الشاعرشباب بن فايح القوبع الجعيداني العضياني

[العتيبي]

قصيدة الشاعر شباب بن فايح القوبع الجعيداني العضياني عندما سمعت احد الاشخاص يسب السيف عمهوج في احد الصحف
الأولـــــه طــالـــبٍ ًربـــــي ومـخــتــاره=عـن جملـة النـاس حاضرهـا وغايبـهـا

مــن يستغـيـب المقّـفـي يحـمـل أوزاره= وخــــلاق الأوراح لابــــده مـحـاسـبـهـا

هاضت هجوس الضمير وكثرت أفكاره= وبـعـض المعـانـي كثيـراتـن عجايـبـهـا

سمعـتـلـي كـلـمـتـن بـالـكــذب غــــداره= مجهولـتـن مــا تبـيـن وجــه صاحـبـهـا

والـنـذل دايــم يــواذ الـنـاس بـاشــراره= يـقـفــي بـوجـهــه وشـيـنـاتـه يـعـقـبـهـا

لاكـن بـحـث الحقـايـق يطـلـع أســراره= يعطـيـك صــوره لـيـا دقـقــت حاسـبـهـا

يا اللي تحـدث بسيـف الضيـط واخبـاره= وتكتب على الصحـف كلماتـن تعذربهـا

كـلـمـتـك هــزلــه ومـقـفـيـه وبـــــواره= من ويـن يـا الـراوي المجهـول جيتبهـا

حلـمـتـلـك حــلــم والاحــــلام غــــراره= منـتـب عـلـى مسـتـوى دعــواًً بديتبـهـا

عمهوج سلعة شرف ما هـوب معيـاره= سـلـعــة رجــــالاًً مفـتـلـتـن شـواربـهــا

كــلٍ عــرف فاللـقـاء فـعـلـه ومـقــداره= وكــم كـربـتـن طـبـتـه فـكــت نشايـبـهـا

ليـا جـا نهـاراً تغـيـب الشـمـس بغـبـاره= وفــيــه الـمـنـايـا مـمــدتــن مـخـالـبـهـا

لـه سطوتـن فـي نهـار الضيـق جـبـاره= بــا أيـمـان قــومً عطيبـاتـن مضـاربـهـا

قـــومً لــيــا طــبــو الـمـيــدان جــــزاره= وعـنـد المـلـمـات تـثـنـي دون واجـبـهـا

عــــز القـبـيـلـه ولـلــعــداون قــهـــاره =فــي قـمــة الـمـجـد عـالـيـةً مناصـبـهـا

عمهوج فا الترك قام النصر بااشعـاره=قـدامــه الــتــرك مــــا زولاً يـحـاربـهـا

تسعيـن جثـه بسيـف الضيـط وانصـاره= وينقح بـه الـروس مـن عالـي مناكبهـا

ليـن أدبـر الجمـع والميـت سـكـن داره= والسيف باالعنف يقضـع فـي غواربهـا

هذا جـزاء اللـي مـع الاصحـاب بـواره= بـواقــة الـعـهـد يـــوم ابـلـيـس ذبـذبـهـا

ونهـار الانصـر شـهـد للفـعـل حـضـاره= يـــــومً تـعـلـمـبــه الأيــــــام غـايـبــهــا

مالـو بعمـهـوج فــا المـيـدان وايـطـاره= ليـن السرايـا شطـيـر السـيـف وادبـهـا

وبرغـش ذكـر لـه بيوتـن فيـه مخـتـاره= في فعل عمهـوج بـا اللـي صـار رتبهـا

وعلـى ابرقيـه نـهـاراً شـاعـت اذكــاره= روس الموالـيـد مــن هـولــه يشيـبـهـا

نمـرن تـشـادي لجـيـش الــروم كــراره= فيهـا الطنايـا طـبـول الـحـرب تضربـهـا

قـدامـهــا يــرســل الــزيــزوم ســبــاره= يـبــا المـعـاشـيـر والـخـلــف يتحـلـبـهـا

وقال العـرب قدمكـم والبـل كمـا القـاره= والخـيـل مــن دونـهـا الفـرسـان تدبـهـا

ومالـو علـى البـل وكـلً يـرفـع شـعـاره= واشـتـدة المـعـركـة والـطـيـر حامـبـهـا

وقـف صنيتـان دون الـشـول وصـغـاره= خيـال صـفـراً عـلـى الفـرسـان يوثبـهـا

يمـصـقـلً يـــوم يـلـمـع كـــن غـيـمــاره= غـيـمـار نـجــمٍ تـحــدر مـــن كواكـبـهـا

كـم فـارسً مـن يـده ذيـب الخـلـى زاره= مـــن دون مزيـونـتـن تـلـفـح جنايـبـهـا

عـفـراً لـيـا روحــة فــي الــذود نــواره= تكـسـر لـحــس الـمــوده يـــوم ينـدبـهـا

