك الكريم

[خالد المقاطي]

ارحب ثم ارحب ثم ارحب
يلبن مشيب ولو اني زعلان لاكن
استلم استلم :)


هلا يامسل (م) عد ما يقنب الذيــب= ومرحب نقدمها وكل احترامــــي
يابن مشيب انته منت ظمن الاجانيب =انا وانت في حلة خوال وعمامي

[خالد المقاطي]

مرحبا محمد المقاطي
سعيدين لمرورك
الطيب
الليـــــل ياذيب :)

[محمد المقاطي]

صح لسانك
خالد المقاطي
ولايهون الحفري

[*(سلطان المقاطي)*]

صح لسانك يالحفري


صح لسانك خالد

الليـــــــــل ياولد

[ذيب الشيباني]

صح السانك ياخالد واستلم طال عمرك وشكراّ للجميع على تواجدهم
يدوم البقا ياللي تعرف المواجيب = ولاهي غريبه يارفيع المقامي
لقينا الادلّه كلها فالمكاتيب = وأبشّرك ياخالد عرفنا الحرامي

[محمد المقاطي]

لقينا الادلّه كلهـا فالمكاتيـب ** وأبشّرك ياخالد عرفنا الحرامي

ذيب الشيباني
اخذني في صفك
ولا يهون خالد

[ذيب الشيباني]

اخوي محمد أسعدني مرورك الكريم :)

[متعب الخيل]

السلام عليكم
صح السانكم

وانا بصفك يابن مشيب ولا يهووووووون المقاطي

[خالد المقاطي]

اللــــه اللـــــــه
استلم طال عمرك


بقدملك الفنجال والعود والطيب = مدامنك (( الحفري )) وقسمك سنامي
مكاتيب راعيها رصدها بترتيب = وانا ياصحيبي ماعليه ملامي

[خالد المقاطي]

لاهنتو يالربع

محمد المقاطي

منعب الخيل

سلطان المقاطي

يامرحبا تراحيب المطر ,,
يعني كلكم محاربين للعنصريه
واحد يجي في صفي مهوب كلكم عن
ابن آخي ماسكين صفه :)
لاهنتو جميع
وجميع من مر

[ذيب الشيباني]

صح السانك ولاهنت ياخالد وشكرا لكل من شرفنا بمروره الكريم :) واستلم طال عمرك
مكان القمر فوق النجوم المراقيب = ونور القمر وضّاح يجلا الظلامي
اأبقولها لو يزعلون الاصاحيب = لو الخنفري ماهو مصدق كلامي

[ذيب الشيباني]

اخوي متعب الخيل مرورك شرف لي طال عمرك :)

[خالد المقاطي]

صح السانك ولاهنت ياخالد وشكرا لكل من شرفنا بمروره الكريم :) واستلم طال عمرك
مكان القمر فوق النجوم المراقيب = ونور القمر وضّاح يجلا الظلامي
اأبقولها لو يزعلون الاصاحيب = لو الخنفري ماهو مصدق كلامي


الله الله لاهنت يابن مشيب استلم استلم لاهنت :)



مكاني ولا يقبل شكوكن ولا ريب = اراقب علوم الناس واعرف نظامي
ولابد تصفى صافيات المشاريب = وعلمي علاها مثل ضرب السهامي

[جراح العصيمي]

صح اللسان الشعار

[ذيب الشيباني]

صح السانك ولاهنت واستلم :)
تراقب ولكن منت داري عن الغيب = تسوق المطيّه غرب والبرق شامي
لو أن العمى يرمى مثل زيد ويصيب = ماراحن خساره من رصاص الحزامي

[خالد المقاطي]

لاهنت يالذيب وصح لسانك :)
استلم استلم



عقلنا جمال القوم ثم شقت الجيب = ولامن ورت العد ماجيت ظامي
ياجساس رمحك كيف ترميه لكليب = نشدته علامك قال مدري علامي

[ذيب الشيباني]

صح السانك ولاهنت ياخالد :) واستلم طال عمرك
وردتوا وردوكم طوال الاشانيب = ولاذقتوا الجمّه عليّ الحرامي
كليب يتحدّا ماحسب للعواقيب = وجت رميةٍ تعجبك من غير رامي

