بنت من البدو.....

[احساس ومشاعر]

بسم اللة الرحمن الرحيم

هذى ثانى مشاركة لى فى القسم هذا .. بس اذا انا جبت موضوع ما اجيبة من خيالى لو عن قصة مشهورة..,, لا,,اجيبة عن قصة صارت او مرة بحياتى

القصة اللى جبتها اليوم لكم واللى ابى اخذ رايكم فيها هى اوحدة من

صديقاتى...

بالبداية البنت هذى معروفةبالجمال والطيبة .البنت هذى كانت توها متوظفة..وبعد ماتمت بوظيفتها شهر ,جاها مراجع عشان يسوى معاملة لة

الشاب هذا كثير عجب بالفتاة وماقدر يستغنا عنها , حاول كذا مرة
يتقرب منها ويعرف هى بنت منو ,,بس ماكو فايدة..

مرت الايام والشاب هذا صار ينطر الفتاة تطلع من الدوام ويلحقها ..

وطلعت البنت من الدوام ولحقها الى البيت .. البنت خافة وقالت: اكيد هذا راح يسويلى مشاكل ...

وظلت البنت تفكر شنو يمكن يصير..؟؟

وبعد بيومين زارو اهل الولد البنت وطلبوها لزواج وبعد الحاح شديد من اهل الولد وافق ابو البنت وتم الزواج

الرجال يموت بحب زوجتة وماكان يردلها طلب...بس بنت عمة كانت لة بالمرصاد..

ماخلتة بحالة قامت ادق علية تلفون وتتكلم معاة...البنت هذة(زوجتة)


على النية ماتعرف انة كان يحب بنت عمة قبل وكان خاطبها ورفضتة لانها
تحب واحد غيرة وهو يفكر انة يغيضها بالزواج
واالبنت هى الضحية...

المهم يوم اعرفة بنت عمة بالزواج فكرت تخرب علية من لبنت هذى

وكانت تزورهم فى البيت وكان هو ينظرلها (بنت عمة)نظرة شوق , الزوجة حست بالموضوع

وبعد ماراحت بنت العم صارت المشاكل وطق الزوج زوجتة

وصار من ذاك الوقت مايحب يقعد بالبيت...الزوجة كانت مو قصرة بزوجها ..كانت اذا ردت من الدوام قبل لاتغير ملابسها كانت تدخل المطبخ تحضر الغدا عشان اذا جا من الدوام يلقا الاكل جاهز

كانت تهتم بنفسها وماتبى خدامة بيتها وهى حامل كانت تشيل البيت على ظهرها...قاطعت صديقاتها عشان مايشغلونها عن زوجها

وفوق هذا كلة لزوج مو عاجبة
كانت تبيع ذهبهاعشان تسافر معاه وتونسة

وهو كل ماجا المعاش كان يقول فلان يطالبنى ,اجار البيت,,,,الخ كل هذا عشان مايصرف

عاشت البنت على كذب زوجهاواهاناتة وذلة وكل هذا والبنت تحبة...

وماكانت لها كلمة جدامة لانها تخاف منة

مرة الايام والسنين وتهاوشوا الين ماوصلو الى الطلاق الزوجة جابت بنت وصارعمرها سنتين وحملت من زوجها وطلقت

بعد طلاقها بسبوع تزوج الرجال بنت عمة وسالفة ان ماعندى وفلان يطالبنى و.....الخ طلع انة مجمع مهر بنت عمة عشان يعنى مادبها...

الزوجة ماتت قهر وحرة على اللى صارلها وولدت وجابت بنت ثانية ولين الحين البنت عمرها سنتين ماشافت ابوها لان مايبى يشوفها واذا جا ياخذ بنتة الكبيرة من طليقتة البنت الصغيرة تستغرب هذا الرجال

الحين سنين مرت والبنت تعانى مع بناتها فى كل شى ..اذا تقعدت انا معاها تقولى ...واللة يافلانة انا اخاف اتزوج وبناتى يتشردون

