عــمـــر
03-25-2008, 05:38 AM
السلام عليكم ورحمة الله وبركاته
اخواني اعضاء وزوار منتديات قبيلة عتيبه في الكويت
هذي القصه معروفه لدينا جميعاً ومن واجبنا ان نجعلها خالده في تاريخنا وان نعطيها حقها لأنها احد بطولات ذوي زيـاد النفعـه خاصه وعتيبه عامه
وهي قصة (سن الدخيل سنه وشهرين)
ومن المعروف عند العرب بالماضى ان الدخيل يعطى سبع ايام ولاكن بعد هذي القصه اختلف الامر واصبحة عتيبه هي اول( من سن الـدخـيـل)
حيث ذكر الاستاذ الباحث والكاتب المعد / أحمد البرجس في احد مقالاته
( سيوف الجزيره - عدد12615 ) بتاريخ ( الخميس 3 يناير 2002) وغيره مصادر كثيره
وكان الاستاذ احمد البرجس يتكلم عن تاريخ قبائل شبه الجزيره وكان نصيب الاسد لـ عتيبه وتكلم عن بطولات عتيبه ومن ضمنها تكلم عن هذي القصـه بشكل خاص
يـقـول : الكاتب احمد البرجس الشمري
وال أبو رقبة معروفون بشجاعتهم وبسالتهم واخلاقهم الطيبة عموما, وقد حدث ان رجلا من قبيلة عتيبة
وجد صبيا تائها في الصحراء قد ابتعد عن اهله وكان صغيرا بالسن على اثر عاصفة شديدة استمرت عدة ايام فضمه الى اولاده ورباه معهم فلما كبر ذلك الصبي واصبح رجلا
تشاجر مع احد ابناء الرجل الذي آواه
فقتله وهرب وزبن الى عدة قبائل من عتيبة ولعظم جريمته قطعت عن العواني ( وكلما زبن على قبيلة أبت ان تقبل نقل عانية )
الى ان وصل الى ذوي زياد من النفعة وكان الوقت قريب المساء فوجد جمعا من اولادهم يلعبون فسأل من رآه منهم نبيها عن اسمه فأجابه اسمي ( شـعـبـان ) فوضع الرجل عقاله في عنق الطفل
وطلب منه ان يذهب الى حيث يجلس الرجال ويردد عليهم عبارة ( قـطـاع العـر شـعـبـان ) والمقصود بالعر هو الشر فقام والد شعبن وجماعته ذوي زياد وركبوا خيلهم
وتوجهوا الى خصوم الرجل يبلغونهم ان الرجل قد دخل عليهم وقد اجاروه لمدة شهرين
فرفض خصوم الرجل هذه المدة وقالوا ان دخل حسب سلوم القبيلة المتعارف عليها وهي بحد اقصى عشرة ايام فطال الجدل بين ذوي زياد وخصوم الرجل ( فأقسم والد شعبان )
انه سيدخل (الرجل سنة وشهرين )
فوقف ذوي زياد الى جانب والد شعبان وانهم مجيرون للرجل المدة التي حددها بسنة وشهرين حتى تنقضي المدة فيعتبر بذلك شعبان الزيادي او من سن الدخل في قبيلة عتيبة سنة وشهرين واصبح ماضيا الى الان .