[خالد المقاطي]

لاهنت ياذيب صح السانك :)استلم


ترفق عليك الله ترى دربك صعيب = ضليمه كبيره يارشيد الزلامي
ترى مايلد العين لهل المشاعيب = وشقر الحرار تعاف صيد الحمامي

[ذيب الشيباني]

صح السانك ولاهنت ياخالد واستلم ياذيبان :)
ياربي تسامحنا لو أنّا قصاصيب = على ماجرى منّا نهار الزحامي
لوأن البكا يامطير يحيي تراحيب = بكيتوا على قبره ثلاثين عامي

[خالد المقاطي]

اوووووووووو اوخذنا استلم استلم :)



وياطير بن برمان قلي وش اتجيب = اضنك تجيب العيد قبل الصيامي
ترانا ندق الهيل مثل المناسيب = وابشرك علمك ماوقع بالعضامي

[خالد المقاطي]

ذيب الشيباني


سلامي سلام(ن) يستحق التراحيب = مثل مرحبا يالى ترد السلامي
انا اليوم ضيف(ن) عندكم يالمعازيب = عتيبي من عتيبه كبار الاسامي
خالد المقاطي

هلا يامسل(م) عد مايقنب الذيب = ومرحب نقدمها وكل احترامي
يابن مشيب انته منت ضمن الاجانيب = انا وانت في حله خوال وعمامي
ذيب

يدوم البقا يالى تعرف المواجيب = ولاهي غريبه يارفيع المقامي
لقينا الادله كلها بالمكاتيب = وابشرك ياخالد عرفنا الحرامي
خالد

بقدملك الفنجال والعود والطيب = مدامنك الحفري وقسمك سنامي
مكاتيب راعيها رصدها بترتيب = وانا ياصحيبي ماعليه ملامي
ذيب

مكان القمر فوق النجوم المراقيب = ونور القمر وضاح يجلا الظلامي
اباقولها لو يزعلون الاصاحيب = لو الخنفري ماهو مصدق كلامي
خالد

مكاني ولا يحتاج شك(ن) ولا ريب = اراقب علوم الناس واعرف نظامي
ولابد تصفي صافيات المشاريب = وعلمي علاها مثل ضرب السهامي

ذيب

تراقب ولاكن منت داري عن الغيب = تسوق المطيه غرب والبرق شامي
لو ان العمي يرمي مثل زيد ويصيب = ماراحت خساره من رصاص الحزامي

خالد


عقلنا جمال القوم ثم شقت الجيب = ولامن وردت العد ماجيت ضامي
ياجساس رمحك كيف ترميه لكليب = نشدته علامك قال مدري علامي ذيب

وردتو وردوكم طوال الاشانيب = ولاذقتو الجمه على الحرامي
كليب يتحدى ماحسب للعواقيب = وجت رمية(ن) تعجبك من غير رامي
خالد



ترفق عليك الله ترى دربك صعيب =ظليمه كبيره يارشيـد الزلامـي
ترى مايلد العين لهل المشاعيـب = وشقر الحرار تعاف صيد الحمامي
ذيب

ياربي تسامحنا لو أنّا قصاصيب = على ماجرى منا نهار الزحامي
لوأن البكا يامطير يحيي تراحيب=بكيتو على قبره ثلاثين عامـي

خالد


وياطير بن نرمان قلي وش اتجيب = اضنك تجيب العيد قبل الصيامي
ترانا ندق الهيل مثل المناسيب=وابشرك علمك ماوقع بالعضامي

[ذيب الشيباني]

الله الله صح السانك ياخالد :) واستلم طال عمرك
ماني طير ابن برمان انا صاحبك ذيب = ليا دكّت الهيجا وثار العسامي
وحنا عقوبه من كبار العواقيب = ومنهو يعادينا عليه السلامي

[خالد المقاطي]

لاهنت لاهنت يالذيب والله استمتعت بالعب معك ولنا لقاء قريب :)




سرى علمك اللى قلت والقاف ماشيب = وهذي تعرضك الخلا والمضامي
تدور الرحا وتدور فيك الدواليب = وهذا الكلام اللى عليه الكلامي