عتيبه صفها واحد

[قبلان الدعجاني]

السلام عليكم

يسعد جميع اوقاتكم

يشرفني الانضمام لموقع ابناء العم


ومصافحه اولى : وياليت احد المشرفين يجي الدعجاني او المقاطي




سلام الله سلامن يطرب الشعار والشعار = لهم مني كلامن مايجي في داخله زله

ترى مافيه فرق ٍ بيننا لو فرقتنا ديار = عتيبه صفها واحد على المذهب مع المله

[خالد المقاطي]

يامرحباااا مليون

شاعرنا قبلان الدعجاني .. في محلك وبين اخوانكـــ يالبناخي

حللت اهلآ ونزلت سهلآ

استلم




هلا يامرحبا ترحيبتً من دار تاصل دار = نيابه عن هل الديره نرحب ياهلا والله
على المذهب مع المله .. وفانا والشبوح كبار = تحت سنه نبي الله ونورً دلنا دله

[قبلان الدعجاني]

البقا ياخالي ,,


وجعلك تحيا اي والله ..


واستلم



يدوم إلك البقا ياشاعر ٍ معروف مهما صار = نعرفه داخل الحله نعرفه خارج الحله
الا ياليت خالد في فعوله يشبه العفار = نعرفه للعدا عله يعقد الحبل ويحله

[خالد المقاطي]

الله الله


:)




نشوف من الديار اللي عليها العلم صار اعصار = مهابد قوم فالميدان مار القدس محتله
لك الله والعدى ياصاحبي مابين نار وغار = وانا اسمي يشفع ان جات السوالف دقه وجله

[قبلان الدعجاني]

نشوف إن الرجال احرار فيها كبار فيها صغار = لها ميزه وميزتها تسبب فالبلد خله
تقوله يالمقاطي والفلك في هالزمن دوار = زمان ٍ فات ياخالد نعرف السيف من سله

[خالد المقاطي]

تحْوص ياخوي الجنب مثل الثعلب المكار = انا ماذمهم لاْكن راحت كلها فله
ابو زيد الهلالي نظرته قدام مايحتار = الا ياكم سيفً ثلم .. رد لصاحبه كله

[قبلان الدعجاني]

انا ماشفت سيفك يوم سيفي عندهم بتار = اقوله وانت لامنّك لقيت الشيخ رح قله
تراك الفارس المغوار ياخالد نهار الثار = تلد العين يمي واشرب الفنجال من دله

[خالد المقاطي]

رسول الله موصيله وصاتً دون سابع جار = وانا ماسل سيفي للموالي واتحبله
اشوف الحر طار وجاوبه حرً بجنبه طار = اللد العين للفنجال .. ماقبل شاهي الفله

[قبلان الدعجاني]

الا ليتك معي ياصاحبي ماتكشف الاسرار = قبل ماحط فالغليون كم جمره من المله
يمين القار ياخالد طريقي وانت رحت ايسار = ولكن كلنا فالشجره اللي مالها ظله

[قبلان الدعجاني]

الشاعر خالد المقاطي


يعلم الله إن اللعب معك له طابع خاص ياخالي


واني استمتعت معك بها الطرق



صح لسانك ملايين والختام عندك


وطول عمرك مبدع وشهادتي فيك مجروحه




الصبح اصبح والمعذره منك ولنا لقاءات اخرى ان شاء الله






اخوك

[خالد المقاطي]

لون ايحط بالغليون جمره نار ابن عمار = انا اعرف صاحبي قبلان مافي عضمه الذله
خذينا سلعت البايع .. تبلشنا مع التجار = ولاكن الصراحه بالسماء نجماتً مطله

[خالد المقاطي]

العملاق :: الشاعر قبلان الدعجاني


سعت بالطرق المغذي هذا والشاعر اللي مايبدع معكــ الشهاذه لله مهوب شاعر

سعيدين في تواجدكــــ بيننا ياعملاق


ولنا طروق اخرى انشاء الله يالبناخي


:)

والله بالخراج منكــــ

:)


دمت بود

[قبلان الدعجاني]

بيض الله وجهك ياخالي


والأبداع نتعلمه من شرواك



وانت السلامه منك مكسب :)



شاكر ومقدر لك

[محمد المقاطي]

قبلان الدعجاني

خالد المقاطي

صحت السنتكم وبيض الله وجيهكم

علي الملعبه الرائعه

والله كان ودنا نكون بين الصفوف

لكن النت هاليومين الكم عليه مدري وش جايه

[محمد الدعجاني]

قبلان الدعجاني

اول شي يامرحبابك مليون بين ربعك واخوانك

وثاني شي صح لسانك ولاهنت

خالد المقاطي صح لسانك ولاهنت يامبدع وخير من يمثلنا

ومحااوره اروع من رايعه :)

[المقاطى_q8]

الله الله ابداع

صح لسان
الشاعر / قبلان الدعجاني
وحياك الله في محلك

وصح لسانك يالبناخي


لاهنتوا على المحاوره الرائعه

تحيتي

[قبلان الدعجاني]

ابناء العم : محمد المقاطي ,, محمد الدعجاني ,, المقاطي q8

حضوركم نوماس لنا والله يبقيكم جميعاً والمحل واحد ياعتيبه



صحت ابدانكم



لاخلا ولاعدم