الشاعر الكبير حنيف بن سعيدان

[الحمر المطيري]

هو حنيف بن سعيدان من ذوي سعدون من الصعران من أولادعلي من بريه من مطير
شاعر يعتبر من كبار شعرا ء الجزيرة العربية في عصره كان جليسا لكبار القوم وللشيوخ ونبلاء الباديه في حينه. ولدالشاعر عام(1860 )م وتوفي عام (1945) م حيث عاصر الكثير من الأحداث الجارية آنا ذاك .

له العديد من القصائد الغزلية في كثير من الدواوين الشعرية وله الكثير من القصائد التي هي اشهر من نار على علم كتلك التي يقول في مطلعها
إليا قيل وين مطير واخفن الارماس ** بالرأس بين محقبه واللهابه

*عرف الشاعر حنيف بن سعيدان بحبه الشديد للقهوة ففي أحد الأيام أفتدوى أحد الحضر المطران يدعى عبدالجبار بمدينة المجمعة جنوب الصمان فتأفف صاحب المحل منه لكثرة شربه للقهوة فأستشاط عليه قائلاً...

خمسة عشر فنجال لحنيف صبيت *** لو كان بطنه قربةِ كد ملاها

فلم يعسر الرد حنيف فقال ...

لاتحسبني من دلالك تقهويت ***ما تنقه الشرّاب من كثر ماها
ياموصّي الحرمه على صكّة البيت ***تقول ما انته فيه وانته وراها

فنهض عليه وقبل خشمه وحلفه بالله أن لا يكمل القصيدة .


* في أحد الأيام ذهب للقصيم واثناء تسوقه راى مكان لتصليح السيوف فدخل المحل وراى سيف أعجبه فاخذ السيف وقام يقلبه فسأل صاحب المحل لمن هذا السيف فاسرع عبده بالاجابه نيبابة عن صاحب المحل وقال هذا يصلح لظهور ابناء عمك الدوشان فأجابه بهذه الابيات



السيف يومنه يسوى نصابة = يجوز للدوشان تخز الفراعين
صويبهم ماعاد يجبر صوابه =وعلوا مطوعت العوج لين يعدل زين
الى نهار فيه كون وضبابه =تلقى قلايعهم سوات الحراثين
مثل مشاري شوق جالىعذابه= اللى كسب عشرين يوم المعادين


* أرادوا الصعران جماعته المغزى وبدأت التجهيزات فطلب عبدالله بن حنيف أبنه منه أن يعطيه الذلول لمرافقتهم بالغزو الاان حنيف رفض ولكن عبد الله متعطشا لمرافقة الغزو واخذ الذلول سراً وعند عودتهم قصد حنيف هذه الا بيات :


ا قول يبني فا طري لا تجيــهــا= ماكل يومن للرجال جمــــيل
لي فاطرن يفرحبهاضارب الخلا=الى صاربالمضمىولاش صميل
خطرن عليها من أ ومايةالعــصا=من خفتن فيها وزود جــفـيــــل

وله قصيده في مدح الملك عبدالعزيز في بداية حركة الاخوان

عسى نهار اليوم يطرد نهار أمس=والله يبدل كودها من رخاها
حرٌن طلع للوح من مطلع الشمس=يقداء جموعن ماعرفنا حصاها
جرٌ الجموع وكل جنسن على جنس=وعينت قوم أحسين في ملتقاها
ولٌم ولأم الحرب فوق النضى الكنس=وخيلن مع الريدا تسالس حذاها
حرن يزوم ويصفق خاطره عمس=دارن به الداء لين داواء دواها
بمهدفاتن حدها مايبي لمس=يجلي عن الكبد العليله وباها
ومصقلن له مقضبن يزحم الخمس=لين الديون المرمسات اقتضاها
والفضل للي فرٌض الكف ّللخمس=اللي ألى أخلاها يريٌع ملأها
محصي مخاليقه من الجن والأنس=اللى بسط سبعن وسبعن بناها


