سلطان الزراقي
10-04-2007, 01:59 AM
بسم الله الرحمن الرحيم
مسيكم بالخير يالربع اليوم اقدم لكم رباعية السنه اللي راحت في حفل عتبان في الرياض ابدع فيها شاعرنا الكبير فلاح القرقاح وتركي 2000 وكان معهم من شعار العتبان فالرباعية سلطان الجلاوي وحمد الشيباني وكان موجود معهم ملفي المورقي لعب قبل الرباعية مع تركي والقرقاح واتمنى ان تحوز على رضا الجميع واترككم مع المحاورة:
سلطان الجلاوي:
ياعتيبة عزوتي يامخضبت السيوف
حمسوا في ملعبتكم وزيدوا فالصفوف
المطيري تسمعه اذنه وابن ريفه يشوف
غطرفي يابنت وهلي علينا بالورود
ياعتيبه عزوتي يارياجيل اللزوم=حمسوا في ملعبتكم وزيدوا نارها
حمد الشيباني:
ياليل يامحلاك ياللي جمعت لنا الرجال
الملعبه ياطيبها والحمل يبرك للجمال
ياتركي ال 2000 عندي وعندك راس مال
غطرفي يابنت وهلي علينا بالورود
الكواكب فالسما والقمر فوق النجوم=بينن ميراد الايام من مصدارها
فلاح القرقاح:
قوم ياتركي نبي نفحص اخلاق الشباب
نبغي الملعب على ضرس ذيب وسم داب
خابرك ياصاحبي لاتذل ولاتهاب
الحقيقه مثل شمس النهار الشارقة
انتبه لي وانتبه للدفاع وللهجوم=ملعبتنا لبست شعار غير شعارها
تركي 2000:
ابشر اني معك واقف عسى عمرك طويل
وقفة(ن)ماتختلف كل يوم وكل ليل
والمواقف دونها مايذل الا الذليل
الحقيقه مثل شمس النهار الشارقة
ياحمد سولف وهات السوالف والعلوم=والعلوم الطيبه للرجال اختارها
سلطان الجلاوي:
لو تنادي ياقحطاني وتنخى في مطير
اعرف انا يابن ريفه هلا السيف الشطير
وكان تبغى فحصنا بفحصك فحص(ن)خطير
الحقيقه مثل شمس النهار الشارقة
والله انا ماجهلنا المبادي والسلوم =ومن خبط وجه البسيطه يطير غبارها
حمد الشيباني:
ياتركي ال2000 وش رايك في كلمة فلاح
هي جد ولا يالمطيري من ابواب المزاح
اللي يشوفه قال 20 عام فالوشاح
الحقيقه مثل شمس النهار الشارقة
مانقول الا الحقيقه وستر الله يدوم=واللزوم الها رجال طوال اشبارها
فلاح القرقاح:
الله اللي يعرف الذيب الاشهب والقطا
وان بغا يمنع منع وان بغا يعطي عطا
وحنا مانبغى التعدي ولا نرضى الخطا
الحقيقه مثل شمس النهار الشارقة
احكي حكي رجال ولا تريح ومخدوم=لاتوطاك البعارين تحت ازوارها
تركي 2000:
العبيدي ماهرج غير بالهرج الصحيح
والدوا موجود لاهنت للقلب الجريح
وانت يوم تصيح وش فيك هون لاتصيح
والحقيقه مثل شمس النهار الشارقة
الجمال خدودها الله خلقها للوسوم=ان نظرت يمينها وان نظرت يسارها
سلطان الجلاوي:
مارجينا غير عالم بما تخفي الصدور
وانت سيلك يابن ريفه غداسيل حدور
مادريت انا عتيبه طويلين الشبور
والحقيقه مثل شمس النهار الشارقة
كان شفق (ن)يابن ريفه على فرك الخشوم=والل ان تشتالها ثبت في محكارها
حمد الشيباني:
حتى ولو حبوا على خشمك مطير وقلت انا
حنا راجيل المواقف موردة القنا
مافيه مخلوق(ن)على وجه البسيطه همنا
والحقيقه مثل شمس النهار الشارقة
:::::::::::::::::::::::::::::::::::::::::::=والطيو ر الثانية ماعرف ميكارها
فلاح القرقاح:
القبايل كلها ماتغط فعولها
كل عزوة يالعتيبي نعرف زحولها
خلها بيني وبينك وغرد حولها
والحقيقه مثل شمس النهار الشارقه
انت مثل اللي يقولون قومني واقوم=من لقا عجه تصبر على معصارها
تركي 2000:
عز راسي عزوتي كاسبين الاولات
اهل التاريخ واهل الثلاث المعجزات
وانت مو نعم بكم ماعليكم قاصرات
والحقيقه مثل شمس النهار الشارقه
