أغلب ماقيل في الملتقي [الأرشيف] - قبيلة عتيبه منتديات قبيله عتيبة في الكويت

محمد المقاطي

10-21-2007, 08:11 PM

السلام عليكم ورحمة الله وبركاته

من هنا ننقل لكم القصائد اللتي قيلت في ملتقي عتيبة لمزايين الأبل

الشاعر : حبيب العازمي

في ملتقى الهيـلا ثقافـه وتاريـخ=ومجدا" يترجم حاضره فعل ماضيه
برعاية الله ثـم برعايـة الشيـخ=مشعل عسا ربي يعـزه ويحييـه
وبوجودكم ياهل الوفا ياالمطانيـخ=الحفل كامـل واكتمالـه براعيـه

محمد المقاطي

10-21-2007, 08:13 PM

الشاعر : عبدالعزيز طلق الخراص

يأهل المزاين لايجي فيه تبذيـر=ترا الوسط مطلوب في كل حالي
خوفوا من الله ياالرجال المناعير=من نعمتن ترما بسوط الزبالـي
وخل الصفوف موحده يامشاهير=مانقبل اللي صارفيه أنعزالـي
منهاج للسلفان فوق المضاهيـر=هيلآ تهايـل دايمـن للجزالـي

محمد المقاطي

10-21-2007, 08:15 PM

الشاعر : عبدالله بن قشعان الحنتوشي

ياميرنا المحبوب يابن الكنق ياواف الخصال=اعتيبه الهيلا تزف الشكر وتاقـف بحتـرام
تبرعك ياسيدي فيـه التلاحـم والوصـال=وفيه التواضع من ولاة الامر وفعول الكرام
تسلم يمين ابوفهد في وقت مـدات الجـزال=ويسلم ابوهذال في طيبـه ونبلغـه السـلام

محمد المقاطي

10-21-2007, 08:17 PM

الشاعر : تركي بن نايف بن عياد الدلبحي

يامرحبا بالضيف في شهر شـوال=باسمي وباسم اهل الفعـول النبيلـه
بالملتقى اللي يجمع اعمام واخـوال=ذيابـه تشفـي الكبـود العليـلـه
الضيف لامن جا صرنا له ظـلال=ماهمنـا صعبـه ولا مستحيـلـه
وكلمه نعم في كل الاحوال تنقـال=لاهل المراجـل كاسبيـن الجميلـه
رجال لامنـك تعزويـت برجـال=قامـوا يشيلـون الحمـول الثقيلـه
متوارثين الابل في كـل الاجيـال=وحامينها بحدب السيوف الصقيلـه
والطيب في العتبان مضرب للامثال=مضرب مثل في كل يـوم وليلـه

محمد المقاطي

10-21-2007, 08:18 PM

الشاعر : تركي بن ماطر العتيبي

يالله بنو(ن) جالـه بـروق ورعـود=تنشي مـن القبلـه مقـادم مخيلـه
يسقي الوطن ويخص منصا هل الذود=إلا تلاقـابـه رجــال القبيـلـه
عتيبه الهيـلا حجـا كـل مضهـود=أهـل الفعـول النايفـات المهيلـه
منول وهالحيـن حنـا هـل الجـود=وأهل الكرم وأهل البيوت الظليلـه
ويالله عسى من زود في زود في زود=بظل الملوك أهل السيوف الصقيلـه
حكامنا إلي للوطـن درع وعضـود=آل السعود أهل الخصـال الجزيلـه

محمد المقاطي

10-21-2007, 08:20 PM

الشاعر : سلطان نايف الحويقل

ياعتيبه يامرويـت القنـاء نسـل الحـرار=ياحمول الخيل عوق الخصم بالسيف الصقيل
وقتنا الحاضر لنا فالمملكه جاهـن و كـار=مدرقنـا عـن دروب الطـالـه وفـعـل
واصلو يوم التحدي وشعمـو للعـز نـار=ورزو البيـرق وانـا سلطـان فـي راس

محمد المقاطي

10-21-2007, 08:22 PM

الشاعر : فهد قعدان العضياني

ياعتيبه مابقى غير المزاين وبشروبـه=مجدكم كامل وبعد العيد مجـد مكـملله
والله انى لابغانا شي مانلقـى صعوبـه=والعتيبي فالمواقف واللقى يحمى محلـه
والبل الها عز وعتيبه على الهامه رقوبه=والطريق العزه البل ربعي الهيلا تدلـه

محمد المقاطي

10-21-2007, 08:24 PM

الشاعر : عبدالرحمن صالح الغبيوي

من ماضي الوقت وعتيبه لها هيبه=ربعي هل العز لطامه و ذباحـه
واليوم اشوف المزاين تم ترتيبـه=امزاين اعتيبه اللي عمت افراحه
امزاين البل في نجـد وتراحيبـه=شي(ن)يخلي نفوس الناس مرتاحه

محمد المقاطي

10-21-2007, 08:26 PM

الشاعر : دخيل الله بن فارع بن خلف العضياني

ملتقى ربعي عتيبة لا قضا شهر الصيامي=في شهرشوال بالتحديد فـي دف النفـودي
عاشت الهيلا عتيبة عزوتي يوم الزحامي=فعلهم في ماضي الأيام مايبغـا شهـودي
ولجنة التحكيم والإشراف مافيها كلامـي=وكل من يدعم نجاح الحفل في دفع النقودي
يستحق الشكر من يتعب على هاك الخيامي=ملتقى كل القبيلـة ياعريبيـن الجـدودي
حطم الرقم القياسـي يارفيعيـن المقامـي=وفي ختام القول صلوا عد زلزال الرعودي

محمد المقاطي

10-21-2007, 08:27 PM

الشاعر : نايف عايض متعب العضياني

بسم القبيلـه مرحبـا بالمساييـر=اللي لفونا مـن بعيـد الديـارى
اللي يحطون الشحـم للخطاطيـر=ودلال رسلان (ن) زهاها البهارى
فاليسر والا في ليـال المعاسيـر=فلازمـه ماحسبـو للخـسـارى
عتيبه الهيلأ تـرى فعلهـم غيـر=نون ليـا خيـل يطـم الزبـارى

محمد المقاطي

10-21-2007, 08:29 PM

الشاعر : ضيف الله بن ماطرالثبيتي

من الحجازانشت صدوق المخايل=رخم السحاب اللي مزونه مزابير
يقدونه اللي يحتمـون الدبايـل=كل ابلج يونس براس صعاطير
امطربنجدوجـا لسيلـه فعايـل=وحلوبنجداهل السلف والمظاهير
عتيبـه الهيلاتسـوي الهوايـل=ومن دون نجديهدمون الطوابيـر

محمد المقاطي

10-21-2007, 08:33 PM

الشاعر : سعود خليل الغبيوي

في مزاين الهيلا هـلا بالنشامـا=يامرحبـا بضيوفنـا والمعازيـب
من الساحل الشرقي اليا اقصا تهاما=في مزاين عتيبه على العز والطيب
اهـلا هـلا بالغانميـن الكرامـا=عند الرجال مكمليـن المواجيـب
اللي رقوا بالمجد فـوق السنامـا=مجد(ن) شمخ في عاليات المراقيب

محمد المقاطي

10-21-2007, 08:35 PM

الشاعر : سعد سبعان العصيمي

في ظل عبدالله وفي ظل سلطان=ندعي القبايل في مزاين عتيبـه
قبيلـه فاالمجتمـع شانهاشـان=يوم الليال الماضيات العصيبه
وختامها صلو على نسل عدنان=رسو لنا اللـى كلنـا نقتديبـه