وهذه قصيده عندما اسس فيصل الدويش هجرة الارطاويه


واشيخنا وأن شافت النار ناره=ألى من كلن حطفه ومسيوق
كم واحدن ينوي وفيصل دماره=على النقا مافيه سارف ولا بوق
واليوم فيصل ساعين بالتجاره=صكوا عليه الحضر يمشي مع السوق
مار القمحي ياسابقه كل غاره=وذودن يبي مع طيحة الوسم زملوق

وقصيده مدح فيصل الدويش


البارحه جاني عن النوم محراب=والعين يقلاها عن النوم قالي
قمت أتفكٌر رالبلاوي وألأسباب=وزبنت ضلعن من بعيدن زمالي
ولا نومن ألاٌ في هفاهيف مرقاب=وتراه مزبٌنا على أوٌل وتالي


وهذه قصيده قالها في مدح محمد الفهاد الدويش اللتي اغضبت فيصل بن سلطان الدويش وبسببها جلا الى ابن ربيعان من عتيبه


لا ضاق بالي يم الاصقه تمشيت=لو أن مندونه ثمانين شبٌاب
لو النشاما دون بيته تعديٌت=كنه يلوحلي على النار جذٌاب
نارن سناها كل ما صبحت وأمسيت=دأيم لها زبر الرياجيل هرٌاب
يجدع لنا حمر الكيس والشلاليت=ولأ نسري الا مع سهيلن اليا غاب
وأليا جاء زمان أشهب تقل جلد خرتيت=للحيل ذباحن وللسمن صباب
ومنفله عن لآبته رفعة البيت=وذبحه اليا جاه الدهر جرد الأرقاب
وأنحل ضرب مصقلات المواريب=يركض مراكيض لاباء زيد وذياب

وسبب غضب الدويش هو البيت الاول والثاني وكان بيت الدويش قريب من بيت محمد الفهاد الدويش

,,

وهذه قصيده اخرى في مدح محمد الفهاد الدويش


ياعد علك بأول الوسم شختور=من نوٌ براقن تقافت عشياه
نفرح ليا قالوا من الوسم ممطور=وفزيتله كله علشان من جاه
ياعد مامروك بهلال عاشور=وتقودا مثل الفهود المغذاه
مثل الفهود وفوقهن كل مصطور=والكل منهم وافين شبر يمناه
اهل بيوتن كنها شامخ القور=أليا جيتهم مخترت هذا على ذاه
والله يالاولى الفرق ما عانق الخور=يومن كلن راح في راس يمناه
أني ماهيد ولافقه الشور بالشور=لو أن نوم المخاليق ذقناه
من غيرهم ماني على السهر مصخور=أليا صرت مرقد باوله نمت بتلاه
أنا لو أدله عن محمد يجي دور=دلهت بس الحب ماودعني أنساه
أنا اليامني تولعت مامور=العين تبكي من نفعها وتجزاه
محمد زبون اللي عن الحق مقصور=كم واحدن بذوابة السيف نجاه
الناس تعطي ضيفها كل ميسور=والا محمد يذبح الفرق والشاه
له منسفن دايم على العسر مجرور=دايم وعصمان الشوارب تنصاه
أنا اليا أستشهدة مشهد على الزور=أقول شين يوم بالعين شفناه


