محاروة حبيب العازمي وعبدالله شايق

[عبيدغازي العتيبي]

السلام عليكم ورحمة الله وبركاته


حبيب




سلامي على ال سعود وضيوف ال سعود
سـلام بمسـك العـود نسمـة هبوبـه
وطنـا وطنـا منبـع العـز والـجـود
ودحر المعـادي كـان شبـت شبوبـه




بن شايق




انا بالنيابه قمت والخير ماجود
عن الاسره اللي ضيفهم رحبوبه
بلدنا مجندنا وحنـا لـه جنـود
على السلم سلم وللمشاكل عقوبه




حبيـب




ترى العاقل اللي يعرف النقص والزود
قبل مايعرف الـدار يعرفـه دروبـه
بذلنا على وضح النقاء كـل مجهـود
لكن انـت لابـدك تلقـي صعوبـه




ابن اشايق




ترى العاقل اللي ياخذ الحـق بشهـود
ونفسك على الطرقه مهيب مغصوبـه
ليا صار فالميـدان حـاوي ومـردود
انا اصل العرب واصلي يعرف العروبه




حبيـب




ليا قلتها قلت لك مانيـب محـدود
ولكن داب الغـار ينفـخ ذروبـه
زمان مضى والناس طارد ومطرود
كثير العرب ناخذ شماغـه وثوبـه



بن شايق




توقع ترى فالعب نـار وبـارود
وراع العيوب اصد ماكشف عيوبه
وانا اقول ليلن قربك جعله يعـود
وانا عارف قلبك يحسب ذنوبـه



حبيـب




رصاص المقمع صفر مافيه عبرود
ولايشفي الغازيـن لـو حاربوبـه
وانا اقول صعبه طقت العود بالعود
ولكن حاسـب والعلـوم محسوبـه




بن شايق




كثير العرب لو مات ماهوب مفقود
وانا يوم جيت السوق شفت الجلوبه
اشهد عليك احمد وحماد وحمـود
ارويك وانت تصد منته بصوبـه



حبيـب




ياراع المنيحه ردها لاخـر الـذود
تبي تحتلبها بـس جتـك محلوبـه
زمان الهوايل يجمع البيض والسود
واشوف الهوايل جات والوقت دوبه



بن شايق




ياويلك من اللي صار والباب مسدود
ترى راعي الساحل يعرف الرطوبه
انا لي يمين ودين ووعود وعهـود
لاقوم اتعجبـك واحطـك عجوبـه