المقاطى_q8
02-02-2008, 04:36 PM
السلام عليكم
* قصيدة للشاعر عبدالله بن نايف بن عون الرويس العتيبي
انـا قلبـي عليـه الحـب لا طـي=وصواب الحب في اقصى القلب ساطي
تمكـن حـب خلـي مـن ضميـري=فتق في الجوف فتـق ٍ مـا يخاطـي
ولا بينـت مـابـي لـيـن حـبـه=بشع بالقلـب واحـدث بـه نفاطـي
شعانـي جـادل ٍ لا عـاد عـرفـه=سقـط حبـه علـى قلبـي سقاطـي
خيالـه مايفـارق عــن عيـونـي=علـى طـول المغيبـه والتبـاطـي
ولالانـي مستحـي ناديـت باسمـه=بوسـط الماقفـه كانـي شـراطـي
ومـن جانـي يقـول انتـه علامـك=اقـول افـزع لمـن كثـر اختباطـي
ترى الفزعه لهـا بالطيـب ساعـه=لـو البـارود غـادن لـه شياطـي
انـا محتاجـكـم يـاهـل الحمـيـا=على درب الزرج عـن كـل خاطـي
ترانـي ماتـذوق الـنـوم عيـنـي=لامن الصبـح يبـدي لـه شعاطـي
ليـا مـن المعافـا طـاب نـومـه=لذيـذ النـوم فـي عينـي سماطـي
اصـارع هاجـسـي ماعـنـدي الا=ثــلاث دلا ل يـشـدن البطـاطـي
مدابيـح ٍ علـى جــال المـنـاره=خنيـن الهيـل فيهـن لـه عياطـي
ثــلاث ٍثالثتـهـن دون مـنـهـن=صهدهـن كانهـا غرنـوق شاطـي
انـا يصلانـي الهاجـس عليـهـا=وهي تصلى علـى جمـر الاراطـي
صـلاهـا قهوجـيـن مـاتـوانـا=يسهرهـا لايـا نــام السبـاطـي
لياقـدم لــي الفنـجـان منـهـا=تجـلـى خـاطـري بالانبسـاطـي
وخليـت القلـم يــذرف مــداده=علـى صفحـات الاوراق القشاطـي
باهازيـج ٍ تونـس مــن قـراهـا=مـن الاثمـار القطـهـن لقـاطـي
اقطـف مازهـى لـي مـن ثمرهـن=واخلـي مايطيـح مـن البطـاطـي
عسى اللي يلحـق العاشـق ملامـه=من اللـي صابنـي ياطـاه واطـي
علـى شـان يعـرف قـدر المحبـه=ولا عــاد يتـمـادى فالاغـلاطـي
وعساه ان ماعـذر عقـب التجـارب=تصيبه في الجسـد حمـى رهاطـي
* مجاراة الشاعر / كديميس بن صالح العصيمي لابن عون
انا مااكشـف صناديـق ٍمغاطـي=وانا ادري ان الغطى وراه غاطي
ولاني بعتـرض رجـل ٍمجنـب=ولا استعرض نشاطه مع نشاطي
ولو صرت افتهم نضم القوافـي=نشاطي مايزود عـن انظباطـي
لكن ليا عرض بعـض النـوادر=مثل ماقيـل فـي جمرالأراطـي
جذبني مستوى بيـت القصيـده=ولا قصـدي تحـدي واعتباطـي
انـا احـب المعاميـل القديمـه=الي معهـن علاقـه وارتباطـي
اذا كانت على خمسـة عناصـر=هذا غايـة مرامـي واشتراطـي
على البـن اليمانـي والعويـدي=وعلى الهيل المعلـب بالشناطـي
وزباد وزعفـران ٍمـن سمطـرا=وبعده العود في المدخن يعاطـي
ولا قصـدي هواجيـس المـوده=ولا شاعفني الحـب الحشاطـي
مجال اهل الهوى مالـي ومالـه=ولا لي فـي بضايعهـم تعاطـي
ماعـاذ الله يجذبـنـي هـوايـه=ليا الخلـوه وحـب الاختلاطـي
انا قد قـال لـي رجـل ٍمجـرب=يغوص البحر ويطوف الشواطـي
يقول انه تعـرض لـه مشاكـل=مع البيض العماهيـج النشاطـي
يحطـن العسـل فـوق الزمـرد=مع السحر الحلال مع المشاطـي
ويقول المكـر فيهـن والخديعـه=ورصدت لمكرهن كـل احتياطـي
وغدن بمكسبي مـع راس مالـي=وخذن من تحت رجليني بساطـي