محمد المقاطي

10-21-2007, 08:36 PM

الشاعر : محيسن ابوحاجون الحافي

ياالله ياالمعبودياوالى الاقـدار=يامعتلى بالكون مافيه غيـره
ياعالم الدنيـا خفاسروجهـار=ياموزع الارزاق في كل ديره
والحمد الله يوم زالن الاخطار=بحكم السعود ولم شمل الجزيره

محمد المقاطي

10-21-2007, 11:25 PM

الشاعر : سلمان حشر العميدي

أول سنه فيها هلاليـن بهـلال=ترقبوها عقب شهر رمضانـي
هلال عيد الفطر بهلال شـوال=وهلال للهيلا طـوال اليمانـي
فيه اجتماع وملتقى رجال برجال=من كل قطر وكل فج ومكانـي
شي مهيل ومنه الأنظار تهتـال=في ملتقى الهيلا للابل الزيانـي
أكبر حدث يبقى على مر الأجيال=ماصار مثله من قديم الزمانـي

محمد المقاطي

10-21-2007, 11:41 PM

الشاعر : ضبيان وصل الله العازمي العتيبي

ولا ياعتيبه مرويت كـل مسنـون=عسى في تجمعكـم تتـم السعـاده
نبى كلمت التوحيد والرزق مضمون=عسى الله يوفقكـم لنطـق الشهـاده
يامزين شراع العزمثبت ومصيـون=محشم عن المنقـود وأهـل النقـاده
نباها فرح وسرور والخاسرالمغبون=على جمعت الهيلا وكبـده رمـاده
عسى الله يعزملوكنا والصعاب تهون=وندعي لهم حتـى بـدور العبـاده

محمد المقاطي

10-21-2007, 11:42 PM

الشاعر : سعد بن سعيد الحافي

كريـم يابرقاجذبنـي نفيـضـه=علـي نفودالسرجالـه نفيـظـي
نهار غبـه كـل واد وفيضـه=من رحمة الباري تفيض وتغيظي
رسولناحط الخطوط العريضـه=للمنهج اللي من مشابه حظيظـي
ممشاعلي السنه وحفظ الفريضـه=والنادم اللي سارعلـي النقيظـي
والبذخ والاسراف سنه بغيضـه=مايفتخربه كود رجل مريضـي

محمد المقاطي

10-21-2007, 11:44 PM

الشاعر : عبدالرحمن مرزوق رجا الشيباني

بعد عيد رمضان وقبل عيد الضحية=ملتقامزاين العتبان جنب النفـودي
نضموه الرجال اهل الفخر والحمية=عزوت فالملاقاشرعين الحسـودي
ونشكر الله ونشكر عزوت الفيصليه=حاكمين البلاد ومحتمين الحـدودي

محمد المقاطي

10-21-2007, 11:47 PM

الشاعر : محمد أبوعبيه المقاطي

لاخير فالشعـار لاخيـر لاخيـر=اليا بخلوا فالموقف بنظم الاشعـار
واليوم ميقاف الرجـال المناعيـر=اللي سموا بالطيب والعـز والكـار
ربعي عتيبه محتميـن المعاشيـر=يوم العرب يسعون لأخف الأضرار
أرسى من الجولان وطويق والنيـر=وأبين من سهيل اليماني للأنظـار
ستر العذارى ناقضـات الدعاثيـر=وعون الذي دمعه كما وبل الأمطار

محمد المقاطي

10-21-2007, 11:55 PM

الشاعر : عبدالله بن ناصر العرم الشيباني

يا مرحبا بـزيان ربـعـي عتـيـبة =أهل الوفا وأهل الكرم وأهل الجود
ربعي لهم بالمجد قـيمة وهـيبة = بـرقا وروق مـزبـنـة كـل مـضـهــود
تاريخـنـا مافيه شـك(ن)وريـبة = كله بياض ولاعلى أهل الوفاء زود
ويالله فالك دعـوتن مستجـيـبة = ياحـي يـاقـيـوم يــاخــــيــر مـعــبــود
أنك تزيد الشمل سمعة وطيبة = وأنـك تـعـديـنـا خـطــر كـل حـاســـود

محمد المقاطي

10-22-2007, 12:28 PM

الشاعر : سلطان أباالكحل العتيبي

ياهاجسي والله تو خاطـري زان=خط القصيد وعطني اللي تسويـه
في مزاين الهيلا نبانظم لـلأوزان=شعر مرتـب صافيـات معانيـه
والمدح في عتيبه يجي دوم عطشان=لانه لقى اللـي يستحقـه ويعنيـه
والنعم في كل القبايـل بالأركـان=ويحفظ لنا القايد عسى الله يحميـه

محمد المقاطي

10-22-2007, 12:29 PM

الشاعر : عبدالله بن زبن العضياني

حفل المزاين ياعرب طير النـوم=وعيني على شوفه تزايـد لهفهـا
في محفل(ن)مثل القمر حوله نجوم=نوره سطع وكل من شاف يفهـا
تبا تحطم كـل تاريـخ ورقـوم=العزوه اللي من جهلهـا عرفهـا
والله يديم الأمن والشعب محكـوم=في ظـل حكام(ن)يظلـل كنفهـا

محمد المقاطي

10-22-2007, 12:31 PM

الشاعر : فهيد بن غازي النخيش

لا حل عيد الفطر نفـرح بثنتيـن=متواليـات الله يديـم الفـرح دوم
الأولـه بالفطـر يافالنـا الزيـن=يفرحبها المسلم بعد يكمل الصـوم
والثانيه يوم اثنعش لين عشريـن=في ملتقى الهيلا مواريث وعلـوم
فن وثقافه مـن جميـع المياديـن=فيها برامج دين وأعراف واسلوم
وإليا بغيت الشعر تلقـى دواويـن=حنا ملوك الشعر بالأمس واليـوم
وإن راح شفك يم ذود(ن) مزايين=بالشوف لك من كل الألوان مقسوم

محمد المقاطي

10-22-2007, 12:32 PM

الشاعر : بدر حصيب المرشدي

في ظل حكامنـا بعـد الله البـاري=اهل الفضل بعد ربي فـي تضامنـا
ربعي لهم وقفة(ن)ياحي هالطـاري=ودليـل وقفاتهـم شوفـو مزاينـا
ليا جاء المزاين نسوق الذود ونماري=واللـي يبينـا نفـود السرموطنـا
فيها المزاين يقـام وربـي الـذاري=وبين القبايل عسى المولـى يجملنـا
وقت المزاين نهاية شهرنا الجـاري=والعلم عند الشيـوخ اللـي تمثلنـا

محمد المقاطي

10-22-2007, 12:34 PM

الشاعر : نايف ابن نماس السميري

عسى الله يديم الامن ويعز اخو نور=هو يالله تعز اللابه اللي لهـا هيبـه
عتيبه لها تاريخ محفوض بسطور=هوحنـا يشرفنـا ونقـدر نماريبـه
تحت رايت خظرا وبالحق منشور=هنحارب هل التضليل والغدر والريبه
وذا ملتقا الهيلا وبالصوت والصور=هنبا من صفاته كل رجـال يدريبـه

محمد المقاطي

10-22-2007, 12:36 PM

الشاعر : فيحان بن فياح بن هاجد العضياني

هات القلم ياصاحبي برفـع أبيـات=أبيات من بيـن البيـوت الجزايـل
لعتيبة الهيلا في روس الطويـلات=أسم شهـر بالطيـب بيـن القبايـل
أهل السخا والطيب مجد وبطـولات=وأهل الفخر والصيت وأهل الأصايل
يشهد لها التاريخ من ماضين فـات=بوضح النقى المجرود ثبت ودلايـل
تكفون يالهيلا رجـال الصعيبـات=نبغى مزاينا مـن أولـى الأوايـل
نبيه يدون في الصحف والسجـلات=يتبع سوابق مجدنا طيـب الفعايـل