اخاف اللى اخذة مايكون اابو حنون لبناتى

وتقول واللة اموت حرة اذا شفت طليقى ياخذ بنتى وراز بنت عمة جدام كانة يحرنى

البنت هذى اهدمت بيتى وخذت زوجى وبنتى وبيتى

انا وين اروح هل انا ظلمتة او هو اللى ظلمنى؟ اول ماتزوجها خذالها سيارة المانية ووظفها وعيشها شقة على البحر وانا كنت معاه ضايقة الويل..... كل مادعيت علية القا حالة احسن منى وانا حالى يعلم فيها رب العالمين


هذا كان كلام صديقتى اللى باليوم تبكينى الف مرة ...... شنو رايكم انت يامن قراهذى القصة؟؟؟؟؟

[صقر روق]

مشكورة أختي احساس ومشاعر على هذه القصه المؤلمه بالفعل

والله مشكله أصبحت هذه البنت المسكينة ضحية هذا الرجل المخادع

لا بارك الله فيه ولكن هذي الدنيا نرى الزين والشين فيها

والمشكله أن الطيب واللي يقدر الحياه الزوجيه ويخاف على بيته

يكون أهو المسكين والفقير والطيب وما تمشي الدنيا على هواه

بس إنشاء الله ، الله يعوض صبرها خير ويجيها ولد الحلال اللي يستر

عليها وعلى بناتها ويأخذ أجرهم

مشكوره على الموضوع

[محمد المقاطي]

الاخت
احساس ومشاعر
والله اسم علي مسمي

والله الامور والقصص هذي تحدث بكثره
والسبب قلة الوازع الديني
ولهذا قال الرسول عليه الصلاة والسلام
(( ان اتاكم من ترضون دينه وخلقه فزوجوه ))
او كما قال صلي الله عليه وسلم
شوفي اختي ماقال دينه فقط
قال دينه وخلقه
عموما تشكرين علي القصه
والله يعطيج العافيه

تحيتي
اختي الكريمه

[العتيبي]

الله يعطيكي العافية علي القصه أختي احساس ومشاعر

[احساس ومشاعر]

اشكر مروركم اخوانى ....

كما اشكر اراءكم الصادقة

[خالد المقاطي]

لاحول ولاقوة إلا باللـــــه : واللـــه مااقول الا .. حسبي اللــــه ونعم الوكيل ....
الاخت ... احساس و مشاعر : واللـــه موضوع يستحق الاطلاع والمشاركـــــه من صادق القلب
واللـــه يكون في عونها ... (( ولاكن الزواج قسمه ونصيب )) هذا نصيب الاخت الفاضلـــه وانا واللــــه محتار وش انصح او .. اقول .. لاكن حتي لو بنصح فا (( سبق السيف العزل )) وتزوجــه البنت من من لاتحب وكان هذا نصيبهـــا
(((الاخطء))) .. اولآ .. عليها لآنها قبلت بالزواج من من لاتحب ولا تعرف
ثانآ .. من الاب اللذي فرط في هذه الجوهره الشريفه اللتي صارعت الحياه
ثالثآ .. من الرجل اللذي لعب لعبــه (( الشيطان الرجيم )) وظلم وتجبر على نفس بريئه وعفيــه
عمومآ الخطء .. ((الاول والاخير)) على الرجل المتصعلك بتصرفه الفاضح والمهين ال لا .. رجولي ولا من شيمه الرجال الاخيار ... موضوع واللـــه تشكرين عليــــه اخت احساس ومشاعر وتقبلي مني المرور المتأخر لللآسف :)
اتركك بحفظ اللــــه ورعايته .. اخوكـــ ومغليكــــــ دمتي بود

[احساس ومشاعر]

اشكر مرورك اخ خالد واسعدنى رايك حتى لو متاخر فانة شرف لى

[عطر الحكي*]

اختي إحساس ومشاعر

أسعدالله أوقاتك

طرح رائع مع هالقصه

*ما أقدر أقولك وأعلق إلا بأن

(لو كل واحد فينا يعلم أن هناك اللــــــــــــــــــه موجود لا تنم له عين وإن الله له بالمرصاد

لما فعل الشين والغلط أرتكبه* فكما تدين يابن آدم تدان*

عسي الله يفك كل عوق إمرأة مسلمه*

دمتي طيبه