الا يشعرون بالخجل؟

[ابو خالد]

السلام عليكم ورحمة الله وبركاته

بسم الله الرحمن الرحيم

35% من الكويتين وصلو الي خط الفقر ؟؟!!

مصيبه مايحصل بوصول البرميل 125 دولار الايشعرون بالعار من بيدهم الامر؟!
استمعت الي اغلب طرح المرشحين ارتقاء بالتعليم بناء مستشفيات وكادر طبي بالمستوى
المطلوب وتحسين الدخل للمواطن... كلام جميل
طيب الحكومه ليش ماتسعى لعمل كل ذلك بدون ضغط من النواب ؟؟؟
الي متى النهب والنهب والنهب الي مالا نهايه ؟
لم التقي مع شخص راضي عن اللي قاعد يحصل الجميع مستاء الجميع متذمر الجميع يخاف من الليل
لكي لاينام ويصحا من النوم على قرار مزعج من الحكومه !!!
السؤال هل وزير الصحه يعالج ابنائه في مستوصفات الحكومه ؟
وهل وزير التربيه يدرس ابنائه في مدارس الحكومه ؟
طبعاً لالالالالا !! اذا لماذا لايصلح الخلل والي متى ؟
جلست اتابع برنامج مع الناس في سكوب اقسم اني بكيت ناس لاتجد قوت يومها
من المسؤول والا تحركه النخوه عما يحصل؟
والطامه الاكبر المسجات انا اب لست اطفال ولااعمل واناشد سعود صاهود الفزعه ومساعدتي
وغيره يناشد الشيخ فلان والمسؤول فلان اوصلت فينا الامور مثل بعض الدول
يقدمون اوراق ويبوسون الأيادي للحصول على مصرف جيب اوفتات الفضله وامتهان الكرامه
ونحن شعب لايتجاوز 900الف فلاش موميري 5قيقا يكفينا كلنا

اللهم عدلها لقد تعبنا ولعب بأعصابنا سفهاء القوم وجهالها وحمقاها


.

[قلم رصاص]

مرحبا بخوي ابو خالد

ما نقول الا الله كريم ربك يعدالها ان شاء الله
ضعنا يوم صرنا ما نعرف من نختار يمثلنا
وراح نضيع بعد هالدورة المجلس هذا باينه مواريه من الحين
الله اعلم انه اردا من اللي قبل
اعضاء المستقبل لهم 13 اصبع يبصمون فيها زياده عن غيره
بثلاث اصابع ميزه جديدة
وشكرا

[روقي1]

اللهم اهدي اميرنا وانر طريقه وبعد عنه البطانه الفاسده

والاهم في الوقت الحالي صارت الاوضاع متكهربه من سبب فوائد البنو وغلاء المعيشه وهالامور
ويأخي قلم رصاص عطني دليل علي الاعضاء الجدد انهم بصامين



تراهنت العام انا وواحد من اخوياي بالدوام علي احد الاعضاء وحلف انه بصام قلت هات الرهان بأن سين من الناس بصام المهم بعد فتره جاب الرهان معه اشويت برادت وجه لانه ماطلع بصام


الاهم اخوي قلم رصاص لاتطعن بأحد الا والدليل موجود

[ابو خالد]

اخواني قلم رصاص و روقي1

نحن هنا لا نعمم علي الجميع وانما نوضح السلبيات

ليسهل علينا حلها

[(فارس عتيبه)]

والله كلامكم صحيح الكويت كل مالها في انحدار الشعب بعد كم سنه يشحذون بالشوارع ضيقو علينا حتى بالرزاقنا الله يعيينا نبي ناكلها مفلفله

[المقاطى_q8]

ابو خالد طرح مميز
وهذه وجهت نظر ... يا أخوان والله أعضاء المجلس ماهم
مغيرين شي لين اتغير شي لين لين يتغير البلد بأكمله
ونحولها من شركه خاصه الي اكتتاب عام لكويتيين جمبعاً
وهذا مستحيل طبعاً ... ليه مستحيل لأن الكبار يحبون الدراهم وما يعنى
لهم البلد لا وبعد ماعندهم كرامه واكبر دليل جلسات المجلس اهانات
وهذا يسب الثاني وصار فيها حذف والله بالروضه الله يفضحهم

هذا كله مايتعدل الا بتغيير عقولنا نحن اولا ومن هنا نغير البلد كله اكبر
راس مايسوي شي كيف انتغير المطيري يصوت للعتيبي والعتيبي لحضري ننتقي الأكفى
وننسي القبليه وننسي الطوائف نختار الأكفأ ونحاوره ونحاسبه ان اخطئ مو نستخدم
العضو مندوب معاملات

واذا قال قلنا انهم يتزايدون بالصحه والتعليم والكهرباء
مافيها شي لان هذي القضايا هي مايجب علينا التمتع بها لأنها منتهيه
فقط على الحكومه ما يسمون تنفيذيه توفيرها لنا باحدث التقنيات

اما باقي الأمور مثل المعيشه يبيلها رجال اطلع ارجال عشان يشرعون قوانين
وينفذونها الحكومه بطيب خاطر ... مو نطلع ناس لا طلبهم او امرهم الكبار بجتماع سري
طلعو متغير مبدأهم ويراجعون بنوكهم ويروح يخلص معاملات هذي هذي التجمعات خلصني وخلصك


تعبت يمكن اصبت ويمكن كلامي مايعجبكم

تحياتي

[ابو خالد]

بار الله بك اخي المقاطي q8

علي المشاركه الرائعه

واختلاف وجهات النظر لا يفسد للود قضيه

شكراا لك اخي الغالي

[d-r]

والله انك صادق يابوخالد
ليش الحكومه ماتسوي كل شي شنو اللي ناقصها والله لو تبي تهد المؤسسات والجهات الحكوميه كلها وتبنيها من جديد وتطورها تقدر
ليش يخلون الاعضاء يطالبون ويقلبون مشاعر الشعب



ماقول الا الله يستر عالكويت
------------وشكرا

[محمد المقاطي]

بارك الله بك

ابو خالد طرح رائع