محمد المقاطي

10-22-2007, 12:37 PM

الشاعر : نايف عايض متعب العضياني

بسـم القبيلـه مرحبـا بالمساييـر=اللي لفونا مـن بعيـد الديـارى
يمرحبا عنـد الرجـال المشاهيـر=ودلال رسلان (ن) زهاها البهارى
فاليسر والا فـي ليـال المعاسيـر=فاللازمـه ماحسبـو للخسـارى
عتيبه الهيـلا تـرى فعلهـم غيـر=نو ليـا خيـل يطـم الزبـارى

محمد المقاطي

10-22-2007, 12:39 PM

الشاعر : سهل بندر حياد المقاطي

في ملتقى الهيلا أهل العز والجود=زان الحديث وزان بدع القصايد
ربعي عتيبة طيبها مالة حـدود=اهل السلـوم الطيبـه والعوايـد
الطيب ورث وارثينه من جـدود=ماهو حديث فالسنيـن الجدايـد

محمد المقاطي

10-22-2007, 12:40 PM

الشاعر : صايل نايف ابن نزهان الحبردي

في ملتقى الهيلابني عـم وأخـوان=الـــرآي واحدوالنواياسلـيـمـه
تلاحم(ن)معروف من ماض الازمان=وقــت الشدايدباالسنينالقـديـمـه
واليوم في حكم ابومتعب وسلطـان=اللي لهـم باالقلـب منـزل وقيمـه
يالله عسى معزي بجنـة وغفـران=والأمـن ياربـي علينـا تديـمـه

محمد المقاطي

10-22-2007, 12:43 PM

الشاعر : ثامر التويجر العتيبي

عسى السحاب اللي تكاشف بروقه=تسقي امزونه دار ربعي اعتيبه
هيلا على العليا تهايـل شفوقـه=لهم معـزه واحتـرام ن وهيبـه
مافيه فرقا بيـن برقـا وروقـه=واللي يفرق شملنـا وش نبيبـه
وكل السعودي ماتضيع حقوقـه=الحكم عـادل والملـك نقتديبـه

محمد المقاطي

10-22-2007, 12:44 PM

الشاعر : سعد بن عديس العازمي

عتيبةياعتيبةلايجـي فيكـم حسـد وشـكـوك=تـرا الشكةتجـي فضعيفيـن النـاع والذمـة
عليكم باالتكاتـف والتضامـن والحسدمتـروك=خــوان بخدمـةالاسـلام والتوحيدملـتـمـة
سلايل شايب(ن)يا طا على راس الحفاء والشوك=تربع فـي قرارةنجـد وهوةعاصـب العمـة
وبعدها ياعسى مبروك ياالهيلا عسى مبـروك=مزاينكم نجح وبشايت الله صـار فـي القمـة

محمد المقاطي

10-22-2007, 12:47 PM

الشاعر : ناصر فيحان ناصر الشغار

طاب القصيد وطاب بدع المثايل=واغلى القصيد بذكر ربي بديناه
من دون نقصا في جميع القبايل=ابا امدح الهيلا ولابـه مـراواه
حنا عتيبـه كاسبيـن الاوايـل=بالطيب وفعول الرجال المسمـاه
مانجني الا معربـات السلايـل=فخرا لنا من الجد الاول ورثنـاه
امجادنا تجـاوزت كـل طايـل=يومنهـا كـل بسيفـه وشلفـاه
واليوم نفخـر ولفخرنـا دلايـل=والدار امان وفضل ربي شكرناه
في ظل ابو متعب غدا الشر زايل=كلا يعدد فضل ربـي وحسنـاه
وحنا عتيبـه كاسبيـن الاوايـل=وهذا مزاينا على العـز اقمنـاه

محمد المقاطي

10-22-2007, 12:48 PM

الشاعر : عبدالله محمد نافل الفرم المقاطي

جعل السحاب اللي ترفـى رفايـاه=نوء(ن) من المنشاء سديد(ن) مخيله
يبل كبد الارض لانقاد مـن مـاه=على ديار اهـل الفعـول النبيلـه
على نفود السر من وبلـه اسقـاه=الديـرة اللـي جوهـا ينعنيـلـه
محفـل عتيبـة والقبايـل مسمـاه=هيلا تهايل فـي المحافـل مهيلـه
في ملتقى(ن) يجمع زحول(ن) تمناه=لاجل التكاتف في شبـاب القبيلـه

محمد المقاطي

10-22-2007, 01:28 PM

الشاعر : نايف بن جزاء بن حشيفان المقاطي

تكفون يابرقـا وتكفـون يـاروق=فينـا القبايـل لايشوفـون فرقـا
نبي نجي للحب والقدر من فـوق=ونحرق قلوب(ن)تعشق الشين حرقا
خلـو نتايـج حفلنـا كلهـا ذوق=يزود فـي عـز القبيلـه ويرقـا
تكفون يالهيلا تـرا مالنـا سـوق=لولا تلاحم روق في صف برقـا

محمد المقاطي

10-22-2007, 01:30 PM

الشاعر : نادر بن محماس بن شميسان

تحت الولا للحكم وبشرع الاسلام=النا مـع الايـام سيـره عظيمـه
تعطرت منهـا حديثـات الايـام=وصفحات تاريخ الليـال القديمـه
تكل ماأوفتها الايـادي والاقـلام=مااوفت حقوق أهل النفوس الكريمه
لوانها تحكـي ذعاذيـع الانسـام=عدت بطـولات عظـام جسيمـه
عاداتنا بالطيب تحطيـم الارقـام=عتبان عنـا ماأعلنـوا بالهزيمـه

محمد المقاطي

10-22-2007, 01:31 PM

الشاعر : حياد عبدالله العصيمي

بين السمأ والارض ماذا تعبـدون=ياعابدين الفاتيكان اهل الضـلال
بين السمأ والارض نحن المسلمون=مافيه غيـر الله معبـودآ محـال
بين السمأ والارض قومآ ينتمـون=لعتيبه الهيـلا صناديـد الرجـال
فالجاهليـه يبطشـون ويغنمـون=ويعلمون اولادهـم فـن القتـال
رجالهم لاسمـع قومـه ينتخـون=تقول من زود الطنا صابه هبـال
واليوم نحن الحامدون الشاكـرون=رب البريـه ذالكـرام وذالجـلال
امن اورخا والكـل لله مسلمـون=والله يجمل حالنا في كـل حـال
اشكر شغاميم العيـال القائمـون=على نجاح الحفل ذربيـن الفعـال
في خدمة الهيلا عتيبه تحسـدون=ياسعد من معكم يحصل له مجـال

محمد المقاطي

10-22-2007, 01:33 PM

الشاعر : يوسف بن مسعود الغبيوي

حياكم الله عد ماتركـض الخيـل=وإعداد بـراق يلـوح بمزونـه
على الشحم والبن وبهاره الهيـل=والعود الازرق عندنا تاجدونـه
في ملتقى الهيلا ونعم الرياجيـل=العزوه اللي ضيفهـم يكرمونـه
لطامة العايـل وذباحـة الحيـل=هذا لقب كل العـرب يعرفونـه
من غير نقصن بالرجال المشاكيل=كل القبايـل سلمهـم يحتمونـه

محمد المقاطي

10-22-2007, 01:35 PM

الشاعر : حزام العصيمي

باقي مع العشر عشر ويبتد المهرجـان=للعزوه اللي تشـوق العيـن وقفاتهـا
هيلآ تهول وتهايل من مكـان لمكـان=يهتال عقـل البنـادم مـن بطولاتهـا
ترى المهابه ماتمحاها ضروف الزمان=وأكيد برقا وروق أعظـم علاماتهـا
اليوم علم المعـزه ظامنينـه ظمـان=والعام مثل المـزون الدهـم دقلاتهـا