انت طير لو يكفخ جناحه مايحوم=لو تموت جنازته يبتلش قبارها
مسيكم بالخير يالربع اليوم اقدم لكم رباعية السنه اللي راحت في حفل عتبان في الرياض ابدع فيها شاعرنا الكبير فلاح القرقاح وتركي 2000 وكان معهم من شعار العتبان فالرباعية سلطان الجلاوي وحمد الشيباني وكان موجود معهم ملفي المورقي لعب قبل الرباعية مع تركي والقرقاح واتمنى ان تحوز على رضا الجميع واترككم مع المحاورة:
سلطان الجلاوي:
ياعتيبة عزوتي يامخضبت السيوف
حمسوا في ملعبتكم وزيدوا فالصفوف
المطيري تسمعه اذنه وابن ريفه يشوف
غطرفي يابنت وهلي علينا بالورود
ياعتيبه عزوتي يارياجيل اللزوم=حمسوا في ملعبتكم وزيدوا نارها
حمد الشيباني:
ياليل يامحلاك ياللي جمعت لنا الرجال
الملعبه ياطيبها والحمل يبرك للجمال
ياتركي ال 2000 عندي وعندك راس مال
غطرفي يابنت وهلي علينا بالورود
الكواكب فالسما والقمر فوق النجوم=بينن ميراد الايام من مصدارها
فلاح القرقاح:
قوم ياتركي نبي نفحص اخلاق الشباب
نبغي الملعب على ضرس ذيب وسم داب
خابرك ياصاحبي لاتذل ولاتهاب
الحقيقه مثل شمس النهار الشارقة
انتبه لي وانتبه للدفاع وللهجوم=ملعبتنا لبست شعار غير شعارها
تركي 2000:
ابشر اني معك واقف عسى عمرك طويل
وقفة(ن)ماتختلف كل يوم وكل ليل
والمواقف دونها مايذل الا الذليل
الحقيقه مثل شمس النهار الشارقة
ياحمد سولف وهات السوالف والعلوم=والعلوم الطيبه للرجال اختارها
سلطان الجلاوي:
لو تنادي ياقحطاني وتنخى في مطير
اعرف انا يابن ريفه هلا السيف الشطير
وكان تبغى فحصنا بفحصك فحص(ن)خطير
الحقيقه مثل شمس النهار الشارقة
والله انا ماجهلنا المبادي والسلوم =ومن خبط وجه البسيطه يطير غبارها
حمد الشيباني:
ياتركي ال2000 وش رايك في كلمة فلاح
هي جد ولا يالمطيري من ابواب المزاح
اللي يشوفه قال 20 عام فالوشاح
الحقيقه مثل شمس النهار الشارقة
مانقول الا الحقيقه وستر الله يدوم=واللزوم الها رجال طوال اشبارها
فلاح القرقاح:
الله اللي يعرف الذيب الاشهب والقطا
وان بغا يمنع منع وان بغا يعطي عطا
وحنا مانبغى التعدي ولا نرضى الخطا
الحقيقه مثل شمس النهار الشارقة
احكي حكي رجال ولا تريح ومخدوم=لاتوطاك البعارين تحت ازوارها
تركي 2000:
العبيدي ماهرج غير بالهرج الصحيح
والدوا موجود لاهنت للقلب الجريح
وانت يوم تصيح وش فيك هون لاتصيح
والحقيقه مثل شمس النهار الشارقة
الجمال خدودها الله خلقها للوسوم=ان نظرت يمينها وان نظرت يسارها
سلطان الجلاوي:
مارجينا غير عالم بما تخفي الصدور
وانت سيلك يابن ريفه غداسيل حدور
مادريت انا عتيبه طويلين الشبور
والحقيقه مثل شمس النهار الشارقة
كان شفق (ن)يابن ريفه على فرك الخشوم=والل ان تشتالها ثبت في محكارها
حمد الشيباني:
حتى ولو حبوا على خشمك مطير وقلت انا
حنا راجيل المواقف موردة القنا
مافيه مخلوق(ن)على وجه البسيطه همنا
والحقيقه مثل شمس النهار الشارقة
:::::::::::::::::::::::::::::::::::::::::::=والطيو ر الثانية ماعرف ميكارها
فلاح القرقاح:
القبايل كلها ماتغط فعولها
كل عزوة يالعتيبي نعرف زحولها
خلها بيني وبينك وغرد حولها
والحقيقه مثل شمس النهار الشارقه
انت مثل اللي يقولون قومني واقوم=من لقا عجه تصبر على معصارها
تركي 2000:
عز راسي عزوتي كاسبين الاولات
اهل التاريخ واهل الثلاث المعجزات
وانت مو نعم بكم ماعليكم قاصرات
والحقيقه مثل شمس النهار الشارقه
انت طير لو يكفخ جناحه مايحوم=لو تموت جنازته يبتلش قبارها