المقاطى_q8
03-24-2008, 11:58 PM
هات القلم وأكتب على بيض الأوراق = خل الفروخ البيض يصرخ قلمها
لا لاح في فكري من القيل براق = أختار جزلات المثل واغتنمها
مثايل يطرب لها كل ذواق = نوادر ماتنتقدر قيمها
لبستها البز الحمر زين الأرناق = ومن الذهب لبستها ماحشمها
مثل الهنوف اللي يجي ذوقها راق = اللي كما ريح الخزامى نسمها
ذات الدلال معذبة كل عشاق = مزيونة من راسها لاقدمها
يحضر لها من كل زين في الأسواق = تامر وتعطى ماتقوله بفمها
هذا وانا للقاف رايق ومشتاق = وهجوس قلبي نابهات هممها
مشاعر عذبات واحساس رقاق = أرق من قطر الندى في ديمها
يفيض به نهر من الشوق دفاق = دف الغروب اللي جديد وذمها
ابغى يوسع خاطري كلما ضاق = يجلي صدا نفسي ويقطع ضرمها
وتصفي له الأسماع من كل عملاق = حتى الأذان الصم يبري صممها
ويقول من يوحيه هذا الذى لاق = نوعية الكلمه تبين نغمها
ياليل ماعينت ساعات الإشراق = اللي تبسمها يبدد عتمها
اللي يزول بها عن النفس الإرهاقينزاح عنها الضيق ويزول المها
مع رفقه للطيب عجلين وسباق = يزود مع زود الليالي كرمها
كل أملج في مرقب المرجله واق = حتى تربع فوق عالي هرمها
وأن جاء نهار يبسن فيه الأرياق = يفرح بها اللي لاتضايق زهمها
شقر الحرار اللي تولم للإطلاق = اللي تتل سبوقها من حدمها
الأول اللي لأسبق السرب لحاق = اللي ليا لحق الجليله صرمها
جفل الثنادي حرِِ مشومر الساق = لاحام في الأجواء الوسيعه حكمها
والثاني اللي لاحمق كل حماق = والمشكله خطر يثور لفمها
وبين الفريقين إحتزم كل تفاق = بإمات خمس اللي كبار درمها
والموقف الغصاب ماعنه مفهاق =ويومنها كبرت وجاها حسمها
لاصار في الأريا سمين ومنعاق = أحد تقصن فيها والأخر برمها
ملاذ عنها من ورى كل مدراق = ومن يمه الأريا تجي في تممها
وان جوله الضيفان مع كل مخناق = هداج تيما هادرات جممها
يرمي لهم روس الهرافا والأشناق = أشناق خرفان كثير شحمها
والثالث اللي جامع علم واخلاق = والسنه الغرا بحزم إلتزمها
للخير مفتاح وللشر مغلاق = ومكارم الأخلاق يرفع علمها
أحبهم حب تعمق في الأعماق = محبة مافيه شي ثلمها
وبعض الرخوم اللي تحندق تحنداق = اللي من الضيقه تلوي غممها
يستاهل الواحد على خده طراق = يموت يونسها ويطعم طعمها
الشاعر / عبدالله بن سعد بن ضاحي المقاطي
29 / 12 / 1422 هـ
لا لاح في فكري من القيل براق = أختار جزلات المثل واغتنمها
مثايل يطرب لها كل ذواق = نوادر ماتنتقدر قيمها
لبستها البز الحمر زين الأرناق = ومن الذهب لبستها ماحشمها
مثل الهنوف اللي يجي ذوقها راق = اللي كما ريح الخزامى نسمها
ذات الدلال معذبة كل عشاق = مزيونة من راسها لاقدمها
يحضر لها من كل زين في الأسواق = تامر وتعطى ماتقوله بفمها
هذا وانا للقاف رايق ومشتاق = وهجوس قلبي نابهات هممها
مشاعر عذبات واحساس رقاق = أرق من قطر الندى في ديمها
يفيض به نهر من الشوق دفاق = دف الغروب اللي جديد وذمها
ابغى يوسع خاطري كلما ضاق = يجلي صدا نفسي ويقطع ضرمها
وتصفي له الأسماع من كل عملاق = حتى الأذان الصم يبري صممها
ويقول من يوحيه هذا الذى لاق = نوعية الكلمه تبين نغمها
ياليل ماعينت ساعات الإشراق = اللي تبسمها يبدد عتمها
اللي يزول بها عن النفس الإرهاقينزاح عنها الضيق ويزول المها
مع رفقه للطيب عجلين وسباق = يزود مع زود الليالي كرمها
كل أملج في مرقب المرجله واق = حتى تربع فوق عالي هرمها
وأن جاء نهار يبسن فيه الأرياق = يفرح بها اللي لاتضايق زهمها
شقر الحرار اللي تولم للإطلاق = اللي تتل سبوقها من حدمها
الأول اللي لأسبق السرب لحاق = اللي ليا لحق الجليله صرمها
جفل الثنادي حرِِ مشومر الساق = لاحام في الأجواء الوسيعه حكمها
والثاني اللي لاحمق كل حماق = والمشكله خطر يثور لفمها
وبين الفريقين إحتزم كل تفاق = بإمات خمس اللي كبار درمها
والموقف الغصاب ماعنه مفهاق =ويومنها كبرت وجاها حسمها
لاصار في الأريا سمين ومنعاق = أحد تقصن فيها والأخر برمها
ملاذ عنها من ورى كل مدراق = ومن يمه الأريا تجي في تممها
وان جوله الضيفان مع كل مخناق = هداج تيما هادرات جممها
يرمي لهم روس الهرافا والأشناق = أشناق خرفان كثير شحمها
والثالث اللي جامع علم واخلاق = والسنه الغرا بحزم إلتزمها
للخير مفتاح وللشر مغلاق = ومكارم الأخلاق يرفع علمها
أحبهم حب تعمق في الأعماق = محبة مافيه شي ثلمها
وبعض الرخوم اللي تحندق تحنداق = اللي من الضيقه تلوي غممها
يستاهل الواحد على خده طراق = يموت يونسها ويطعم طعمها
الشاعر / عبدالله بن سعد بن ضاحي المقاطي
29 / 12 / 1422 هـ