عقـب ماكنـت ادور للفـوايـد=رجعت اجلس على رقط البلاطـي
يقول ان الهـوى بيـت ٍمزبـرق=وسيع ولا علـى بابـه ارباطـي
مقـر ٍللهمــوم وللحسـايـف=وبسؤ الظـن والغيبـه مُحاطـي
ويقول اهل الهوى فيهـم طبايـع=وبحرهم بيـن مـده وانسفاطـي
بعضهم يعتلـي روس المبـادي=اله في مستوى القمـه مواطـي
ليا شـرف علـى راس البتيلـه=تجـدد مابصـدره واستشاطـي
وتواردتـه مزاهيـف الـروابـع=وتذكر مامضـى لـه بالنقاطـي
رجولـه ماتفارقهـا الشواظـي=وعيونـه مايفارقهـا العراطـي
وبعضهم يجتلـد كانـه مكلـف=بذرع الارض من شاطي لشاطـي
معـه بنـدق ودربيـل وربابـه=ومعب ٍمزهبـه داخـل قواطـي
وليا شاف الحبيب اللـي يحبـه=تحـزم للمراقـب واستحـاطـي
جمع له صاحبه رغبـه ورهبـه=من الرهبه يخاف مـن الزراطـي
وبعضهم ينطوي كنـه مصـوب=وتمر ايـام ماشـاف السماطـي
وليا نامت عيون النـاس عينـه=تقول انه دخل فيهـا الحماطـي
كـتـوم ٍمايعـلـم بالسـرايـر=فـلا تامـن عليـه الانفراطـي
مثل ماصار مـع مجنـون ليلـى=عقب ضغط الهوى صار انحطاطي
نسـأل الله عفـوه والسـلامـه=اذا جا في البشر عالـي وواطـي
لو ان الرجل ينظـر فـي معـاده=درى انه ماعلى الدنيا اغتباطـي
وحسب للغبن في يـوم التغابـن=نهار الحشـر والعالـم خلاطـي
وحضر ميـزان لاعمـال البريـه=وعلى متن اللظى مد الصراطـي
وتبرى كـل خـل ٍمـن خليلـه=اذا وصل العرق فـوق الاباطـي
هذا اليوم الذي يحسـب حسابـه=يضيع ابه المجامـل والتواطـي
لكم تحياتي
* قصيدة للشاعر عبدالله بن نايف بن عون الرويس العتيبي
انـا قلبـي عليـه الحـب لا طـي=وصواب الحب في اقصى القلب ساطي
تمكـن حـب خلـي مـن ضميـري=فتق في الجوف فتـق ٍ مـا يخاطـي
ولا بينـت مـابـي لـيـن حـبـه=بشع بالقلـب واحـدث بـه نفاطـي
شعانـي جـادل ٍ لا عـاد عـرفـه=سقـط حبـه علـى قلبـي سقاطـي
خيالـه مايفـارق عــن عيـونـي=علـى طـول المغيبـه والتبـاطـي
ولالانـي مستحـي ناديـت باسمـه=بوسـط الماقفـه كانـي شـراطـي
ومـن جانـي يقـول انتـه علامـك=اقـول افـزع لمـن كثـر اختباطـي
ترى الفزعه لهـا بالطيـب ساعـه=لـو البـارود غـادن لـه شياطـي
انـا محتاجـكـم يـاهـل الحمـيـا=على درب الزرج عـن كـل خاطـي
ترانـي ماتـذوق الـنـوم عيـنـي=لامن الصبـح يبـدي لـه شعاطـي
ليـا مـن المعافـا طـاب نـومـه=لذيـذ النـوم فـي عينـي سماطـي
اصـارع هاجـسـي ماعـنـدي الا=ثــلاث دلا ل يـشـدن البطـاطـي
مدابيـح ٍ علـى جــال المـنـاره=خنيـن الهيـل فيهـن لـه عياطـي
ثــلاث ٍثالثتـهـن دون مـنـهـن=صهدهـن كانهـا غرنـوق شاطـي
انـا يصلانـي الهاجـس عليـهـا=وهي تصلى علـى جمـر الاراطـي
صـلاهـا قهوجـيـن مـاتـوانـا=يسهرهـا لايـا نــام السبـاطـي
لياقـدم لــي الفنـجـان منـهـا=تجـلـى خـاطـري بالانبسـاطـي
وخليـت القلـم يــذرف مــداده=علـى صفحـات الاوراق القشاطـي
باهازيـج ٍ تونـس مــن قـراهـا=مـن الاثمـار القطـهـن لقـاطـي
