خالد المقاطي
12-19-2007, 06:19 AM
السلام عليكم ورحمــه الله وبركاته
عيدكم مباركــ جميــعآ .. وتقبل الله طاعتكم ..
هنا صدى صوتي على قصيده الشاعر نايف المقاطي
وكيبورديه وارجو ان يسامحنا على القصور :)
يقول نايف ..
البال ضايق والفكر فيه مجهـود =يرسل من الغارات ونشل فكـري
ماهيب ياخالد قضى دين وعهـود =لادين لاسلفـه ولاشـي مشـري
وماهيب بالدعوه مشاعيب وفرود =ولاني قليل أفعال والناس تـدري
دعواي والسبه هوى لين العـود =ألي برى حالـي وخـلاه مبـري
مرباعه بفكري ومصيافه السـود =وليا تملل مجلسه وسط صـدري
ألـي عليـه أغـار وجـن واذود =وألي عليه العقل بالحيـل مفـري
وألي تميز بالحلا وصار مفـرود =وألي مقـط بيـوم نـزل بقـدري
وألي له الشريان ماهوب مسـدود =يسري بشرياني ومع الدم يجـري
السالفه ماهي تفاريـق وصـدود =لكن تغزل بالـذي حيـل مغـري
بالمهره ألي حطت بقلبـي أقيـود =أدخل على الله والمشابيك حـدري
الحب مثـل السـم ودواه مفقـود =راعيه مايمرح مع الناس بـدري
شفني وأنا ثلثين ليلي لي شهـود =وتشهدلي القمرى مع بيوت شعري
وهنا كان الرد .. مني
غنا الجريح وجاوبه برق ورعود =وبتلت الاوراق من فن حبري
لبت هواجيسي مصادير وورود = واصطفت القيفان والبث .. حصري
حييت يانايف عدد هبت النود = وعداد ماناحن من الورق قمري
لو التغزل .. عيب .. يامنبع الجود= ماكان ابن هذال غناه جهري
هيضتني بالوصف من زود في زود = فمّ الجديل اللي على المتن نثري
الحب مثل الملح .. والوصل .. بارود = الليا .. اختلط .. راع الهواء .. ليل يسري
وانا بعد قبلك من الحب مصيود = في ساحه العشاق ماقل شبري
مجمول .. ناعس طارفه .. مورد خدود = الزين نجدي .. والدلع فيه مصري
صفت رموشه كنها صفت جنود = رايات سلمً خالطة .. حرب فجري
ياكثر ماباحت لجل عينه سدود = اللي حمل اوزار حبه .. ووزري
ياطا على شوكه .. ويهديني ورود = والليا نشدته ؟؟ قال ؟؟ يفداك عمري
منصبه سيد للقوافي ومسيود = الليا كتبته بان .. شوف البختري
الحل .. يانايف معي؟؟ دوك موجود = مدام عذري معك في .. ( حب عذري )
الليا استضقت وصار خاطرك ملهود = عود على الشيخان .. خذ ماي مقري
:)
وسلامتكم
عيدكم مباركــ جميــعآ .. وتقبل الله طاعتكم ..
هنا صدى صوتي على قصيده الشاعر نايف المقاطي
وكيبورديه وارجو ان يسامحنا على القصور :)
يقول نايف ..
البال ضايق والفكر فيه مجهـود =يرسل من الغارات ونشل فكـري
ماهيب ياخالد قضى دين وعهـود =لادين لاسلفـه ولاشـي مشـري
وماهيب بالدعوه مشاعيب وفرود =ولاني قليل أفعال والناس تـدري
دعواي والسبه هوى لين العـود =ألي برى حالـي وخـلاه مبـري
مرباعه بفكري ومصيافه السـود =وليا تملل مجلسه وسط صـدري
ألـي عليـه أغـار وجـن واذود =وألي عليه العقل بالحيـل مفـري
وألي تميز بالحلا وصار مفـرود =وألي مقـط بيـوم نـزل بقـدري
وألي له الشريان ماهوب مسـدود =يسري بشرياني ومع الدم يجـري
السالفه ماهي تفاريـق وصـدود =لكن تغزل بالـذي حيـل مغـري
بالمهره ألي حطت بقلبـي أقيـود =أدخل على الله والمشابيك حـدري
الحب مثـل السـم ودواه مفقـود =راعيه مايمرح مع الناس بـدري
شفني وأنا ثلثين ليلي لي شهـود =وتشهدلي القمرى مع بيوت شعري
وهنا كان الرد .. مني
غنا الجريح وجاوبه برق ورعود =وبتلت الاوراق من فن حبري
لبت هواجيسي مصادير وورود = واصطفت القيفان والبث .. حصري
حييت يانايف عدد هبت النود = وعداد ماناحن من الورق قمري
لو التغزل .. عيب .. يامنبع الجود= ماكان ابن هذال غناه جهري
هيضتني بالوصف من زود في زود = فمّ الجديل اللي على المتن نثري
الحب مثل الملح .. والوصل .. بارود = الليا .. اختلط .. راع الهواء .. ليل يسري
وانا بعد قبلك من الحب مصيود = في ساحه العشاق ماقل شبري
مجمول .. ناعس طارفه .. مورد خدود = الزين نجدي .. والدلع فيه مصري
صفت رموشه كنها صفت جنود = رايات سلمً خالطة .. حرب فجري
ياكثر ماباحت لجل عينه سدود = اللي حمل اوزار حبه .. ووزري
ياطا على شوكه .. ويهديني ورود = والليا نشدته ؟؟ قال ؟؟ يفداك عمري
منصبه سيد للقوافي ومسيود = الليا كتبته بان .. شوف البختري
الحل .. يانايف معي؟؟ دوك موجود = مدام عذري معك في .. ( حب عذري )
الليا استضقت وصار خاطرك ملهود = عود على الشيخان .. خذ ماي مقري
:)
وسلامتكم