عبدالعزيز المورقي
09-10-2007, 07:48 PM
مساء الخير على الجميع
هذه مجموعة من قصائد متنبي عتيبة الشاعر الأسطورة بندر بن سرور القسامي العطاوي الروقي العتيبي
اتمنى ان تنال اعجابكم
الله من عين طرقها صواديف = عميت ويبسن بالعروق الصخافي
شفت الوزا بالعين من عرض ماشيف = شفته وغيري من فطن له وشافي
وقت تغير فيه حتى العواصيف = جاء في عواصيف الرياح اختلافي
شره قناطير وخيره مقاطيف = يفطن له اللي يرضع الديد غافي
طم واحد جاله زمانه على الكيف = واغترته نفسه يبا الجود وافي
يطلع مطاليع العلا بالسواليف = بين العذارى عد روحه سنافي
يفرح بهرج بالقفى يكره الضيف = قتات والقتات بالنار هافي
يعلق قصيره علقة النار بالليف = عي ولد عي زدوده ضعافي
ان رخصت الحذوه توفي عن الحيف = وان غليت الحذوه مشى اللاش حافي
يرقد ويلحق والدينه تخاليف = دايم ومرقد ميت النار دافي
هو ما درى ان الجود يبغى تكاليف = سهر الليالي مقبلات مقافي
يبغى يدين للعطايا مغاريف = ويبغى رجول ما تمل الوقافي
والصبر بنحور السنين الشواحيف = اللي قساها مثل حد الرهافي
ما يقدرون الجود سود الأطاريف = مشاركة بيض النسا باللحافي
يقدر عليه اللي حكم نجد بالسيف = واودع مباغيض القبايل ولافي
عبد العزيز اللي يبث المصاريف = يجدع قناطير الذهب بالفيافي
يمشي على دربه جموع مراديف = نو تحدر ماه والجو صافي
يشدي لواقيط الزبيدي بعد ريف = ومما كسى البيدا تفيد الضعافي
من بلاد الشام جبنا بالمكينة = فوق فرت ما تخثع بالطما يحتدي
مثل الجمل تسمع رطينه = مع طمان القاع مثل الثعلباني
والشفير من المدارس مطلعينه = عيد هي يجدعه جدع الحصاني
قذلة الطربوش ناطلها يمينه = عن ظلام الليل شب الكهربائي
ما تجيه يسار رجله شوف عينه = غير يسر الطاركي باليماني
يوم قال له الخوي عاشت يمينه = شد رجله للكمك واحد وثاني
يالله انك تنصره من نصر دينه = ان عطى له مع غبا ولا بياني
قلت ياالمطنوخ انا عيني حزينه = عن شراب اللف ابيه وعنك كاني
قد رمى بالكيس قدمي قال وينه = دوك ما بالجيب عن شي لهاني
يقصد الكبريت معي منه عينه = قد منا تلت غراميل متاني
قلت ثالث قال يالله لا تهينه = قلت خامس قال قير يطلب نقل ثاني
قلت واحد والكمك ظام المكينه = قال لي من يرحم القاسي لياني
قلت والله يرحمونه صانعينه = قد زعلت من اللهيب اللي غشاني
قال ما تاثق بذمه مقتنينه = عن مشاور غير عرفي قد كفاني
قاطع عرقين مدري وين وينه = قد وصلت الأرض واسمع صوت ثاني
يوم يرفع موخره قو المكينه = يرتخي صدره وانا الشاور غشاني
قال عن وقلت بأيا لحينه = قال قل ناسي خوي ما نساني
قلت عاش الشيخ واللي ناجبينه = عادة الطيب اليا جاء الجد عاني
يا بنت ياللي عمرها صدر وردوف = بيض محاجرها وحلو نباها
ودي بشوفك مير يوم اقصر الشوف = عيني بعد هاك الرمد قل ماها
سويت لي يابنت يالعين معروف = باسباب رجل بعدتها خطاها
ولا ترا قلبي ليا اصطك بالجوف = اومي بحالي لين تابس عصاها
