حبيب وخلف

[يوسف السيحاني]

محاورة جمعت خلف بن هذال وحبيب العازمي
29/12/1421هـ الــمــغـــتـــره

اعجبتني وجبتها لكم
.
.
حــبـــيـــب الــعـــازمـــي
.
.
ياخلف هذال جينالـك علـى الميعـادي
بعد قلت ان الوعد في حفلـة المغتـره
واسفرت والخيل قرّح والسيوف حدادي
سجّها من بطن نجد ليا القـرى والحـره
.
.
خــلـــف بـــــن هــــــذال
.
.
ياحبيب خاطـري لملاعبـك منقـادي
الليالي بيض وصدور العـرب مستـره
كان جوّك يالعتيبـي للمعانـي هـادي
مع طلوع الشمس حضّر صانعين الـذره
.
.
حــبـــيـــب الــعـــازمـــي
.
.
الليال البيض يزهاهـا قمرهـا البـادي
الخبير اللي مع الجـره يقـص الجـره
شغّل أبراج القناه وصك عنك الـرادي
لا تشـوّش بالقنـاه الموجـه المفتـرّه
.
.
خــلـــف بـــــن هــــــذال
.
.
كان سارًٍ لك ذهيب وفي طريقك غـادي
حضّر المرّي ويكفونـك عيـال المـره
لا تزيـد الملـح وتكـدّر عليّـه زادي
الحوائج ردّها واربـط عليهـا الصـره
.
.
حــبـــيـــب الــعـــازمـــي
.
.
الذهيبه فالجبـل والمشكلـه فالـوادي
ليت خير المرّي القصاص يكفي شـره
ياخلف ماضاع ريح المسك وسط الكادي
الغشيم اللي يذوق الكحـل قبـل يـذره
.
.
خــلـــف بـــــن هــــــذال
.
.
قبل صيّاد الفهـود الغافلـه ينصـادي
ينعثر في ساعة من شمسهـا محتـره
قالوا انك عام الاول حاضرٍ لـك نـادي
ياعساك الصبح ياحبيّـب تعيـد الكـره
.
.
حــبـــيـــب الــعـــازمـــي
.
.
البعير بعير جـدي والشـداد شـدادي
ماعليّ من الحسود اللي زمانـه غـرّه
كان كل اللي مضى فالمعركـه مافـادي
ياجماعتنـا عتيبـه جربـوا هالمـره
.
.
خــلـــف بـــــن هــــــذال
.
.
لا ترفّع ليّ خشيمـك ياصغيـر اولادي
غص بغبات البحر واجذب عليّ الـدره
تلحق النار الفتيل ليـا فهقـت زنـادي
ياغلا م امرح ومرّح في لسانـك مـره
.
.
حــبـــيـــب الــعـــازمـــي
.
.
اذكر الله ياخلف مانته بشخص عـادي
مـار قـل للعازمـي شاعـر ولله دره
كل عمرٍ له مصير وكل ثـوب ٍ بـادي
واخر الا يام يبقى الحضرمي والجـره
.
.
خــلـــف بـــــن هــــــذال
.
.
ليش اكبّر راس توّه في حياتـه بـادي
قدمه الدرب الطويـل وحملتـه مفتـره
.


منقووول