الــــــــمــسعـــــودي و الـــــــجـبـرتـــــــي

[يوسف السيحاني]

الجبرتي
يا سـلام الله بقـاف تولـع منـه نـار
واستمع في جابتي يا ولـد وافطـن لهـا
أنت ثوبك فيـه بنزيـن والبنزيـن ثـار
والمطافي تطفي النـار لـو ترسـل لهـا
المسعودي
مرحبا يا الشاعر اللـي يقررهـا قـرار
والمكاسـب فـي جيـوبـه ومتحثلـهـا
لو عيونك شوفها زيـن وتحـق العيـار
كـان مـا دورت مـن للطريـق يدلهـا
الجبرتي
عز حال اللي يبي منـك فكـره وافتكـار
ضاعت أفكارك وضاعت علومـك كلهـا
وأنت سنـك وشكلـك وشغلاتـك كبـار
شي تحايلها وشـي مـا قـدرت تحلهـا
المسعودي
يا الجبرتـي لا تغبـر ويعميـك الغبـار
لا يقع روحك تحسب الغبار أحسـن لهـا
وأنت شايب وأبيض الشيب لأصحابه وقار
وأن دعيت أليا كرامه سريع أعجـل لهـا
الجبرتي
الكرامـة للرياجيـل فـي كـل الديـار
والرجـال الطيبيـن الكـرم يحفـل لهـا
حط لـي وقعـك بيمنـاك وألا باليسـار
والدوادي يا ابـن مستـور عنـي خلهـا
المسعودي
بعض هرج الليل زبـده يميعهـا النهـار
شجرتك اللـي ظليلـه تشـح بظـل لهـا
البخيـل الله يعافيـك بيتـه بيـت فـار
من هنـا يحفـر مـن هنـا يدفـن لهـا