يا هل الونيت اللي يبي مشتل البيب = مادق صدره بالخطوط الغزيره
يوم يتخثع مع محير الأداعيب = يشدي تخثع جادل في حريره
لا تجربونه مايبي الفرت تجريب = قد جربه بالبيت الأبيض خبيره
عدوه لابن حزام سيد اللواعيب = لعاب زينات البيوت العسيره
ثم قل لقاعد مانبي منه تدريب = الوقت دربنا على كل سيره
لو كل من قاد السبب يعلم الغيب = ياما كرهت النفس من باب خيره
ان قفت الأيام ماها مغاريب = واليا اقبلت يا زين صافي غديره
قل له رميت الكيس بين الشواريب = واليوم ادوج ما لقيت اتعميره
يا كثر يا فيحان صبر صبرناه = امس الشهر عديت باقي اسبوعه
لاتغبط اللي صار زود بدنياه = يتبع هوى نفسه وغير طبوعه
مخطي طريق الحق غادي بعمياه = يجمع وصخ مال زوال نفوعه
اغبط تقي صار زوده بتقواه = عبد لصوت الحق يرخي سموعه
يفرح بصوت منادي الحق ناداه = عجل على المسجد بطي ركوعه
والا ترى الدنيا حدود مسماه = لابد ما يقفي وتقفي زروعه
انحاس بالي يا محمد وصديت = من كثر الصدات قلت شطونه
ماني وانا بندر بهيت ولد هيت = هيت يجامل خمة يكرهونه
من كثر ما جربت واقبلت واقفيت = قولة هلا من لايودك مهونه
سلط على النصراني اللي لقا الزيت = لعل نبع الزيت يعمي عيونه
لاشك تحتاج المراجل شفاليت = تحتاج شي يقصر النذل دونه
عزم على الفرجه وقطع الخلا الميت = حتى عيال البوم ما يقطعونه
ثلاث من كل المعاني تنقيت = واللي بقى كل الملا يقدرونه
ما بغى جزاهن غير من خالق البيت = عمالهن للناس ما ينفعونه
وسلامتكم
هذه مجموعة من قصائد متنبي عتيبة الشاعر الأسطورة بندر بن سرور القسامي العطاوي الروقي العتيبي
اتمنى ان تنال اعجابكم
الله من عين طرقها صواديف = عميت ويبسن بالعروق الصخافي
شفت الوزا بالعين من عرض ماشيف = شفته وغيري من فطن له وشافي
وقت تغير فيه حتى العواصيف = جاء في عواصيف الرياح اختلافي
شره قناطير وخيره مقاطيف = يفطن له اللي يرضع الديد غافي
طم واحد جاله زمانه على الكيف = واغترته نفسه يبا الجود وافي
يطلع مطاليع العلا بالسواليف = بين العذارى عد روحه سنافي
يفرح بهرج بالقفى يكره الضيف = قتات والقتات بالنار هافي
يعلق قصيره علقة النار بالليف = عي ولد عي زدوده ضعافي
ان رخصت الحذوه توفي عن الحيف = وان غليت الحذوه مشى اللاش حافي
يرقد ويلحق والدينه تخاليف = دايم ومرقد ميت النار دافي
هو ما درى ان الجود يبغى تكاليف = سهر الليالي مقبلات مقافي
يبغى يدين للعطايا مغاريف = ويبغى رجول ما تمل الوقافي
والصبر بنحور السنين الشواحيف = اللي قساها مثل حد الرهافي
ما يقدرون الجود سود الأطاريف = مشاركة بيض النسا باللحافي
يقدر عليه اللي حكم نجد بالسيف = واودع مباغيض القبايل ولافي
عبد العزيز اللي يبث المصاريف = يجدع قناطير الذهب بالفيافي
يمشي على دربه جموع مراديف = نو تحدر ماه والجو صافي
يشدي لواقيط الزبيدي بعد ريف = ومما كسى البيدا تفيد الضعافي
من بلاد الشام جبنا بالمكينة = فوق فرت ما تخثع بالطما يحتدي