محمد المقاطي

10-22-2007, 01:37 PM

الشاعر : عايض عبيد المقاطي

بارك الله فيـك ياملتقـى الهيـلا=عقب خامس يوم من شهر شوالي
لابتن فـي سلمهـا تذبـح الحيـلا=تكرم الضيفـان وتزبـن الجالـي
ربعي عتيبه هل الجيـش والخيـلا=مستواهم عالي وحضهم عالـي

محمد المقاطي

10-22-2007, 01:39 PM

الشاعر : تركي بن هاجد بن كايد العضياني

اليوم في ضل الملك أمـن وآمـان=كـل القبايـل والوطـن تابعـلـه
آل السعود مطوعة كـل شيطـان=‏ ‏ اللي لهم خيـر الوطـن شاهدلـه
ويشهد لهم تاريخ في ماض الأزمان= ‏ والخير وافر وضافن الشعب كله
ولعتيبه الهيـلا تهيضـت بالحـان=لـذود ولجـل الـذود حنافـدلـه
ليا جانهـارن فيـه عـج ودخـان=يومن على الموت الحمر وارد إلـه

محمد المقاطي

10-22-2007, 06:08 PM

الشاعر : وليد بن فايح بن مسعد الدلبحي

الاوله حق بيعـة مـن يخـاف الله=الحاكم الي لشعبه ريف وضلالـي
الحاكم الي على اسمه صدق عبـدالله=الريف الحازم المتواضـع العالـي
وسلطان سلطان راعي سلم وجبلـه=وجه السعد جود كفه مالهـا تالـي
من طيب راسه لو (الناسداك) ملك له=في ذمتي من كرمه يصيبه اخلالي
واثني على عيدناالي زان فـي حلـه=امزايـن اعتيبـه الهيـلا بشوالـي
امزاين،، ماسبق حفل مثيـل،، لـه=روقه وبرقا وجمع،،منـه تهتالـي
على الكرم يامسيـر حيـل،، ودلـه=وريح ازرق العود جايله تجوالـي

محمد المقاطي

10-22-2007, 06:12 PM

الشاعر : بندر سعود الرقيق العضياني العتيبي

اعتابه الهيلا علا نجمهـا فـوق=نور. تشوفه في سماها الجزيره..
اصفوفنا وحده ولافيـه مفـروق=نظراتنا قدام ماجـت قصيـره..
واسلومنا تفرق عن الناس وتفوق=والناس كلن فيه طيبه وخيـره..
تعطا القبايل حق وحنا لنا احقوق=نعم. بهم في كل حال. وسيـره..
يشهد لنا التاريخ ثابت وماثـوق=مسيرة. ياحيها مـن مسيـره..
عاداتنا الفزعات مانقبـل البـوق=ومن يستجير ابنا لقانا نجيـره..
قدجالنا في نجد صولات وطروق=وثبت لوانا في سنام الجزيـره..
واليوم فالاسلام والامن معشـوق=والشعب واحد فالبلاد الكبيـره..
حكامنا الاسعود لاعاقهم عـوق=الحكم عادل والشريعـه شويـره

محمد المقاطي

10-22-2007, 06:14 PM

الشاعر : فايز حنيتم العصيمي

ابدع بيوتن وافياتـن جزيلـه=خصن ليا صارت لمدح القبيله
سلام ياربعي هل العز والكار=يهل الفعول النايفـات النبيلـه
ربعي عتيبه كاسبين الصعايب=يومن كلن قام يجني حصيلـه
عيدن بعد عيدن قبل عيد ياتي=عسى الولي يسقيه غيث المخيله

محمد المقاطي

10-22-2007, 06:16 PM

الشاعر : محمد شارع العضياني

في ملتقى الهيلا نسجـل مواقيـف=وقفة شرف في مهرجـان القبيلـه
ذباحة الحايل ذرى الجار والضيف=لطامـة العايـل وستـر الدخيلـه
سجل لها التاريخ صفحات تشريف=فعل" يخلـد ورث جيـل" لجيلـه
خطه على صم الصخر شذرةالسيف=يوم العزاوي بالسيـوف الصقيلـه
وقفاتنا بالفعـل مثـل المجاديـف=تعبر بنـا كـل البحـور المهيلـه
والمجد ناصل له بروس المشاريف=والعـز نرقابـه سنـام الطويلـه
واليوم مجمع خير ماله تواصيـف=عيد القبيلـه مـاش عيـد" مثيلـه
وجعل السحاب اللي مزونه مراديف=يسقي وطن من يكسبـون الجميلـه
اللي حموها وأحكموهـا بتشريـف=حكـم العدالـه والشريعـه دليلـه

محمد المقاطي

10-22-2007, 10:10 PM

الشاعر : فيصل فيحان الرقاص الحافي

بديت بالله خالق الجـن والنـاس=بأبيأت في ربعي عتيبه علـى آن
تاريخكم ساطع كما لمـع الالمـا=مسطره امجادكـم وسـط ديـوان
اهل الوفا ربعي دايم على سـاس=اهل الكرم والجود ودلال رسـلان
في صف ابومتعب دروع وحراس=وولي عهده سيد الجـود سلطـان
واميرنا مشعل كما طير قرنـاس=حط المزايـن للمواطـن بميـزان
وسلام لك ياكاسب العز نومـاس=امير نجد وسيد الطيـب سلمـان
وصلاة ربي عد ماهب نسنـاس=على رسول الله عدد وبل الامزان

محمد المقاطي

10-22-2007, 10:12 PM

الشاعر : فهيد فايح العضياني

ياعيدنا اللي صار ثالث لاعيـاد=عساك بالافراح والخير معيـود
في ملتقى عتيبه فرح خاطري زاد=اهل الكرم والطيب والمجد والجود
برقا وروق الهم بالاكوان ميـراد=عتيبه الهيلا لهـم فعـل مشهـود
في حفلهم تاريخ ينقـل للاحفـاد=يفخر به اللي فيه ماصار موجود
تراث واصاله وتاريـخ وامجـاد=واكيد ماينجح بلا بـذل مجهـود

محمد المقاطي

10-22-2007, 10:14 PM

الشاعر : حمدان مسعود الرقاص

ياربعي عتيبه كرام الاصاحيب=ياللي فخركم من قديم الزمانـي
برقا وروق اهل الوفاوالمواجيب=العزوه اللي ماتعرف الهوانـي
تجمعهم عتيبه على العزوالطيب=ووقت المزاين يالله المستعانـي
هيلا تهايل بالكرم والتراحيـب=والها على نجم الثريـا مكانـي
ترتيبها الاول على كل ترتيـب=يدريبها فالكون قاصي ودانـي
وياربعي اللي تدركون المطاليب=حبيت اوصيكم ترى العمر فاني
اوصيكم بتقوى الذي يعلم الغيب=الواحد اللي بدبرته كـل شانـي
والله يوفقكم ياساس المواجيـب=يالعزوه اللي ماتعرف الهوانـي

محمد المقاطي

10-22-2007, 10:16 PM

الشاعر : عبدالعزيز حمود الغبيوي

ذي نصيحه ياهل الهيلا اقبولها=في توحد صفنا حصنن حصين
وفي نجاح الملتقى عليا نبيهـا=تسطر التاريخ النـا بكلمتيـن
التفوق غايتـن نسمـو اليهـا=وتاج فخر باقيه طول السنـن

