يوسف السيحاني
11-16-2007, 01:24 AM
يقال ان هذه المحاوره حدثت بين ضيدان بن قضعان وسلطان الهاجري في داخل السجن واحضرناها لكم هنا
ضـــــــــيــــــــــدان:
مرحبا في حلة دونها عشريـن بـاب
المـراوح فوقها..والهبـوب تفرهـا
الحرار اللي مواكيرها روس الهضاب
حولت في نقرة مـا تحمـل حرهـا
ســــــلــــــطـــــــان:
والبقا يـا صاحـب مـاوراه إلا العـذاب
والجريره حسبنـا الله علـى مـن جرهـا
صاحبي ضيدان غرب ولا أدري ويش جاب
يوم حصـل خيرهـا مـا كفانـي شرهـا
ضـــــــــيــــــــــدان:
مايبرك للحمـول الثقـال إلا الركـاب
احتمـل وجنـود الإسـلام لله درهـا
وإن سرى ثلثين ليلك ونجم الجدي غاب
سل عيوني ليش حلو الكرى ما مرهـا
ســــــلــــــطـــــــان:
الفخر والعز بين الثريـا والسحـاب
والمطر لو ما يضر الدير ما سرهـا
مير قل لي ويش فرق المشالح والثياب
إن سبحت ببحرها وإن مشيت ببرهـا
ضـــــــــيــــــــــدان:
فرقها فرق ازرق الما على وضح السراب
والسـراب يوهـق الضاميـه ويغـرهـا
والبلا من شعلة ما حسبت الهـا حسـاب
واحـد منـا قدحهـا والآخـر كـرهـا
ســــــلــــــطـــــــان:
مابقى في حوض الاجرب طعام ولا شراب
والجنوب من الجـرب كـل ليـل يعرهـا
لاتعاتبنـي عليهـا خـطـا والاصــواب
في ذرى روس ماطـار الهـوى باغترهـا
ضـــــــــيــــــــــدان:
كل أبينا لقمة بين ضرس وبيـن نـاب
مير يا سلطـان دك الركـاب وسرهـا
واضرب أم جلال بالهرش يامال الذهاب
لقحة أم جلال والا الجمل مـا ضرهـا
ســــــلــــــطـــــــان:
احسب انك فـارس ماتـذل ولا تهـاب
لين صرتك المقادير جـوف امصرهـا
يحمي الله شذرة السيف مصقول النصاب
أما عـدل ميلـة الـروس والا طرهـا
ضـــــــــيــــــــــدان:
لاتغيّر هقوتك في ولـد غانـم ذيـاب
لو تشوفه لابس جوخـة مـا زرهـا
وانت في دار ابن سفيان مطوي الكتاب
وكـل نفـس تاليتهـا علـى مقرهـا
ســــــلــــــطـــــــان:
رحلة الرحالة ماغير وقفـة وانقـلاب
مامسحها إلا يبي يصطبح مـن درهـا
من قرصه الداب حتى الحبل سمته داب
يامجرب حلـو الايـام جـرب مرهـا
كل التحيه لكم
ضـــــــــيــــــــــدان:
مرحبا في حلة دونها عشريـن بـاب
المـراوح فوقها..والهبـوب تفرهـا
الحرار اللي مواكيرها روس الهضاب
حولت في نقرة مـا تحمـل حرهـا
ســــــلــــــطـــــــان:
والبقا يـا صاحـب مـاوراه إلا العـذاب
والجريره حسبنـا الله علـى مـن جرهـا
صاحبي ضيدان غرب ولا أدري ويش جاب
يوم حصـل خيرهـا مـا كفانـي شرهـا
ضـــــــــيــــــــــدان:
مايبرك للحمـول الثقـال إلا الركـاب
احتمـل وجنـود الإسـلام لله درهـا
وإن سرى ثلثين ليلك ونجم الجدي غاب
سل عيوني ليش حلو الكرى ما مرهـا
ســــــلــــــطـــــــان:
الفخر والعز بين الثريـا والسحـاب
والمطر لو ما يضر الدير ما سرهـا
مير قل لي ويش فرق المشالح والثياب
إن سبحت ببحرها وإن مشيت ببرهـا
ضـــــــــيــــــــــدان:
فرقها فرق ازرق الما على وضح السراب
والسـراب يوهـق الضاميـه ويغـرهـا
والبلا من شعلة ما حسبت الهـا حسـاب
واحـد منـا قدحهـا والآخـر كـرهـا
ســــــلــــــطـــــــان:
مابقى في حوض الاجرب طعام ولا شراب
والجنوب من الجـرب كـل ليـل يعرهـا
لاتعاتبنـي عليهـا خـطـا والاصــواب
في ذرى روس ماطـار الهـوى باغترهـا
ضـــــــــيــــــــــدان:
كل أبينا لقمة بين ضرس وبيـن نـاب
مير يا سلطـان دك الركـاب وسرهـا
واضرب أم جلال بالهرش يامال الذهاب
لقحة أم جلال والا الجمل مـا ضرهـا
ســــــلــــــطـــــــان:
احسب انك فـارس ماتـذل ولا تهـاب
لين صرتك المقادير جـوف امصرهـا
يحمي الله شذرة السيف مصقول النصاب
أما عـدل ميلـة الـروس والا طرهـا
ضـــــــــيــــــــــدان:
لاتغيّر هقوتك في ولـد غانـم ذيـاب
لو تشوفه لابس جوخـة مـا زرهـا
وانت في دار ابن سفيان مطوي الكتاب
وكـل نفـس تاليتهـا علـى مقرهـا
ســــــلــــــطـــــــان:
رحلة الرحالة ماغير وقفـة وانقـلاب
مامسحها إلا يبي يصطبح مـن درهـا
من قرصه الداب حتى الحبل سمته داب
يامجرب حلـو الايـام جـرب مرهـا
كل التحيه لكم