معاناة المواطن الكويتي

[بنت الصقور]

معاااناااة المواطن الكويتي الى متى ياكويت





لما تقعد الصبح بتروح دوامك
و تنصدم ان الخط السريع واقف
وماتوصل دوامك الا وانت متاخر ساعه
واخر شي خصم
لا تيأس

لما المعاش مايكفيك لي اخر الشهر
و اتروح الجمعيه و تنصدم بكل شي زاد سعره
حتى قبل لا تنزل الزياده براتبك
لا تيأس



لما اتكون خريج جامعي يقدم على وظيفه و مايدقون
عليه الا بعد سنه
واللي عنده شهادة متوسط يشتغل بالواسطه
لا تيأس



لما تتزوج و تتبهذل بالاجارات لان وزارة الاسكان
ماتعطيك بيت الا لما يدش ولدك الجامعه
و وين البيت اخر الدنيا
لا تيأس



لما يغلط عليك واحد من الجنسيات اللي عايشه عندنا
وماتحمد النعمه
و انت تحتر و اتناديله الشرطه
و يطلع بارده مبرده بدون حساب ولا عقاب
لا تيأس




لما تدرس و تذبح روحك دراسه علشان تاخذ تقدير زين
و واحد نايم في بيتهم و ياخذ امتياز
لانه يعرف الدكتور
لا تيأس


لما يكون عليك قرض
و تقعد تدفع فلس فلس من دم قلبك 8 سنوات
و اتروح البنك
و تتفاجأ انك لي الحين ما سددت شي من اصل القرض
بس قاعد يمصون دمك و يقولون لك هذي فوايد البنك
لا تيأس





لما اتكون موظف مثالي اتداوم و تكرف و تعطي من قلبك
و اخر السنه الاعمال الممتازه و التقادير الزينه يعطونها
واحد ماتشوفه بالدوام الا مرتين بالشهر
لا تيأس





لما اتكون طالب و تبي اتسجل ماده جنك اتطرها طراره
و يذلونك ذل عشانها و اللي عندهم واسطات يوصل جدولهم
لي البيت و اهمه قاعدين بالبراد
لا تيأس





لما اتكون مريض و تبي اتعالج بره علاج بالخارج لان مرضك صعب
لا قدر الله
و اللجنه تكتب
مرفوض العلاج متوفر داخل الكويت
و شخص عنده واسطه يروح لندن علشان يتعالج من الاكزيما
لا و معاه مرافقين 2
لا تيأس





لما يصير لك 18 سنه اتدوام في الوزاره
و ايبون واحد مايفهم راسه من كرياسه بالشغل ويحطونه مدير
عليك و يقعد يتفلسف و لا يحشم شيبتك و خبرتك الطويله
لا تيأس




تذكر دائما
ان
بالابتسامه راح تنحل جميع المشاكل السياسيه و الاقتصاديه و الماديه

معانااااات الشعب الكويتي
منقول للامانه

[«[م.ـِلآگ آلرِوِحٍ]»]

وآإلله مشكــله ,

آإلله يعين صــرآإحه شي فضيع وخصوصآإ آإلزحمه << دآإبله جبدهــآإ


سلمتي

[عـدولـي]

يسلموو اختي بنت الصقوور


تحياتي لج


تقبلي مروري

[بنت الصقور]

ملا الروح / عادل

اشكر لكم مروركم ....

ويصراحه هذا حال المواطن العربي مو بس الكويتي

[عبدالله العتيبي]

آللهٍَ يَعًٍيَنْهٍَمً وٍيَعًٍنْآ وٍبٌَِصٍْرٌٍآحٍّهٍَ مًعًٍجًِْ حٍّقٌٍ بٌَِسٌِِّ شًِْيَ سٌِِّوٍيَ آلمًوٍطُْنْ مًآ فْيَ آيَدًٍهٍَ شًِْيَ وٍتُِِّْسٌِِّلمًيَنْ عًٍلى آلمًوٍضًٍوٍعًٍ يَآلغًلآ وٍتُِِّْقٌٍبٌَِليَ مًرٌٍوٍرٌٍيَ

[عـدولـي]

العفوو اختي بنت الصقوور



تحياتي لج

[MNahiY]

احم احم

هــلا أختي بنت صقور ..!!

موضوع جميل لكن وجههـ نظري تختلف ..!!

كل الأمور الي ذكرتيها عن المواطن الكويتي أمر واقعي , لكن إذا نظريتي إلى الشعوب

الأخرى سـ نحمد الله على النعمهـ التي نحن فيها ..!!

إذا كنا نشتكي من تأخر السكن , هناك ناس لـيس لهم بيت , و إن كنا نشتكي من وضيفهـ هناك

أُناس لم تعرف ماذا يعني الوضيفهـ ..!!

هناك نقطهـ تعاني منها الأمهـ الإسلاميهـ

لما يكون عليك قرض
و تقعد تدفع فلس فلس من دم قلبك 8 سنوات
و اتروح البنك
و تتفاجأ انك لي الحين ما سددت شي من اصل القرض
بس قاعد يمصون دمك و يقولون لك هذي فوايد البنك
لا تيأس

ليش نقول فوائد , هي ربا صريح حرمهـ الله و رسولهـ و مع ذلك موجود بيننا و نقول فوائد


يعطيج ألف عافيهـ أختي بنت صقور موضوع جميل ..!!