محمد المقاطي

10-22-2007, 10:46 PM

الشاعر : فيصل بن مجهز العضياني

ياهجوسي حضريلي قاف يشفي فـي حضـوره=عند لجنـة ربعـي الهيـلا ويـدرك مبتغاهـا
لجنة اكبر ملتقى لاطوال الايـدي شـع نـوره=ونشكر اللي قدم الفكـره ونشكـر مـن بداهـا
همنا واحد وجسـر المجـد مقصدنـا عبـوره=في خطا تحسب على اللي مع هل العوجاء خطاها
والهدف ننقل عن اهل الباديه في نجـد صـوره=تنكشف في مملكتنـا والـدول تسمـع صداهـا
ومن هذا المنبر هلا بالضيف في ساعه حضوره=عن شيوخ الشمل واهل البل ثم عتيبـي قراهـا

محمد المقاطي

10-22-2007, 10:48 PM

الشاعر : وليد بن خالد الغربي

أمرك يامطنوخ مـن راس مطنـوخ=ودموع عيني سبـة الفخـر غرقـا
منصاك يامطنوخ لقـروم وشيـوخ=من الحفر نمشي ترى الخـط يرقـا
كب القصيم يمين ويسـار صلبـوخ=وحول من العارض لروق (ن) وبرقا

محمد المقاطي

10-22-2007, 10:51 PM

الشاعر : مصلح بن عبدالرحمن بن موطان العضياني

بدون قصور في باقي القبايـل=ألا ياسعد مـن ربعـه عتيبـه
رجال" يوم ساعات الصمايـل=لهم في الموقف الغصاب هيبـه
تسلسل مـن سلايلهـم سلايـل=رجـال" مايعرفـون الغليبـه
وأنا أفاخر بهم والراس طايـل=أماري وأعتلـي راس الرقيبـه
هل الجيش وهل الخيل الأصايل=وهل الوقفات وأرياهم مصيبـه
تحت حكامنـا والشـك زايـل=هل العوجاء مطوعة الصعيبـه

محمد المقاطي

10-22-2007, 10:52 PM

الشاعر : فايز حنيتم العصيمي

ابدع بيوتن وافياتـن جزيلـه=خصن ليا صارت لمدح القبيله
سلام ياربعي هل العز والكار=هل الفعول النايفـات النبيلـه
ربعي عتيبه كاسبين الصعايب=ومن كلن قام يجني حصيلـه
عيدن بعد عيدن قبل عيد ياتي=سى الولي يسقيه غيث المخيله

محمد المقاطي

10-22-2007, 10:54 PM

الشاعر : مشعل غازي عتيق العضياني

العيد عقب العيـد جمعـا عتابـه=برقا وروق مرجحين الموازيـن
من لابتن ياحي طـاري ولابـه=اريخها معروف بالعسر والليـن
واليوم جمعاهـم بعـز ومهابـه=في ظل أبو متعب تحت راية الدين

محمد المقاطي

10-22-2007, 10:55 PM

الشاعر : تركي بن سعد بن عديس العازمي

عاشوا هل الهيلا عريبين الانسـاب=اللـي لهـم فـي قمةالمجـد هيبـة
برقا وروق اليا حصل هوش وطلاب=اليـا جهلـت انشـد وتلقـا عتيبـة
يشهد لنا التاريخ حاضـر وغيـاب=افعولنـا ماهـي علينـا غريـبـة
للضد ضد وللبلـد ستـر وحجـاب=وكل(ن)حسب فعلةيحصـل نصيبـة
والبيت ما ياقف بلا ساس وطنـاب=وحنـا عتيبةماعليـنـا صعيـبـة

محمد المقاطي

10-22-2007, 10:57 PM

الشاعر : فهيد عبدالرحمن الدعجاني

المجد شمس نورها يجلي الليل=يجلي بنوره كل نجم سماوي
والعزوالهيبه لذباحت الحيـل=قسم لربعي مخلفين الهقـاوي

محمد المقاطي

10-22-2007, 11:00 PM

الشاعر : هليل فايح العضياني

يـادار مامثلـك بعيـنـي ولادار=ولك موقعن بالقلب ياديرتـي غيـر
في ظل ابو متعب بساتين وانهـار=وفيك الرخا والامن والمجد والخير
وفي ملتقى عتيبه تطيب الي الاشعار=برقا وروق اهل الفعول المشاهيـر
الي الفخر في مدحهم سـر وجهـار=وابغى السموحه كان بالقول تقصير

محمد المقاطي

10-22-2007, 11:01 PM

الشاعر : عبدالرحمن الغبيوي

يا مرحبا واهلين واهليـن واهليـن=ترحيبـة باللـي لفونـا مساييـر
بمزاين الهيـلا انرحـب ملاييـن=عند الرجال اهل الكرم والمناعيـر
اسلومهم من عـام الاول وذالحيـن=رجالهم ما قـد حسـب للمخاسيـر
ريف الخوي والجار ريف المساكين=للسلـم سلـم وللمعـادي دواويـر

محمد المقاطي

10-22-2007, 11:03 PM

الشاعر : نايف بن قاعد المقاطي

الله يديم الرخا في حكم اخو نورة=ويعز الاسلام ويحفظ السعوديـة
التغطية كاملة بالصوت والصورة=والحفل ينقل بالاقمار الصناعيـة
هذي عتيبة لها مجد سطع نـوره=امجادها باول التاريـخ مقريـة
الله رفع قدرها هيلا ومشهـورة=حتى اسمها كن تحتـه للاهميـة
تكفون يالابتـي كـل ومقـدوره=ليا نجح حفلنا الاشغال مقضيـة
كل نبي فزعته وهمته ومقـدوره=الحفل واحد والاعمال اجتماعيـة
نبيه حفل ينال اعجاب جمهـوره=وعند المشاهد يجي له زود شعبية
عساه حفل يعود وتبطي سروره=آميـن والله يوفـق ل منقـيـة

محمد المقاطي

10-22-2007, 11:04 PM

الشاعر : عبد الكريم جزاء العتيبي

يا جعل عيد بين الاعبـاد ينعـاد=عيد الفرح والعـز عيـد القبيلـة
عيد ينومسنا على كـل الاعيـاد=تاريخنـا فيـه المكـارم جليلـة
روق وبرقا من على الطيب تزداد=منازل الهيلا بـرؤوس الطويلـة
في ظل حكام على الدولة اسيـاد=اهل المراجل والكـرم والجميلـة

محمد المقاطي

10-23-2007, 02:16 PM

الشاعر محمد بن فالح الشهيب

بارض المزاين ربي في عتيبـة=حضورهم عز الشرف والمقامي
في جمعة الهيلا تفاخـر وهيبـة=وإلهم في تاريخ العرب عز سامي
تقديرهم للضيف معروف طيبـه=من دم قلب يقـدرون الكرامـي
ومشاعر العتبان ما هي غريبـة=القلب واحـد والمحبـة سلامـي

محمد المقاطي

10-23-2007, 02:17 PM

الشاعر حمد عوض الغبيوي

يالجنة التنظيم رفعتوا الـراس=وسريتوا الخاطر تنفيذ واعـداد
نبي على كل العرب ناخذ الكاس=وتشكركم الهيلا جماعات وافراد

محمد المقاطي

10-23-2007, 02:18 PM

الشاعر ماجد عبد الله النفيعي

يا مرحبا فيكم بمحفـل عتيبـة=المحفل اللي كل الابصار يمـه
محفل مشيد فوق عـز وهيبـة=والطيب والناموس كل يضمـه
يا مرحبا عد الغصون الرطيبـة=وعداد ما يسري في الانسان دمه