,,

وهذه قصيده مدح نايف بن هذال بن بصيص شيخ الصعران



هذي منازل ربعنا والاصاحيب=وهاذي معاذر كل قبٌن قحومي
يادار وين مبهجين الشراريب=عقب الطرب مافيك زولن يحومي
يا هيه ياهل سايجات المحاقيب=حمرن عليهن من شحمهن قدومي
أمشارعاتن في حلول التشاريب=أسبق من اللي بالجناحين يومي
داروا عليهن سوقكم بالمراقيب=كلمة وخلوهن عساكم سلومي
ماكزٌهن خطو الرجاجه مناديب=والن فحٌامن عريض الخصومي
كزيتهن مني على منقع الطيب=نايف ولد هذال ملفي العلومي
زيزوم غلبا يوم تمشي جناديب=أطرافها تأطا الغبأ والحزومي
أكوانهم كد بيحة بالأجانيب=وكد بيحت سد الحصان العزومي
نجرن توال الليل يلعي كما الذيب=يفرحبهم اللي قايمن عقب نومي
على ثلاث دلال بيضن مرابيب=ما هن من اللي في طرفهن وسومي
أمبرزاتن عن جميع العذاريب=على طفر ودلال غيره تصومي
اليا جت نجوم الليل مثل المشاهيب=تلقا لبذله في صحونه رسومي
وأن غار ورد قصيرين المجاذيب=كنٌك على هدٌاج جمٌه يزومي
يدمحلنا الزله وندمحله الغيب=نبيه عن ضداتها والحزومي


,,,

قصيده مدح للتاجر الكبير هلال فجحان المطيري


ياراكب اللي يقطعن التنايف=أكبار اللحوم أشباب حيلن مشاعيف
لاهن بلا فطر ولا هن عسايف=حيلن مصعبهن نبات النغانيف
اليا روحن مثل النعام الصفايف=ومن الدجاني ممسياتن على سيف
مرواحهن يشدن جولن خفايف=جولن شلع جولن غداله غطاريف
محدن طمعهن من جميع الطوايف=ولاحدن يعارضهن ليا قيل لحنيف
أيضن ترى ماني عليهن بخايف=ولآحدن يعارض كاملات التواصيف
هات الشده وأقبلوا بالكلايف=حفوا على مثل السباع المهاريف
خوذوا عليهن يالنشاما خرأيف=وهلال ملفي ضامرات العجاريف
يازين خبط أرقابهن باللطايف=قدام بيت الاجودي مكرم الضيف
بيتن تعكه موميات السفايف=ذلي لهن حاجه وذلي مناكيف
قال أقلطوا يم الدلال النظايف=بيضن يشادن الحمام المشاريف
فنجالهن يبري خوا الراس كايف=في دكتن يطربلها راعي الكيف
يوم أنت بالبحرين وأنا مسايف=أقول وأطري جراله صواديف
واليوم بالوطان مالي حسايف=يا عاد لاشاحذ ولامن تخاليف
صوغة رفيقن من رفيقن مشايف=بمقفلاتن ماتعصب على الليف

,,

قصيدة مدح نايف بن هذال بن بصيص شيخ الصعران


ياهيه ياهل هايفات المثاني=القفل زاويهن سوات الدوانيق
القفل زاويهن على أول وثاني=كبار الظهور مجاذبات الخنانيق
أمتيهات من زمان لزماني=الكل تجفل من ضلال المعاليق
أعصي أهلهن لين الخيزراني=حمر العيون ملاحضات المساويق
خضع الرقاب معشباتن سماني=أيقطفن أرقاب عشب الزماليق
أسبق من الشيهان والهيقطاني=ومذلق ألأطراف مع فكة الريق
حرايرن والا بنات العماني=ركابهن لو يضرب الخوف ماعيق
ردوا كلام أحنيف يأهل الثماني=القول قول أحنيف مافيه تبريق
أن كان فيكم يالدلايل ذهاني=اللي يحق الشوف يبد الشواهيق
عد الجبيل وتي تشوف المباني=ولوايحن تجذب سوات المشلريق
وبيتن اليا شيد كبير المباني=يشادي كما اللي نايفه من صغافيق
ونارن تشادي للفنر بالبياني=وعند العشاء تسمع لنجره تخافيق
ونجر لهيشان الخلا مرحباني=أتلى لغاه يشلق القلب تشليق
بحب اليمن والهيل والزعفراني=يعبي لبيضن مثل وصف الغرانيق
شيخن ضلوعه للخساير متاني=لولاب حاكمن يفج الصناديق
والي أعتلا من فوق بنت الحصاني=بحد السيوف الي تقص ألأشانيق
يوم السبايا كنها الديدحاني=يركض على الصابور مع لوذة الريق
وبعض العرب في جدودهم ما غواني=اللي يبون من الفوايت ملاحيق

