شيله للشاعره شيهانه شجاع العتيبي

[align=center]

[url][/url]

الأرض مأسوره لوتـــــــــــــها الغرابيل
واللي أسرها ذنوب في هجرها احسان

حبل الفرج معــــــــقود في ضمر الخيل
اليا بدى همــــــــــــس الأيادي بالإيمان

والرب يجزي مــــــــــن تضرع بتبجيل
وبامره جرى مــا يحيي الإنس والجان

غنت سمـــــــــــــا نجد العذيه مواويل
ثم اكتســـــــــت من لولو المزن هتان

وغطت على شمس الضحى بالمضاليل
ابكار جهمن مـــــــــــــرتفاتن لها شان

مثل العروس بضـــــــــافيات المخاييل
صوت الهبوب يسوقها بأعذب الحان

والبرق سيفن بــــــــارقه نجمة سهيل
يخطف بصر منـــهو نظر له بالأعيان

والرعد لا زمـــــــــجر صهيله بتهليل
اهتز موج الــمزن من خطوة حصان

واليا انفرط عقـــــــــده تنزل بلا ميل
حتى انسكب نـــــوه كما الدر مرجان

وهلت سحابـــــة نجد عذب الهماليل
وفاض الشعيــــب وسيل الواد وديان

الطير غنى والحــــــــــوايم زعاجيل
حتى تثنى باخــــضر الغصن رويان

وهاج الضمير بشوفة العشب والسيل
يغسل فياضن فيه حــــــضرن وبدوان

وبيت الشعر اطيــــب صروح المنازيل
وروضن خضر وسط الفيافي وبستان

وريح النفل لا خــــــالطه نفحة الهيل
ينعش خفــــــوقن لك من الهم ونيان

تركي على جـــــــال السمر بالمعاميل
ترقب نشاما لا لـــــــــفوا بك مسيان

وتصب للضيفان قـــــــــاع الفناجيل
بالبن ماهو للمـــــــــــــطاليق مليان

وزان القنص مع رفقتن للـــمشاكيل
وما يطرد الصيده من الحر شيهان

وتمت لنا بمنزل الـــــــــــحق تنزيل
اله الثنا والحمد مــــــــعطي ومنان

========================
اداء المنشد : محمد الخرعان
كلمات الشاعره : شيهانه شجاع العتيبي

[/COLOR][/COLOR][/alig

n]