محمد المقاطي

10-23-2007, 02:20 PM

الشاعر عبد الرزاق بن مخلد الذيابي

لابة فخر مجدنا العربان تدريبـه=المجد من جدنا الاول سكن فينـا
والطيب حنا معانيـه ومواجيبـه=ما كنه الا حلـف بالله يخاوينـا
وحنا الكرم يتنومس يوم نصحيبه=والبخل ما نهتويـه ولا يهاوينـا
وحنا الحميا بدم القلـب تسريبـه=ومن قال تكفون قلنا يـا ناخينـا
ويوم المزاين مع العالم نماريبـه=مزاين الابل وترجح به هقاوينـا
في شهر عشرة خيار الذود تبديبه=وعلى وعدنا مـدام الله معافينـا

محمد المقاطي

10-23-2007, 02:21 PM

الشاعر فيحان بن فياح العضياني

هات القلم يا صاحبي برفع ابيـات=ابيات من بيـن البيـوت الجزايـل
لعتيبة الهيلا في رؤوس الطويـلات=اسمن شهر بالطيـب بيـن القبائـل
اهل السخا والطيب ومجد البطولات=واهل الفخر والصيت واهل الاصايل
يشهد لها التريخ من ماضـي فـات=بوضح النقا المجرود ثبت ودلايـل
نبي نخفظ الملتقـى فـي السجـلات=يتبع سوابق مجـد بطـي الفعايـل

محمد المقاطي

10-23-2007, 02:23 PM

الشاعر : محمد فايز المغيري

في ملتقى الهيلا على رؤوس الاشهاد=للضيف ترحيـب وللجـار تقديـر
في المجمع الذي يجمع خيـر الاذواد=للشعل والمجهم وصفـر ومغاتيـر
واليوم في عهد الرخا عهد الامجـاد=لعيونهـا سقنـا وسقنـا الدنانيـر
لجنة وتنظيم وجوائز فـي الاعيـاد=مخصـوص لعتيبـة كمـا النيـر

محمد المقاطي

10-23-2007, 02:24 PM

الشاعر : فهد محمد ثواب

سلام الله سلام عد ما هبت هبوب النـود=على كل القبائل نرسله بمزايـن عتيبـة
عسى ربي يحيهم بدار اهل الصخا والجود=لهم منا الوفا والمحبـة والفـي نترحيبـة
وحنا في مزاينا نناجـي ربنـا المعبـود=يوفق كل من قامـو بتنظيمـه وتترتيبـه

محمد المقاطي

10-23-2007, 02:25 PM

الشاعر : منيف نايف بن قويزان

مبروك يا عتيبة على ما فعلتوه=على المزاين يومكـم فاعلينـه
واليوم من يملك الـود نـادوه=لازم يشارك جعل ربي يعينـه
جيبو غنايمكم وشي شريتـوه=خلو مزاينكـم تعمـر سنينـه
والله يبارك في حلال ملكتـوه=والله يساعدكم على نشر دينـه

محمد المقاطي

10-23-2007, 02:27 PM

الشاعر : سفر بن فالح العضياني

في ملتقى ربعي طويلي الأيمان=لطامة العايل وذباحـة الحايـل
هم ربعي العتبان وان قيل عتبان=ويا سعد من جاهم يدور مداخيل
واليوم عشنا عز وخير وأمـان=في ظل حكام عزيزين بالحيـل

محمد المقاطي

10-23-2007, 02:28 PM

الشاعر : مسفر المقاطي

تكفون ياعتابه ترانـا قـد حنـا=في حفل يجمعنا على الخير والنور
عاداتنا لامـن قـد حنـا ربحنـا=برقى وروق طيبنا دوم مذكـور
في كل نومـاس شفنـا وضحنـا=في حفلنا نردع هل الكذب والزور
حسادنـا واجـد ولابعـد رحنـا=لموقع ن فيه الرياجيـل طابـور
والملتقى نسـق وظبـط فرحنـا=وعسى ملكنا دايم الدوم مسـرور

محمد المقاطي

10-23-2007, 02:39 PM

الشاعر عمر مطلق بن قشة الحزيمي

سلام ياملتقـى عتيبـه=بوجودكم والمزاين زان
أنتم هل العـز والهيبـه=ولا ظن يجهل بكم أنسان
ما فيه شكـأ ولاريبـه=والفعل تشهد بة العربان

محمد المقاطي

10-23-2007, 02:40 PM

الشاعر : الحميدي بن سالم الثبيتي

ربعي عتيبة نهار الضيق والشدة=قوم على الطيبة ربـي موفقهـا
يا فزعة اللي زمانه واقف ضـده=من عقب ماضاقت اهدافه يحققها
واليوم من الساحل الشرقي ليا جدة=في حكم من يتبع السنة وطبقهـا

محمد المقاطي

10-23-2007, 02:41 PM

الشاعر : سعود سالم الحافي

عسى السحاب اللي هو الخير يقفاه=ينثـر هماليـل المطـر ويتهامـا
ويبل كبد الارض عقب العطش ماه=والربل ينبت والنفـل والخزامـى
فالموقع اللي مـا يتعـدد مزايـاه=بر وهوا صافـي وريـع نشامـا
وتجديـد للبيعـة وتوحيـد للجـاه=وموروثنا لا شـك فيـه يتنامـى
وجوائز فيهـا العـدل والمسـاواة=وتكريم لابنـاء الشهيـد اليتامـى
هيلا تهايل مالها وصف واشبـاه=قيـقـة لا سينـمـا لا درامــا

محمد المقاطي

10-23-2007, 02:43 PM

الشاعر : بدر الحميدي الدغيلبي

الابة اللي كلهـا عـز وامجـاد=كسابة الطالات فـي كـل هيـة
كسابة الناموس من عصر الاجداد=يشهد لها التاريخ فـي الجاهليـة
عتيبة الهيلا لهـا اليـوم ميعـاد=ميعادها في وسط نجـد العذيـة
يا مرحبا ضيوفنا اقراب وابعـاد=على الشحم والعـود والشاذليـة

محمد المقاطي

10-23-2007, 02:44 PM

الشاعر : عيد بريكان الحنتوشي

الله يجمعنا على العزو والخيـر=ونحط فـوق المزايـن كرامـه
عتبان والعتبان من طبعهم غير=لاصوتوا للطيب عدوا سنامـه
ورث لنا من ماضيات المشاوير=ورث الشجاعه والقرم والكرامه

محمد المقاطي

10-23-2007, 02:45 PM

الشاعر : نادر مطلق زياد مسلم العصيمي

للعيد فرحه واصبح العيد عيدين=عيد رمضان وعيد حفل القبيله
مزاين الهيلا كعام المعايديـن=برقا وروق مرجحين المكيلـه
كسابة الامداح فاللعسر والليـن=وعاداتهم بالزند قـدح الفتيلـه

محمد المقاطي

10-23-2007, 02:47 PM

الشاعر : سعد سعدي بن جلال العصيمي

يا مرحبـا بالوفـود اللـي تشاركنـا=في حفلنـا وملتقانـا ملتقـى عتيبـه
اللي يحضر حفلنـا يسعـد ويسعدنـا=يامرحبـا وياهـلا مليـون ترحيبـه
يلقى الصواني ومعـه الهيـل والبنـا=ويلقى رجال ( ن) تشرف به وتهلي به
هـاذي عوايـد قبيلتنـا وهـذا حنـا=الضيف اليا جاء بحصلنـا معازيبـه

محمد المقاطي

10-23-2007, 02:48 PM

الشاعر : تركي بن موطان العضياني

في ملتقى الهيلا هل العـز والشـان=نفخر بشوف أهل الوطـن والقبيلـه
في محفل ( ن) شكل على شانه لجان=تشرف على الموقع نهـاره وليلـه
مابين فكر وشور مع راي شيخـان=الـدرب واحـد والمقاصـد نبيلـه
ربعي عتيبه مفخـرة كـل ميـدان=يوم التنافس ينعرف مـن حصيلـه
حصيلهم بين العرب مالـه اقـران=ومن عادة العتبان كسـب الجميلـة
روقه وبرقا حالنـا حـال ميـزان=كفن يرجح كف لـو جـات ميلـه
ربع وجماعه نلتقي مثـل الاخـوان=محـدن يفرقنـا لـو شـد حيـلـه
ما انلام انا في مدح ربعي ولو كان=ما اقول باقي الناس عنـدي قليلـه

