المقاطى_q8
05-15-2008, 04:50 AM
{{ المال قله ما يعذرب بالرجال ... }}
مشتاق لخوة كريمين السبال = اللي على العليا تزيد أشواقها
ربع مداهلهم على روس الجبال = تسمو مع أهل المعرفة بأخلاقها
ما يشربون إلا من الجم الزلال = الصافي اللي ينسجم بأذواقها
وترى النشامى معرفتهم رأس مال = والصفقة اللي رابح صفاقها
على سلوم أجدادهم طبع ودلال = الطيب كنه ثابت بأعراقها
هم للخوي مثل الذرا وإلا الظلال = وهم للعدا نار قوي احراقها
ربع يشيلون الحمولات الثقال = والصعب عن درب الوفا ما عاقه
حفاظة الاسرار عن قيل وقال = للسر صندوق حكيم اغلاقها
والمال قله ما يعذرب بالرجال = والخلق مقسومة جميع ارزاقها
وإلا الردي لو جا له أموال وعيال = ولو غطت أمواله كثير أسواقها
ما له مع أهل المرجلة أية مجال = ما دام رجله للردية ساقها
ونطلب من الله ربنا ستر الحوال = ويغفر خطايا بالظهر ما طاقها
وصلوا على محمد عدد وبل الخيال = وعد السحاب اللي نضا براقها
الشاعر / سلطان بن سعود أبو ثنين
اتمنى ان تنال على استحسانكم
مشتاق لخوة كريمين السبال = اللي على العليا تزيد أشواقها
ربع مداهلهم على روس الجبال = تسمو مع أهل المعرفة بأخلاقها
ما يشربون إلا من الجم الزلال = الصافي اللي ينسجم بأذواقها
وترى النشامى معرفتهم رأس مال = والصفقة اللي رابح صفاقها
على سلوم أجدادهم طبع ودلال = الطيب كنه ثابت بأعراقها
هم للخوي مثل الذرا وإلا الظلال = وهم للعدا نار قوي احراقها
ربع يشيلون الحمولات الثقال = والصعب عن درب الوفا ما عاقه
حفاظة الاسرار عن قيل وقال = للسر صندوق حكيم اغلاقها
والمال قله ما يعذرب بالرجال = والخلق مقسومة جميع ارزاقها
وإلا الردي لو جا له أموال وعيال = ولو غطت أمواله كثير أسواقها
ما له مع أهل المرجلة أية مجال = ما دام رجله للردية ساقها
ونطلب من الله ربنا ستر الحوال = ويغفر خطايا بالظهر ما طاقها
وصلوا على محمد عدد وبل الخيال = وعد السحاب اللي نضا براقها
الشاعر / سلطان بن سعود أبو ثنين
اتمنى ان تنال على استحسانكم