(حيث وقف هنا )
وكما تعلمون ان كثيرأ من الشعار كتبوا في عـتـيـبــه وتطرقوا لي هذي القصه وهذا بعض منهم
يـقـول احد الشعراء :
حـنـا عـتـيـبـه مـلـحـقـيـن الـمـخـلـيـن = بـعـنـا بـسـوق الـطـايـلات وشـرانـا
قـومٍ عـلـى صـولات الايـام ضـاريـن = لـو عـضـنـا نـاب الـدهـر مـا قـوانـا
يـهـابـنـا الـطـمـاع لـو قـلـبـه اذهـيـن = نـبـطـش مـحـلات الـطـمـع لاغـزانـا
لـنـا سـلـوم غـالـيـات الـمـثـامـيـن = سـلـومـنـا مـحـدن حـمـلـهـا سـوانـا
فـي سـلـم لـومـاء الـوجـه عـام وشـهـريـن = وادخـيـلـنـا مـامـون داخـل حـمـانـا
ثـلاثـمـايـة يـوم تـزداد سـتـيـن = تـنـحـا الـمـنـايـا عـنـه هـيـبـة لـحـانـا
الشاعر الكبير / كديميس العصيمي
وهنا يقول احد الشعراء , وهذي بعض الابيات من القصيده :
والنعم بآلاد النفيعي هل الجود = سعد الرفيق مزبنــة كل مـضهود
ذخر الحرار الشقر لن ثار بـارود =علم عليه ثبوت ورجـالٍ شـــــهــــود
=سوات الصقور بنائفات الجــــبالــــي
يـاللي ذكـرت أمجاد آلاد الـزيـادي =عــز الـرفـيق وسـم كـبـد المعـادي
أهــل الـفـعـول أيام قبض الزنادي =فـرسان شهـب الـخيل يـوم التنادي
=نجاة الـدخيل ومحتمين التوالي
في ماضي أيام الدخل والدخيـلـة =يعطي الدخـيل أيام سـبع قليله
مـا تـخـتـلـف قـبـيـلـة عـن قـبـيـلة =منا الحكيم اللي جعلهـا طويلة
=سنه مع سنه زائد شهـور طوالي
المذهب اللي سنه الشيخ شـعبان =دون الدخيل اللي مـن (.............)
هذا صحيح ويثبت القول برهان =غصبا على الأخصام راضي وزعلان
=كما السيف في يوم اللقاء والقـتالي
الشاعرالكبير / عايض بن عويض الزيادي
و قصيدة طويله وهذي بعض الابيات منها :
[CENTER]
ومقدم هل الحرشا ومقـدم هـل الإشـوار = وزبن الدخيـل اللـي عيونـه مسهرهـا
ولا من دعانـا شيخنـا وافـي الأشبـار = تجيـه الرجـال اللـي للأيـام ذاخـرهـا
سلايل هل الحرشا هـل الموقـف الجبـار = منول يـوم(ن) الحـرب طلقـه تثورهـا
سنه وشهرين ادخيلهم ما عليـه أخطـار =ومطالـب ضميـره كـل واحـد يوفرهـا
الشاعر / منصور بن فلاح بن جدعان
وهنا بعض الابيات من قصيده طويله ايضاً:
وربعي هل الحرشا هل الجيش والخيل = ياكـم دخيـلٍ اهتنـا فـي ذرانــا
فوق السنه شهرين هو عندنا دخيـل = فعلٍ عليـه شهـود حـق وضمانـا
اهـل مهيوبـه للعـدا كنهـم سيـل = يّنـزل العالـي ليـا هـو طمـانـا
ومثل الحجاره من طيـور الابابيـل =تجعل من اللي كـان كنـه مـا كانـا
الشاعر / براك بن عمش الزيادي
وهذي بعض الابيات من قصيده اخرى :
زبنا الدخيل اللي ذاق من هول الزمان وخاف =وتنحّـر للبيـوت اللـي تذرينـا مذاريـهـا
ولهاله عن هبوب البرد والذلّة قـرا ولحـاف =شهرين فوق السنة تمّـت وشعبـان باديهـا