محمد المقاطي

10-23-2007, 02:54 PM

الشاعر : نمر بن شذي العضياني

في شهر عشره موعد لخير عيدين=عيد رمضان وعيد جمع القبيلـه
نحيي التراث اللي له سنين وسنين=ومشاركين (ن) بالبكار الأصيلـه
برعاية أصحاب السمو السلاطين=اللي يشيلـون الحمـول الثقيلـه

محمد المقاطي

10-23-2007, 02:55 PM

الشاعر : مشعل سمران الحافي العتيبي

يالله يالله يامعـبـود يـاوالــي=تعز الاسلام وأهل اليـن والملـه
وتحفظ بلاد الحرم من كل الانذالي=في ظل أبونا الرحيم الشهم عبدالله
وتجعل مزاين عتيبه خير منزالي=في الموقع اللي لفوه من الوطن كله
يالجنة شكلت مـن حاكـم غالـي=كفو المزاين وأهل ميقاف كفو لـه
ياللجنـة بديتـي مرقـب عالـي=أنتم علي منبر كـل يعايـن لـه

محمد المقاطي

10-23-2007, 08:54 PM

الشاعر : محمد مذكر المغيبي

لن كان ما شاركه فالعسر واللين=مع عزوتي وش عاد انا عايش له
في ملتقا الهيلا للابـل المزاييـن=في موقع حتى العما واضح لـه
فيه التلاحم والوفاء شيف بالعين=والصف واحد والتكاتـف جبلـه
وهمه وعزم ولطف ومقابل زين=وتنظيم ناجح يشمل الحفـل كلـه

محمد المقاطي

10-23-2007, 08:56 PM

الشاعر : مشعل القشعان

فخر القبيلة نهار مزايـن عتيبـه=والعيد عيديـن والمجـد لقبيلتنـا
اهل البيارق رجال القدر والهيبـة=احفاد من ساهموا في مجد دولتنـا
واول من عدد نشرة الهيلا نهلي به=باكورة النشر الأول مـن مجلتنـا
فيها عن الحفل واخباره وترتيبـه=وفيها مواضيع مصدرها ثقافتنـا
في مهرجانن جميع الناس تدريبـه=تراث ماضي عريق يعيد هيبتنـا

محمد المقاطي

10-23-2007, 09:12 PM

الشاعر : شالح بن مرقاص الحمقي المقاطي

مجد تليد بنفـح عنبـر وتاريـخ=سيرة فخر بزكى المفاخـر تحـلا
إليا أشرقت شمس السطر والمناويخ=فجر بزغ نـوره وغيمـه تجـلا
هيلا تهايـل بالنشامـا المطانيـخ=علومهـم فـوق العوالـي تعـلا
لطامة العايـل حصـون مشاييـخ=ذباحة الحايـل علـى كـل حـلا
أمدونـه دقلاتـهـم بالتـواريـخ=عز وفخر بازكى المفاخـر تحـلا

محمد المقاطي

10-23-2007, 09:14 PM

الشاعر : محمد بركي الكرشمي

ياعتيبه سجلوا أجمـل مزايـن=في اعلام الصحف واللي ينقلونه
أبهروا منهو قرا واللي يعايـن=وانقلوا تراثنا تراثنا شكله ولونه
والصفوف موحده مابه ضغاين=والقبايل تمدح اللـي تقدمونـه
واللجان منضمه وانجاز بايـن=وكل شي مع الرسايل يرسلونه

محمد المقاطي

10-23-2007, 09:16 PM

الشاعر : زايد بن عايض الرويس

لنا المجد والتاريخ والعز والهيبـة=مكانة حفظها الوقت للروقة وبرقا
مواكر حرار لا تسموت من عتيبة=تفز القلوب وودها للسماء ترقـا
مواقيفهم تبعد عن الشك والريبـة=على العز جمعتهم ولكانت الفرقـا

محمد المقاطي

10-23-2007, 09:18 PM

الشاعر : فهد فالح الشهيب

تجمعوا يا عتيبة في شهر عشـره=الجمعة اللي مع الأيـام مشهـوده
إما نسجل لنا رقم صعـب كسـره=وألا بلاش التجمع نعقـد إعقـوده
ربعي عتيبه من الدمـام للبصـره=لا نجد للطايف المانـوس للسـوده
ولا فالقبايل قصور الطيبة خشـره=كل " وله وقفه " ما هيب مجحوده
واليوم بامن وأمان إنواكب الطفره=ننعم بخير الوطن ونجود من جوده
المملكة شعب واحد بدوه وحضـره=في ظل أبو متعب وسلطان محسوده

محمد المقاطي

10-23-2007, 09:19 PM

الشاعر : مرزوق الروقي

تنفـس الصبـح وأنفاسـه خذتهـا الصـدور=اللـي تـدور بلفـح القيـض حلـو المهـب
هبت بركتـه علـى الأمـة بوقـت البكـور=فـي ديـرة منزلتهـا فـوق هـام السحـب
الديـرة اللـي أهلهـا مـا لحقهـم قصـور=أهل الوفاء وأهل المعـروف وأهـل الشبـب
واللي وضع في لأسم شعبه في المعالي حضور=يستاهـل أنـا نحطـه بيـن عيـن وهـدب
وأن قلـت عبدالعزيـز أهتـز فـي الشعـور=من يقـدر يوصـف التاريـخ يأهـل الأدب
أشرق غلاه بقلـوب الشعـب بأشعـاع نـور=تغرب شموس وتفيض نفـوس قبـل يغـرب

محمد المقاطي

10-23-2007, 09:21 PM

الشاعر : هضيبان إبراهيم المقاطي

حفلة تجمع قريـب الجماعـه والبعيـد=الجماعه والمعارف عزيزيـن المقـام
عندنا في في ذمتي ليلة من ليـل عيـد=كيف لا والحفل يجمعك مع ناسن حشام
في محل أهل الوفاء والصخا واللي تريد=من علومن غانمه عند وافيـن الذمـام
ربعي الهيلا هل الفعل والمجـد التليـد=من عصورا ما ضيه ويتجدد كل عـام
عزنا في جمعنـا والتفـرق مـا يفيـد=كود عدوانا تدور علينـا أدنـا كـلام

محمد المقاطي

10-23-2007, 09:24 PM

الشاعر : نايف ذايب ابن برهان الحبردي

يا ليل ما ابرك منـك ولا ليـل=اللي توافق بـك شفـوف القبيلـة
واهل البيوت اللي بها البن والهيل=وأهل السيوف الصارمات الصقيلة
متوارثين المجد جيل بعـد جيـل=ماعندنـا صعبـة ولا مستحيلـة
دون الوطن ناقف مواقف رياجيل=الحكم عـادل والمواقـف نبيلـة

محمد المقاطي

10-23-2007, 09:26 PM

الشاعر : صالح بن عبد الرحمن بن موطان

في ظل ابو متعب وفي ظل سلطان=حكامنـا رمـز البـلاد وفخرهـا
تجي على وضح النقاء صف عتبان=في ساحة يسعد بها من حضرهـا
وفي ملتقى الهيلا بني عم واخـوان=الله يعـز ديـارنـا ويعمـرهـا