تـرعــى قـــراراً تـعـاقـب فـيــه نـــواره = فـي ظـل شيـخً سهـاف الـقـود يطربـهـا

شيـخ ليـا طــق زيــر الـحـرب وانــذاره= يــروي العبابـيـس والـرايـات ينصـبـهـا

ويـد حـم بربـعً عـلـى الــردات جـسـاره= فـي حومـة المعـركـة تــروي مغالبـهـا

والحـرمـلـيـه بــيــومً تـشـتـعــل نـــــاره= يــومً عـبـوس قـلـوب الـنـاس يرعبـهـا

يـوم الجمـل قـد مــوه مــع أول الـغـاره= فــوقــه هـنـوفــن مـكــدتــن ذوايـبــهــا

صاحت وناحت وقالـت مـن تـرك عـاره= علـيـهـم الــلــوم وأولا بــــه قـرايـبـهـا

بـنــت الربـاعـيـن لـلـعـشـاق ســحــاره= كـــــلً يــبـــا ردهـــــا لــكـــن هـايـبـهــا

مــن سربـتـن دونـهـا للـجـمـع ذعـــاره= وابـــن مـضـيــان قـايـدهــا ومـذربـهــا

صاحـت لمـارق كمـنـه تـعـرف أذكــاره= كمـن الـه عادتـن فــا الطـيـب يكسبـهـا

وجاها كما اللي شهر من كـف صقـاره= حراً ليـا هـوى عـروق القلـوب يجذبهـا

هـلـل وكـبـر وقـــام الـنـصـره بـخـيـاره= كـم سـابـقً مــن يميـنـه طــاح راكبـهـا

وابــن مضـيـان طــاح ولا اخــذو ثــاره= يمـنـاه فـــي ذروة الـهــادوج يسحـبـهـا

وارتــد بـنـت الأمـيـر وقــرت اســـراره= كـيــداً لــلأعــداء وتـقـديــراً لشـايـبـهـا

قـولاً لـك الله صحـيـح وتشـهـد انــواره= مـواقـفــاً قــدمــي الـتــاريــخ كـاتـبـهــا

علمـاً يسـودك بـغـاو الـرجـل مسـمـاره= مــن حــره الكـبـد مـــا تـبــرد لهايـبـهـا

وان كـان كبـدك مـن التـاريـخ مغـتـاره= اصـبـر عـلـى غيظـهـا حـتـى تموتـبـهـا

وعمهوج مـازال باقـي فـي يـد أحـراره= دونـــه صــقــوراً مـحـقـقـتً مطـالـبـهـا

كــل أبـلـج مــن زنــوده يقتـبـس نـــاره= لـلـجـود والـمـجـد تـجـذبـهـا منـاسـبـهـا

واليـوم فـي عـز ابـو بنـدر وفـي كــاره= مـــازال راســـه تـذعـذعـلـه هبـايـبـهـا

شـيــخً يـــذّري ذراه ويـضـفـي سـتــاره= عـلــى القبـيـلـة لـيــا هــبــت لهـايـبـهـا

راسـه وساسـه لنـا فـا المـجـد تـذكـاره= وعـسـى لـيـال السـعـد دايــم يعيشـبـهـا

لاشــك وقــت التـحـدي زلــت اخـطــاره= فـي ظـل مــن رايــة التوحـيـد ساربـهـا

وحّــد ربــوع الـبـلاد وحـطـم اشـــراره= حـتــى عـلــى سـنــة المـخـتـار رتـبـهـا

وخلـى المـواطـن يـنـام ويأمـنـه جــاره= ومشـايـة الـطـرق مــا تنـقـل مزاهبـهـا

واصـبـح بلـدنـا مـرافـق خـيـر وتـجـاره= وعـمـت مشـاريـع خـيـراتـه مراحـبـهـا

والختـم صلـوا علـى المختـار وابـراره=عـــداد مـــن زاور الكـعـبـه وطـافـبـهـا

[محمد المقاطي]

العتيبي

لاهنت علي نقل القصيده
وصح لسان الشاعر شباب العضياني

ولك ارق تحيه وتقدير

[نسيم الشرقية]

صح لساان قايلها

الله يعطيك العافيه ..

[المحياني]

صح لسان شاعر شباب بن فايح

ويعطيك العافيه اخوي العتيبي وما قصرت

[((الـروقـي))]

صح لسان الشاعر شباب العضياني

وعزالله انه رد قصيده تشفي الضمير فاللي يسب او يغتاب

وهو متخفى

لاهنت يالعتيبي على النقل وبيض الله وجهك

[شيخ الشباب]

http://www.21za.com/pic/thankyou004_files/24.gif

[عاصم العتيبي]

الله يعطيك العافيه وصح لسان قايلها

[الزيادي]

الله يعطيك العافيه اخوي العتيبي

على الموضوع الرائع

اخوك الزيــــــادي