الشاعر / فهد بن جلوي الزيادي
______________________
وهنا ختامها مسك وهذي قصيده .. لـــ الشيخ خالد بن عمر أبورقبه .. حفظه الله
حيث قالها رداً على الاخ المحترم / نجر الروقي
لان الاخ والاستاذ / نجر الروقي ذكر وتكلم عن افعال للقبيله ذوي زياد ومن ضمنها ذكر هذي القصه
وجاءت هذي الابيات من الشيخ خالد أبورقبه تعبيراً عن مشاعر قبيلة ذوي زياد
يقـول :
مشكور يا ابن العم نجر العتيبي =على العلوم الوافيه والدقيقه
اعجبتني يانجر بقول(ن) يصيبي =عزالله انه صدق مابه لفيقه
ذكر الحقايق حق ماهوب عيبي =والناس كل(ن) له اسلوب وطريقه
لا أنت بطليب ولاحضرت لـطليبي =لكن فيك من المروه خليقه
قلت الحقيقه في زمان(ن) رهيبي =ماعاد يوجد من يقول الحقيقه
ضعنا وضاع الصدق واصبح غريبي =ماعاد له في مجتمعنا عليقه
إلا العريب ابن الاصل العريبي =نفسه على قول الحقايق شفيقه
من حسن ذات الرجل وطيب النصيبي =يقول كلمة حق لو فيه ضيقه
شهادة(ن) نشرت وقول (ن) عجيبي =انا اعتبرها للقبيله وثيقه
كل(ن) شهد يانجر والله رقيبي =بالي ذكرته من علوم(ن) عميقه
من يدعي بالصدق جاله مجيبي =والكذب في قاعة قليب(ن)غميقه
تذكر ذوي زياد سقم الحريبي =اهل مهيوبه والفعول العتيقه
واليا تعلوا فوق قب(ن) هذيبي =يفرح بهم لا صاح راع الوسيقه
دخيلهم يامن ولا له حسيبي =فوق السنه شهرين رجله طليقه
سلم(ن) مشى بين القبايل بطيبي =شعبان سنه والقبايل لحيقه
الطيب من طيب القبيله نطيبي =قبيلة(ن) تجمع قبايل شقيقه
عتيبـه إللي في اللقا ماتهيبي =كل القبايل في نحرها سحيقه
برقا وروق من بعضهم قريبي =الجد واحد والقبيله عريقه
عدوهم مذبوح وإلا عطيبي =وقت(ن) مضى والثوب كمه ذليقه
يانجر سامحنا على مانجيبي = نبدي المشاعر والعواطف رقيقه
وبالاخير
تقبلوا تحيتي وشكراً
اخواني اعضاء وزوار منتديات قبيلة عتيبه في الكويت
هذي القصه معروفه لدينا جميعاً ومن واجبنا ان نجعلها خالده في تاريخنا وان نعطيها حقها لأنها احد بطولات ذوي زيـاد النفعـه خاصه وعتيبه عامه
وهي قصة (سن الدخيل سنه وشهرين)
ومن المعروف عند العرب بالماضى ان الدخيل يعطى سبع ايام ولاكن بعد هذي القصه اختلف الامر واصبحة عتيبه هي اول( من سن الـدخـيـل)
حيث ذكر الاستاذ الباحث والكاتب المعد / أحمد البرجس في احد مقالاته
( سيوف الجزيره - عدد12615 ) بتاريخ ( الخميس 3 يناير 2002) وغيره مصادر كثيره
وكان الاستاذ احمد البرجس يتكلم عن تاريخ قبائل شبه الجزيره وكان نصيب الاسد لـ عتيبه وتكلم عن بطولات عتيبه ومن ضمنها تكلم عن هذي القصـه بشكل خاص
يـقـول : الكاتب احمد البرجس الشمري
وال أبو رقبة معروفون بشجاعتهم وبسالتهم واخلاقهم الطيبة عموما, وقد حدث ان رجلا من قبيلة عتيبة