محمد المقاطي

10-23-2007, 09:29 PM

الشاعر : بندر فيصل صقر بن عميرة

في ملتقى الهيلا عسى الله يحييك=تلقى الرجال اللي بشخصك تهلي
تلقى الرجال اللي ليا جيت تشفيك=ومجالس من طيبها مـا تملـي

محمد المقاطي

10-23-2007, 11:26 PM

الشاعر : ضاوي العصيمي

يا مرحبا في ملتقى الهيلا عدد ما هب نود=بإسـم القبيلـة كلهـا شبابهـا وشيوخهـا
في مجمع يجمع علوم الطيب وتراث الجدود=لبست له القرنة جواهرها وفاخر جوخهـا
عيد بعد عيد الفطر يشرق على طرق النفود=اللي تعيش بها الحرار النادرة وفروخهـا

محمد المقاطي

10-23-2007, 11:28 PM

محمد المقاطي

10-23-2007, 11:31 PM

محمد المقاطي

10-23-2007, 11:33 PM

الشاعر : حمود عتيق العصيمي

ربعي عتابه لها وقفات معرفـه=تشهد لها الناس قاصيها ودانيهـا
والجار لو جار نكرم دايم ضيوفه=والحيل لضيف تقدم في صيانيها
وخوينا لا كبر حمله على كتوفه=نشيل حملـه وزلاتـه نسويهـا

محمد المقاطي

10-23-2007, 11:35 PM

الشاعر عبدالله بن صلهام الحنتوشي

طير ياللي تكسر الحوم في نجد العذيـه=بلغ اللي لاحقه شك عن واقـع وطنـا
وقل له إنا قوم ما نعترف بالعنصريـة=لكن الجمعه علي الطيب من عادات أهلنا
وملتقى الهيلا تعـدا الحـدود العالميـة=بعد مـا تهايلـوا ربعنـا منـا ومنـا

محمد المقاطي

10-23-2007, 11:37 PM

الشاعر طايل بن موطان العضياني

ذي نصيحه من ضميري ياعيال عتيبـه=ياعيال ماهقيـت الظيـم وانتـم عـزوه
انتم الحصن الحصين اللي حماه صعيبـه=وانتم اهل الطيب واهل الجود واهل النخوه
إحذروا بعض الأمور اللي تثيـر الريبـه=خلكـم فالملتـقـى مـضـرب مـثـال
للقبايـل مـن بعدكـم دربكـم تمشيبـه=وانتـم اللـي فـي نجـاح الإحتـفـال

محمد المقاطي

10-23-2007, 11:38 PM

الشاعر : د.خالد المرشدي

ماينغبن من قال ربعي عتابـه=ذباحة الحايل هل البن والهيـل
لطامة العايل بوقـت الحرابـه=ربعن لهم في ماكر العز مداهيل
والحفل نفخر به وفي من سعابه=في ملتقى الهيلا تزين التعاليـل

محمد المقاطي

10-23-2007, 11:42 PM

الشاعر محمد الحويماني المفرجي

تصفحت ذاكرة الزمن فاح ريحة عود=نشدت المكـان وردد العـز فابعـاده
من اول هجاد السيف والرمح والعبرود=الى اتلى صباح النور والعلم وامجـاده
وحنا بفضل الخالق الواهب المعبـود=سلاطين مجد يزري الوقـت مابـاده
نحتناه بالسيف الحدب والليالي سـود=علـى ضمـر للمـا والمـوت وراده
وجود يند السيـل لاعـودت للجـود=مسيله من ايـام الفقـر والغنـا زاده
هل الذود يالهيلا ولاحد يـرد الـذود=سوى عتيبة الهيلا من الوقت لاقـاده
وانا كل مااطري عتيبة غدى البـارود=بصوتي يثور وكن حنجرتـي زنـاده

محمد المقاطي

10-23-2007, 11:44 PM

الشاعر فهد بن حنس العصيمي

قبيلتنا عتيبة ياهل الميقـاف ياعتيبـة=ياحي اسم يشوش خاطر اللابة ويطربها
وانا مانلام في مدح القبيلة يوم اماريبه=اماريبه واجاريبه هل الزودة وازود بها
عسى من لامني في حبها ماينفعه صيبه=حسافه يارجال حـزة الوقفـة تجنبهـا

محمد المقاطي

10-23-2007, 11:45 PM

الشاعر عويد حمدي الذيابي

باسم القبيلـة كلهـا فالشـرق والا فالشمـال=عتيبة الهيلا وانا منها وجيت رضـا لهـا-
العزوة اللي لاذكرت فعولها اشعـر بالكمـال=اللي تنومسنـي فعايلهـا وبيـض سجلهـا-
ربعي هل الطالات واهل المرجلة في كل حال=اللي تحل المعضلة لو كان يصعـب حلهـا-
قبيلة مثل الجبال ان جيـت امثـل بالجبـال=السيل مايقلـع حصاهـا والهبـوب تزلهـا-
لطامة العايل ليا من اقشـر العربـان عـال=اليا تقـرب للخطـوط الحمـر ولازهلهـا-
دخيلنا يامـن ويرقـا فالمراقيـب الطـوال=الجار يامـن فـي جـوار بيوتنـا ماملهـا

محمد المقاطي

10-23-2007, 11:47 PM

الشاعر فهد السدر الحمادي

يا ربعي العتبان ياتاج راسـي=عشره شهر شوال تاريخ مشهود
نبغى نحطم كل رقم(ن)قياسـي=وهذا لنا طبع(ن)من آباء وجدود
والصف واحد فالرخاء والمآسي=والله يعز الدين ويعز ال سعود

محمد المقاطي

10-23-2007, 11:49 PM

الشاعر هلال بن مطلق السيحاني

سلام يالابه لها العـز والمجـد=عتيبه الهيلا بقـدح الزنـادي
هذا المسمى والرياجيل في نجد=ماجاتهم غير بصباح وهجادي
فينا الحميا والعتيبـي أذاوجـد=يفزع مع اللي باخر اسمه ينادي

محمد المقاطي

10-23-2007, 11:51 PM

الشاعر محمد بن مخلد الذيابي

ربعي عتيبه هـم الهيـلا خـوال النبـي=شعـري يقـدم لهـم بـاالأول تحيتـه
ويضرب سلام(ن) يهزالشرق والمغربـي=ويصحي قلوب(ن) بوسط صدورها ميته
سلام يااسم(ن) وكوره عالـي المرقبـي=ميكار برقـا هـل الطالـه وروقيتـه
اسم(ن) مـع الوقـت والأيـام مايغتبـي=تزايـد مـع الزمـن قـوة فعاليـتـه-
اسم(ن) باالافعال وقت(ن) فات مايغلبـي=نجدالمسما تحـت كعبـه وطـا حيتـه
لطامت العايـل اللـي دورهـا يحسبـي=والرقـم الاول تمركـز فـي علاويتـه

محمد المقاطي

10-23-2007, 11:53 PM

الشاعر محماس بن شميسان

ياعتيبه ياهل البل واهل طيب السلوم=مجتمعكم عز والتفرقه ذل وضياع
ملتقى الهيلا نجاحه نبيه مع النجوم=ابدعوا في كل الاوضاع ياوجيه السباع
بالتكاتف والتلاحم يهون اصعب لزوم=وحدوا كل الهدف والذراع مع الذراع

روقي1

10-26-2007, 03:26 PM

بيض الله وجهك ووجيه الشعار ومشكور علي الجهد يامحمد المقاطي تقبل مروري

المقاطى_q8

10-26-2007, 03:56 PM

لاهنت على الجهد الواضح

محمد المقاطي

10-27-2007, 01:33 AM

بيض الله وجهك ووجيه الشعار ومشكور علي الجهد يامحمد المقاطي تقبل مروري

و وجهك ابيض

الروقي

ومشكور علي مرور

وتواصلك