مثل الجمل تسمع رطينه = مع طمان القاع مثل الثعلباني
والشفير من المدارس مطلعينه = عيد هي يجدعه جدع الحصاني
قذلة الطربوش ناطلها يمينه = عن ظلام الليل شب الكهربائي
ما تجيه يسار رجله شوف عينه = غير يسر الطاركي باليماني
يوم قال له الخوي عاشت يمينه = شد رجله للكمك واحد وثاني
يالله انك تنصره من نصر دينه = ان عطى له مع غبا ولا بياني
قلت ياالمطنوخ انا عيني حزينه = عن شراب اللف ابيه وعنك كاني
قد رمى بالكيس قدمي قال وينه = دوك ما بالجيب عن شي لهاني
يقصد الكبريت معي منه عينه = قد منا تلت غراميل متاني
قلت ثالث قال يالله لا تهينه = قلت خامس قال قير يطلب نقل ثاني
قلت واحد والكمك ظام المكينه = قال لي من يرحم القاسي لياني
قلت والله يرحمونه صانعينه = قد زعلت من اللهيب اللي غشاني
قال ما تاثق بذمه مقتنينه = عن مشاور غير عرفي قد كفاني
قاطع عرقين مدري وين وينه = قد وصلت الأرض واسمع صوت ثاني
يوم يرفع موخره قو المكينه = يرتخي صدره وانا الشاور غشاني
قال عن وقلت بأيا لحينه = قال قل ناسي خوي ما نساني
قلت عاش الشيخ واللي ناجبينه = عادة الطيب اليا جاء الجد عاني
يا بنت ياللي عمرها صدر وردوف = بيض محاجرها وحلو نباها
ودي بشوفك مير يوم اقصر الشوف = عيني بعد هاك الرمد قل ماها
سويت لي يابنت يالعين معروف = باسباب رجل بعدتها خطاها
ولا ترا قلبي ليا اصطك بالجوف = اومي بحالي لين تابس عصاها
يا هل الونيت اللي يبي مشتل البيب = مادق صدره بالخطوط الغزيره
يوم يتخثع مع محير الأداعيب = يشدي تخثع جادل في حريره
لا تجربونه مايبي الفرت تجريب = قد جربه بالبيت الأبيض خبيره
عدوه لابن حزام سيد اللواعيب = لعاب زينات البيوت العسيره
ثم قل لقاعد مانبي منه تدريب = الوقت دربنا على كل سيره
لو كل من قاد السبب يعلم الغيب = ياما كرهت النفس من باب خيره
ان قفت الأيام ماها مغاريب = واليا اقبلت يا زين صافي غديره
قل له رميت الكيس بين الشواريب = واليوم ادوج ما لقيت اتعميره
يا كثر يا فيحان صبر صبرناه = امس الشهر عديت باقي اسبوعه
لاتغبط اللي صار زود بدنياه = يتبع هوى نفسه وغير طبوعه
مخطي طريق الحق غادي بعمياه = يجمع وصخ مال زوال نفوعه
اغبط تقي صار زوده بتقواه = عبد لصوت الحق يرخي سموعه
يفرح بصوت منادي الحق ناداه = عجل على المسجد بطي ركوعه
والا ترى الدنيا حدود مسماه = لابد ما يقفي وتقفي زروعه
انحاس بالي يا محمد وصديت = من كثر الصدات قلت شطونه
ماني وانا بندر بهيت ولد هيت = هيت يجامل خمة يكرهونه
من كثر ما جربت واقبلت واقفيت = قولة هلا من لايودك مهونه
سلط على النصراني اللي لقا الزيت = لعل نبع الزيت يعمي عيونه
لاشك تحتاج المراجل شفاليت = تحتاج شي يقصر النذل دونه
عزم على الفرجه وقطع الخلا الميت = حتى عيال البوم ما يقطعونه
ثلاث من كل المعاني تنقيت = واللي بقى كل الملا يقدرونه
ما بغى جزاهن غير من خالق البيت = عمالهن للناس ما ينفعونه
وسلامتكم