وجد صبيا تائها في الصحراء قد ابتعد عن اهله وكان صغيرا بالسن على اثر عاصفة شديدة استمرت عدة ايام فضمه الى اولاده ورباه معهم فلما كبر ذلك الصبي واصبح رجلا
تشاجر مع احد ابناء الرجل الذي آواه
فقتله وهرب وزبن الى عدة قبائل من عتيبة ولعظم جريمته قطعت عن العواني ( وكلما زبن على قبيلة أبت ان تقبل نقل عانية )
الى ان وصل الى ذوي زياد من النفعة وكان الوقت قريب المساء فوجد جمعا من اولادهم يلعبون فسأل من رآه منهم نبيها عن اسمه فأجابه اسمي ( شـعـبـان ) فوضع الرجل عقاله في عنق الطفل
وطلب منه ان يذهب الى حيث يجلس الرجال ويردد عليهم عبارة ( قـطـاع العـر شـعـبـان ) والمقصود بالعر هو الشر فقام والد شعبن وجماعته ذوي زياد وركبوا خيلهم
وتوجهوا الى خصوم الرجل يبلغونهم ان الرجل قد دخل عليهم وقد اجاروه لمدة شهرين
فرفض خصوم الرجل هذه المدة وقالوا ان دخل حسب سلوم القبيلة المتعارف عليها وهي بحد اقصى عشرة ايام فطال الجدل بين ذوي زياد وخصوم الرجل ( فأقسم والد شعبان )
انه سيدخل (الرجل سنة وشهرين )
فوقف ذوي زياد الى جانب والد شعبان وانهم مجيرون للرجل المدة التي حددها بسنة وشهرين حتى تنقضي المدة فيعتبر بذلك شعبان الزيادي او من سن الدخل في قبيلة عتيبة سنة وشهرين واصبح ماضيا الى الان .
(حيث وقف هنا )
وكما تعلمون ان كثيرأ من الشعار كتبوا في عـتـيـبــه وتطرقوا لي هذي القصه وهذا بعض منهم
يـقـول احد الشعراء :
حـنـا عـتـيـبـه مـلـحـقـيـن الـمـخـلـيـن = بـعـنـا بـسـوق الـطـايـلات وشـرانـا
قـومٍ عـلـى صـولات الايـام ضـاريـن = لـو عـضـنـا نـاب الـدهـر مـا قـوانـا
يـهـابـنـا الـطـمـاع لـو قـلـبـه اذهـيـن = نـبـطـش مـحـلات الـطـمـع لاغـزانـا
لـنـا سـلـوم غـالـيـات الـمـثـامـيـن = سـلـومـنـا مـحـدن حـمـلـهـا سـوانـا
فـي سـلـم لـومـاء الـوجـه عـام وشـهـريـن = وادخـيـلـنـا مـامـون داخـل حـمـانـا
ثـلاثـمـايـة يـوم تـزداد سـتـيـن = تـنـحـا الـمـنـايـا عـنـه هـيـبـة لـحـانـا
الشاعر الكبير / كديميس العصيمي
وهنا يقول احد الشعراء , وهذي بعض الابيات من القصيده :
والنعم بآلاد النفيعي هل الجود = سعد الرفيق مزبنــة كل مـضهود
ذخر الحرار الشقر لن ثار بـارود =علم عليه ثبوت ورجـالٍ شـــــهــــود
=سوات الصقور بنائفات الجــــبالــــي
يـاللي ذكـرت أمجاد آلاد الـزيـادي =عــز الـرفـيق وسـم كـبـد المعـادي
أهــل الـفـعـول أيام قبض الزنادي =فـرسان شهـب الـخيل يـوم التنادي
=نجاة الـدخيل ومحتمين التوالي
في ماضي أيام الدخل والدخيـلـة =يعطي الدخـيل أيام سـبع قليله
مـا تـخـتـلـف قـبـيـلـة عـن قـبـيـلة =منا الحكيم اللي جعلهـا طويلة
=سنه مع سنه زائد شهـور طوالي
المذهب اللي سنه الشيخ شـعبان =دون الدخيل اللي مـن (.............)