اقطـف مازهـى لـي مـن ثمرهـن=واخلـي مايطيـح مـن البطـاطـي
عسى اللي يلحـق العاشـق ملامـه=من اللـي صابنـي ياطـاه واطـي
علـى شـان يعـرف قـدر المحبـه=ولا عــاد يتـمـادى فالاغـلاطـي
وعساه ان ماعـذر عقـب التجـارب=تصيبه في الجسـد حمـى رهاطـي
* مجاراة الشاعر / كديميس بن صالح العصيمي لابن عون
انا مااكشـف صناديـق ٍمغاطـي=وانا ادري ان الغطى وراه غاطي
ولاني بعتـرض رجـل ٍمجنـب=ولا استعرض نشاطه مع نشاطي
ولو صرت افتهم نضم القوافـي=نشاطي مايزود عـن انظباطـي
لكن ليا عرض بعـض النـوادر=مثل ماقيـل فـي جمرالأراطـي
جذبني مستوى بيـت القصيـده=ولا قصـدي تحـدي واعتباطـي
انـا احـب المعاميـل القديمـه=الي معهـن علاقـه وارتباطـي
اذا كانت على خمسـة عناصـر=هذا غايـة مرامـي واشتراطـي
على البـن اليمانـي والعويـدي=وعلى الهيل المعلـب بالشناطـي
وزباد وزعفـران ٍمـن سمطـرا=وبعده العود في المدخن يعاطـي
ولا قصـدي هواجيـس المـوده=ولا شاعفني الحـب الحشاطـي
مجال اهل الهوى مالـي ومالـه=ولا لي فـي بضايعهـم تعاطـي
ماعـاذ الله يجذبـنـي هـوايـه=ليا الخلـوه وحـب الاختلاطـي
انا قد قـال لـي رجـل ٍمجـرب=يغوص البحر ويطوف الشواطـي
يقول انه تعـرض لـه مشاكـل=مع البيض العماهيـج النشاطـي
يحطـن العسـل فـوق الزمـرد=مع السحر الحلال مع المشاطـي
ويقول المكـر فيهـن والخديعـه=ورصدت لمكرهن كـل احتياطـي
وغدن بمكسبي مـع راس مالـي=وخذن من تحت رجليني بساطـي
عقـب ماكنـت ادور للفـوايـد=رجعت اجلس على رقط البلاطـي
يقول ان الهـوى بيـت ٍمزبـرق=وسيع ولا علـى بابـه ارباطـي
مقـر ٍللهمــوم وللحسـايـف=وبسؤ الظـن والغيبـه مُحاطـي
ويقول اهل الهوى فيهـم طبايـع=وبحرهم بيـن مـده وانسفاطـي
بعضهم يعتلـي روس المبـادي=اله في مستوى القمـه مواطـي
ليا شـرف علـى راس البتيلـه=تجـدد مابصـدره واستشاطـي
وتواردتـه مزاهيـف الـروابـع=وتذكر مامضـى لـه بالنقاطـي
رجولـه ماتفارقهـا الشواظـي=وعيونـه مايفارقهـا العراطـي
وبعضهم يجتلـد كانـه مكلـف=بذرع الارض من شاطي لشاطـي
معـه بنـدق ودربيـل وربابـه=ومعب ٍمزهبـه داخـل قواطـي
وليا شاف الحبيب اللـي يحبـه=تحـزم للمراقـب واستحـاطـي
جمع له صاحبه رغبـه ورهبـه=من الرهبه يخاف مـن الزراطـي
وبعضهم ينطوي كنـه مصـوب=وتمر ايـام ماشـاف السماطـي
وليا نامت عيون النـاس عينـه=تقول انه دخل فيهـا الحماطـي
كـتـوم ٍمايعـلـم بالسـرايـر=فـلا تامـن عليـه الانفراطـي
مثل ماصار مـع مجنـون ليلـى=عقب ضغط الهوى صار انحطاطي
نسـأل الله عفـوه والسـلامـه=اذا جا في البشر عالـي وواطـي
لو ان الرجل ينظـر فـي معـاده=درى انه ماعلى الدنيا اغتباطـي
وحسب للغبن في يـوم التغابـن=نهار الحشـر والعالـم خلاطـي
وحضر ميـزان لاعمـال البريـه=وعلى متن اللظى مد الصراطـي
وتبرى كـل خـل ٍمـن خليلـه=اذا وصل العرق فـوق الاباطـي
هذا اليوم الذي يحسـب حسابـه=يضيع ابه المجامـل والتواطـي
لكم تحياتي