,,,

هذه قصيده قالها حنيف في مدح نايف بن هذال بن بصيص
ونصحه الشيخ نايف ان يقتلها خوفا عليه من القتل بسبب القصيده

ولكن نقول منها بيتين فقط


نايف هو اللي قولت الشيخ تزهاه=وتزهاه بنت مخلٌى المراج عريا
دايم وأهل عوص الركايب تنصاه=وتفرٌقوا من عند بيته بالاريا


,,,

قصيده مدح في جماعته الصعران


أنا اليا غنيت من ضيقت الجول=أحيه من نفسن تفرٌق نهجها
مثل الصٌلاة وفرضها باغن أقول=مثايلن مارضى عليها عوجها
ياهل النٌضى خذوا من القيل منقول=وعن الصٌدوف أنتم بعالي برجها
ثم أرتووا من كوكبن ماه شهلول=ودوحوا قربهن من برايد فلجها
خبرا ومزيها من الوسم زهملول=من ثلاث الأتوام سيله سهجها
لا عاد لا سايل ولاني مسيول=نحرت من كبد السير بهجها
اليا قيل هات بهار ما هو بمشيول=من بقشتن نسق البريسم عرجها
والبن صافي للمعاميل مزلول=من دلٌتن حوافها ما طعجها
فنجالها بالوصف ماهو بمجهول=صفرن تزعوج فوق حامي وهجها
يصبٌها متمشلحن كل بهلول=خضاب عذرن طافحن من غنجها
فنجالها يعدٌي لزولن ورا زول=لثنين والثالث مروٌي زرجها
سقها على اللي بالدهر يذبح الحول=واللي جواده للمتلٌي عرجها
واللي يقفٌي عزلها كل مرحول=أمنفله قطعت خرايم فرجها
يفرح بهم ذودن ورا النشر منتول=من فوق عجلاتن سريعن فرجها
وأن جا نهارن فيه فاعل ومفعول=كم واحدن خلوه في معجلتها
من عقبهم كني خلوجن وراء الضول=من شافها يدعي على من خلجها
ومن الرٌهق تذكرت كل مدلول=حنت على لامأ حوارن لهج


,,,

قصيده مدح في جماعته الصعران اخرى


ياراكب اللي يقطع الدو ممشاه=جزٌاع يومن العصاه وقٌعتبه
يشدي ظليمن جافلن من معشاه=يشكٌ يومنٌ الهبوب لفقتبه
على السٌلوم وزاع من بعد مرماه=وعلى السٌلوم وعاد يوم ألتفتله
وألأ لبتٌيلن مهبٌه تقفٌاه=مع غبٌتن مراكبه دلبحتله
أصدٌ القعود ونابف العرقٌ عدٌاه=والمستوى شاف الطوارف جزتله
ملفاك بيت أعبيد بالك تعداه=ومنارتن جزل الحطب وقٌدتبه
منارتن تجمع مسايير وبداه=ودلال من مالا قلك بهرتبه
ليٌا قيل عشبن بين ذولا وذولاه=تذكر بيوتن بالخطر بنيٌتله
يرعونه الصعران ظفران وعصاه=كم واحدن قلاتهم بيحتبه
حطوا على كبد العدوا كيٌ عرقاه=ليٌا بريٌ مرقاعها زيٌدتبه
وكم من حصانن راح والرمح ينساه=أما أنذبح وألأ خطير أنعفتبه
خلٌي لخفاق الجناحين يشلاه=ودقلاتهم شهب الطيور أشبعتبه
سلٌم عليهم عد وأسمن نثر ماه=وعداد ما هبايبه صدٌقتبه
ومثل نهارن بالخرم مانسيناه=أيشيٌب الشٌبٌان يوم التقتبه