هذا صحيح ويثبت القول برهان =غصبا على الأخصام راضي وزعلان
=كما السيف في يوم اللقاء والقـتالي
الشاعرالكبير / عايض بن عويض الزيادي
و قصيدة طويله وهذي بعض الابيات منها :
[CENTER]
ومقدم هل الحرشا ومقـدم هـل الإشـوار = وزبن الدخيـل اللـي عيونـه مسهرهـا
ولا من دعانـا شيخنـا وافـي الأشبـار = تجيـه الرجـال اللـي للأيـام ذاخـرهـا
سلايل هل الحرشا هـل الموقـف الجبـار = منول يـوم(ن) الحـرب طلقـه تثورهـا
سنه وشهرين ادخيلهم ما عليـه أخطـار =ومطالـب ضميـره كـل واحـد يوفرهـا
الشاعر / منصور بن فلاح بن جدعان
وهنا بعض الابيات من قصيده طويله ايضاً:
وربعي هل الحرشا هل الجيش والخيل = ياكـم دخيـلٍ اهتنـا فـي ذرانــا
فوق السنه شهرين هو عندنا دخيـل = فعلٍ عليـه شهـود حـق وضمانـا
اهـل مهيوبـه للعـدا كنهـم سيـل = يّنـزل العالـي ليـا هـو طمـانـا
ومثل الحجاره من طيـور الابابيـل =تجعل من اللي كـان كنـه مـا كانـا
الشاعر / براك بن عمش الزيادي
وهذي بعض الابيات من قصيده اخرى :
زبنا الدخيل اللي ذاق من هول الزمان وخاف =وتنحّـر للبيـوت اللـي تذرينـا مذاريـهـا
ولهاله عن هبوب البرد والذلّة قـرا ولحـاف =شهرين فوق السنة تمّـت وشعبـان باديهـا
الشاعر / فهد بن جلوي الزيادي
______________________
وهنا ختامها مسك وهذي قصيده .. لـــ الشيخ خالد بن عمر أبورقبه .. حفظه الله
حيث قالها رداً على الاخ المحترم / نجر الروقي
لان الاخ والاستاذ / نجر الروقي ذكر وتكلم عن افعال للقبيله ذوي زياد ومن ضمنها ذكر هذي القصه
وجاءت هذي الابيات من الشيخ خالد أبورقبه تعبيراً عن مشاعر قبيلة ذوي زياد
يقـول :
مشكور يا ابن العم نجر العتيبي =على العلوم الوافيه والدقيقه
اعجبتني يانجر بقول(ن) يصيبي =عزالله انه صدق مابه لفيقه
ذكر الحقايق حق ماهوب عيبي =والناس كل(ن) له اسلوب وطريقه
لا أنت بطليب ولاحضرت لـطليبي =لكن فيك من المروه خليقه
قلت الحقيقه في زمان(ن) رهيبي =ماعاد يوجد من يقول الحقيقه
ضعنا وضاع الصدق واصبح غريبي =ماعاد له في مجتمعنا عليقه
إلا العريب ابن الاصل العريبي =نفسه على قول الحقايق شفيقه
من حسن ذات الرجل وطيب النصيبي =يقول كلمة حق لو فيه ضيقه
شهادة(ن) نشرت وقول (ن) عجيبي =انا اعتبرها للقبيله وثيقه
كل(ن) شهد يانجر والله رقيبي =بالي ذكرته من علوم(ن) عميقه
من يدعي بالصدق جاله مجيبي =والكذب في قاعة قليب(ن)غميقه
تذكر ذوي زياد سقم الحريبي =اهل مهيوبه والفعول العتيقه
واليا تعلوا فوق قب(ن) هذيبي =يفرح بهم لا صاح راع الوسيقه
دخيلهم يامن ولا له حسيبي =فوق السنه شهرين رجله طليقه
سلم(ن) مشى بين القبايل بطيبي =شعبان سنه والقبايل لحيقه
الطيب من طيب القبيله نطيبي =قبيلة(ن) تجمع قبايل شقيقه
عتيبـه إللي في اللقا ماتهيبي =كل القبايل في نحرها سحيقه
برقا وروق من بعضهم قريبي =الجد واحد والقبيله عريقه
عدوهم مذبوح وإلا عطيبي =وقت(ن) مضى والثوب كمه ذليقه
يانجر سامحنا على مانجيبي = نبدي المشاعر والعواطف رقيقه
وبالاخير
تقبلوا تحيتي وشكراً