هل تؤيد اسقاط القروض

[احساس ومشاعر]

القروض مشكلة على المجتمع الكويتى..

وكثير من الناس اللى ضاعت بيوتها وعيالهاوتسببت بالتشرد..

وكثير من النواب ساهموا باسقاط القروض ...ولكن من غير فايدة وحل

الحين السؤال هل تؤيد اسقاط القروض؟؟؟

فى كثير من الناس خذت القرض على حسابهاللعلاج

وكثير من اخرج احد افراد اهلة من السجن بكفالة

وكثير من عدل بيتة

واللى فكر انة يتزوج.(الفال لى):clap:

والقلة من اللى خذا القرض للمضاهر الخارجية.

اتمنى ان يرجعون جميع النواب لفتح باب هذة القضية مرة ثانية(لانى انا وحدة من المطلوبين للبنك):schmoll:

واتمنى اسمع ردكم فى هذا الموضوع...شكرا

[نسيم الشرقية]

اممممممممممممممممممممممممم

مدري وش اقوووول لاني من خارج الكووويت

بس اتوقع القروض عاله على صااحبه ومشكله

بس الاكثريه محتاجه له

والله يعين الجميع الحيااه صعبه صااارت

ولي رجعه لقراءة ردود الاعضاااء ..

[محمد المقاطي]

احساس ومشاعر

مشكور علي طرحك موضوع القروض

وبالنسبه لي مؤيد
قلبا وقالبا
لاني مدبس عدل

ولي عوده للموضوع



تحيتي

[((الـروقـي))]

لا والف لا انا ضد اسقاط القروض

القروض اغلبها ربويه حرام فهل يعقل ان تصرف ثروة الشعب الكويتي على سداد ربا والمستفيد

البنوك الربويه ياخوان صدقوني لو تدفع الدوله كل دين ماهو بس قرووض من بكره راح

اغلب الناس يقترض ويتسلف لن شعب الكويت اغلبه اتكالى وليس عنده صبر

فما الضير ان يقتصد الانسان فى مصروفه ويجمع له كم دينار ويشتري اللى نفسه فيه

==================

اكثر اسباب القروض ليست حاجه

1- شراء سياره اخر موديل كشخه (تقصيد مريح جدا على 20 سنه )

2- شراء نظاره 100 دينار وشراء قلم 200 دينار كيفي كويتى (قرض على التجاري )

3- سفره للمغرب والا تايلند والا تدروون سوريا احسن بنات السواس انقط عليهم واجيب راسهم (قرض الخليج)

4- وش اقول بعد لو اتكلم مااخلص

==================

اغلب اللي عليهم قروض لو تساله شاري بيت يقول لا شاري سياره كاش يقول لا تزوجت ودفعت مهر يقول لا

يعني وين راحت الفلوس الله المستعان

الشباب اللى عليهم قروض ادري تبي تقولون اهب ماعليه قروض وشبعان بس اقولكم الحال ميسور

وعلي كم قصد بس الحمد لله ولا واحد فيهم قرض وكلهم مايتجاوزن 250 دينار ويخلصون 2008

واشكر الله على ابعادي عن كل ربا

وجهة نظر واختلاف وجهات النظر لايفسد للود قضيه

[احساس ومشاعر]

اشكر كل من مر على الموضوع واخص بالشكر الاخ الروقى

بس احب اوضحلك شى.. ان الشخص اللى اقترض كان مضطر وهو غير مسوؤل ان البنك ياخذ منة ربا.بس ترا الحياة صارت صعبة الحين

وكل شى غالى.. وحنا شعب ماتعود على الفقر بس الفقر قاعد ياكل الشعب الكويتى ومحد يحس فية الا ذوى الدخل المحدود اللى يقول على اللة وعلى الراتب..واحنا مالنا ذنب ان البنك يضيف فوائد على ظهورنا.....

واذا نبى نحاسب نحاسب اصحاب البنوك اللى كلت الشعب اكل بدعاياتها وفوائدها اللى ينصدم منها الناس بعدين...

وشكرا

[محمد المقاطي]

السلام عليكم
الاخ الروقي
ابك انت وراك متحامل علينا
ترانا وانا خوك علي بيت التمويل
يعني ما فيها ربا ابعدنا الله وياك عنه
بس تعرف مصاريف ورعان وحريم الله يقصف اعمارهن
كل وحده تبي بيت وتبي خدامه ومصروف وووو الي اخرة هالمنوال
ياخوك تكفي وافق انهم يطيحونها طالبك قل تم
يمكن تطيح ونعرس
ها وش قلت
خلنا نلحق علي شبابنا قبل لايعدي
قل تم يالروقي
لاتردني وانا اخوك

[((الـروقـي))]

ههههههههههههههه تم تم تم ابشر يامحمد والله يسدد دين كل مسلم

والحمد لله انك فى بيت التموين يامحمد فانت متوقي ذمتهم فالظاهر منهم بنك اسلامي والله بينك وبينهم

والله يفرج عن كل مكروب بس قلي انت صامل تاخذ الثانيه والا مغير لين تطيح الديون هههههههه

والله لو تفكرون فى سالفة القروض لتدرون ان اغلب اللى اخذوها ضيعوها دون فائده


قال تعالى : " الذين يأكلون الربا لا يقومون إلا كما يقوم الذي يتخبطه الشيطان من المس

قال تعالى : " يمحق الله الربا ويربي الصدقات والله لا يحب كل كفار أثيم

يعني اتقوا الله فى اولادكم واهليكم ولاتطعموهم حرام

وارجو ان يغنينا الله بحلاله عن حرامه

[محمد المقاطي]

الروقي

الله لايهينك يومك وافقت
ومن ناحية صامل الا صامل ونص وربع بعد
والثانيه خلصنا منها هالحين نبا الثالثه
بس خلهم يطيحون القروض وتجي القسيمه
ووريك الصمله هههههههه

[احساس ومشاعر]

الحريم عندى انا بس وافقوا اطيح القروض

راح ازوجك البنت واخذ اختها مجانا

هههههههههه

[((الـروقـي))]

الحريم عندى انا بس وافقوا اطيح القروض

صرتي خطابه

راح ازوجك البنت واخذ اختها مجانا


هههههههههه



راح ازوجك البنت واخذ اختها مجانا

تاخذين اختها انتى ليه ؟

[احساس ومشاعر]

لا يا الروقى ازوجك البنت واخذ انت اختها مجانا

[صقر روق]

مشكورة أختي احساس ومشاعر

على هالموضوع الذي يهم شريحة كبيرة في المجتمع

من وجهة نظري أنا من مؤيدي أسقاط القروض ولكن بضوابط لأنه وبصراحه القروض أرهقت

الكثير والكثير من العوائل ومادام الديرة فيها خير فعيالها أولى في هذا الخير

من الباقي وبعد إسقاطها يتحمل كل مواطن مسؤليته كامله في أن يرجع للإقتراض

أم يحافظ على راتبه ويمشي أموره بعيد عن الفخفخه الزايده

الله يعطيك العافيه على هالموضوع

مشكوره وماقصرتي