,,,

قصيده مدح الفغم اثر وقعه حربيه



أمبدن المولى على كل ما كان=ومن سأل ربك ذاك لا تستسيله
والدين مبني على خمسة أركان=وهدي النبي ياهل القلوب الهبيله
واليا صرت في مدح الاجاويد مشتان=لا تمدح ألا اللي خطاهم طويله
لا تمدح ألا مثل هايف وجفران=ضياغمن من ماكرن ينعنيله
المرٌ زام وقوم الشيخ عجلان=وخيٌم وغوٌر لين حصٌل حصيله
ماني بناسن يوم كون بن عشوان=يوم اللواء يرفع ولاحدن يجيله
نهم جموع بريه وبريه ظفران=وجمع الضياغم مثل نون رفيله
كونن على الجبجوب ماهو بالأكوان=كلن يثارى لين داواء غليله
وترى المثل بزن وراء باب دكان=ويا مضيع المفتاح عندي مشيله


,,,

قصيده قالها عندما تذكر فيصل بن سلطان بعد وفاته((رحمه الله))



يامزنتن غرٌا تفاقت لها ضوح=تبرق وترعد لين هلٌت مطرها
تمطر على اللي بالغلا عادل الروح= في قدرت الرحمن محصي بشرها
مار أقمحي ياديرتن مابها نوح=طفى السراج وغاب عنها قمرها
يومن فيصل فيك ماجاك ساموح=كل ألأفاعي سالمه من خطرها
يقفي ويقبل دام بالروح له روح=زيزوم غلبا يوم ثوٌر كترها
حنى مطير اليا حضرنا حضر نوح=عاداتنا غدابها من حضرنا



وله ايضا


يشوقنا برق الحياء يوم شفناه=عله على الصمان يركز متونه
علٌه على قاع الغبيا نثر ماه=والى أمتلأ أبى الهول علوى يجونه
سال النظٌيم وجو ساقان يملاه=وعلى المنيسر ضافياتن ركونه
وسكر مهبٌه وأوله يرقب أتلاه=تكوره النسري على الرجم دونه


,,,

وله في الغزل


ياتلٌ قلبي تلٌتينن على تلٌ=تلٌ الرشاء من فوق خطو العسيفي
على محالن زلٌ فوق اربعن جلٌ=خلٌن غزير الجمٌ يذرف ذريفي
سواقهن ماكلٌ والليل ماملٌ=وغروبهن أصماد ورشاه ليفي
على عشيرن بالهوى سلٌني سلٌ=كما يسلٌ القاع سيل الخريفي
راعي جديلن هلٌ طولن على جلٌ=مايلبس ألأ كل بزن نظيفي
أشهدنٌه بالهوى مٌلني ملٌ=ملٌمال خبزن ململوه النٌكيفي
أركوا عليه الجمر والنٌار تشعلٌ=عيشه شعير وشيخ قومه خفيفي
*دعسان(بن حطاب) يامشكاي والهرج للكلٌ=أنا أجنبي واجناب قفٌوا بريفي
جيته على عوص النٌضى وقفة الظلٌ=شيب الغوارب نايسات الحفيفي

*دعسان بن حطاب الدويش

,,,


جلس حنيف بن سعيدان في مجلس الملك الراحل عبدالعزيز بن سعود بعد أنتهاء حركة الأخوان ووفاة فيصل الدويش فأخذ بعض من كانوا جالسين يعاتبون الدوبش على ما فعله بالجزيرة العربية ومطير فنظر بن سعود للشاعر فسئله عن الدويش الآن فرد عليه بقصيدة أغضبت أبن سعود فتدخل أمراء مطير والقبائل الأخرى فلم يقل له شئ لدرء الفتنه