قبيلة عتيبه منتديات قبيله عتيبة في الكويت - عرض مشاركة واحدة - تجمع خاص لكل اللي يبون مولود ذكر؟
عرض مشاركة واحدة
 
 
أدوات الموضوع ابحث في الموضوع انواع عرض الموضوع
قديم 09-09-2012, 02:23 AM   المشاركة رقم: 9
المعلومات
الكاتب:
اللقب:
مـشـرف ۩۞۩ الْــتــَقــْنـِيــَّةْ وَالْــكَــمْــبِــيُــوتَــرْ ۩۞۩
الرتبة:
الصورة الرمزية
 
الصورة الرمزية مخلد الذيابي

البيانات
التسجيل: Jan 2008
العضوية: 674
المشاركات: 3,647
بمعدل : 0.84 يوميا
معدل التقييم: 15
نقاط التقييم: 33
مخلد الذيابي is on a distinguished road

التوقيت

الإتصالات
الحالة:
مخلد الذيابي غير متواجد حالياً
وسائل الإتصال:

كاتب الموضوع : مخلد الذيابي المنتدى : مٌـلـتـقى الـعـامٌـ والـحٌـوار
افتراضي



غسول بيكربونات الصوديوم جم مره استخدمه ضروري:


بصراحه طريقتي نفعت مع خواتي ومانفعت معاي
والله اعلم ليش مايصير حمل معاي يمكن لان حملي عزيز ..

اول شي لازم تسوين حميه غذائيه قبل نيتج للحمل بخمس اسابيع على الاقل
وتكون الحميه عشان تزيدين الصوديوم بدمج
وتقللين الكالسيوم والحميه هي انج تكثرين من أكل
( الملح - الحمضيات بأنواعها اهمها البرتقال - البقوليات خاصه العدس -
صدر الدجاج بدون جلد - الفاصوليا - العيش - التمر -
كورن فلكس بدون حليب - لحم الخروف - الربيان - السمك -
الشاي - القهوه - البيبسي - الذره - الكيوي - الموز - الشمام -
العنب - المشمش - الطماط ومعجونه - النفيش )
وتمتنعين من أكل
( الحليب ومنتجاته - وربات - زنود الست-
الكنافه <اي شي فيه حليب مثل
البسكوت والككاو والكيك - الخبز الاسمر - الباميه -
الخيار - البيض - الجزر -المكسرات - الخضروات الورقيه الطازجه
والناشفه خس - جرجير - ملفوف - نعناع)
واحسن لو تسوين فحص دم تتأكدين ان فيج نقص
ولو خفيف بالكالسيوم لان لو سويتي طريقة الولد
والكالسيوم عندج مرتفع يكون اغلب الضن
انج راح تحملين ببنت حتى لو غسلتي بغسول ..
بعد ماتجيج الدوره اذا حابه تروحين لدكتوره
ثاني يوم دوره عشان تتأكد انج سليمه
ومافيج تكيس ولا مشاكل او حابه تاخذين كلوميد
يكون ثاني يوم بالدوره انسب شي تروحين للدكتوره ..
وتبدين من اول يوم دوره حبوب الجين سلكت
وهي اللي تكون بالبوكس الازرق



تحصلينها بالعرف بأربعين دينار الحبوب بروحها تباع بدون البوكس ..
تاكلين باليوم 3 حبات يعني كل 8 ساعات حبه ..
الحبوب تكفي الى يوم التبويض
وهالحبوب ترفع الصوديوم بجسمج ..

ولااازم يكون عزل بعد ماتغتسلين من الدوره
يعني مايكون فيه جماع كلش الا يوم التبويض ..
يوم التبويض يكون حسب دورتج ..
اذا حابه تسوين بجهاز فحص التبويض
واهو مثل فحص الحمل يجي بعلبه العلبه فيها خمس حباة
إذا طلع لج خطين الجماع يكون بعد مايطلعلج الخطين ب24 ساعه ..
وتلاقين داخل علبة فحص التبويض ورقه فيها جدول يبينلج
متى تفحصين بالجهاز حسب طول دورتج
(تحسبين طول دورتج مع ايام الدوره )
وتشوفين بالجدول افضل يوم لقياس التبويض



أما اذا حابه تحددين يوم التبويض بالضبط تروحين للدكتوره من اليوم 12 للدوره
وهي تشوف متى يكون حجم البويضه فوق 18 تغزج ابره تفجيريه
واذا كانت أقل تعطيج موعد عقبها بيوم لمن يصير حجمها فوق 18 عشان تعطيج الابره ..
والجماع يكون عقب الابره التفجيريه ب32 ساعه
وطريقت الجماع هو انج تغسلين بالغسول القلوي قبل الجماع بنص ساعه ..
والغسول مثل ماتحبين ممكن تستخدمين غسول
الجين سليكت اللي مخصصينه لهالشغله
وسعره اربعين دينار بالعرف وصورته بالبوكس الازرق فوق ..
او انج تستخدمين غسول فاجيل
وسعره رخيص جدا اتوقع دينار
ونص وفيه عشر حباة او غسول فيمينا العلبه فيها حبتين
هو غسول جاهز بس حطيه بصحن فيه ماي
دافي عشان يدفا مو زين تستخدمين الغسول بارد داخل رحمج..





انا ارجح فاجيل إذا استخدمتي غسول فاجيل هو عباره
عن جيس تفرغينه بلتر ماي مغلي خليه لمن يدفا
وصبي الجيس وذوبيه بالماي
وحطيه داخل الدش المهبلي واستخدميه
وهو دافي احسن لرحمج
وهذي صورة الدش المهبلي تحصلينه بالصيدليه ..



وعشان يكون الرحم اكثر قلويه استخدميه بعد الدوره يوم
وترك ويوم التبويض قبل الجماع بنص ساعه <<هذا بالنسبه لفاجيل
او فيمينا الازرق اما الجين سليكت غالي حطيه قبل الجماع بنص ساعه بس ..

ومن اول يوم دوره تبدين تشربين شراب قلوي اسمه يو راليت وهذي صورته



حطي نص قفشه بعصير كوكتيل a b c عشان يوخر طعمه لان طعمه لايطاااق ..
وشربيه تقريبا يوميا او يوم وترك ولكن قبل الجماع
بساعه حطي قفشه كامله داخل العصير
وشربيه والقفشه تكون داخل العلبه معاه
ويجي بالعلبه شرايط لفحص القلويه عن طريق البول
عزج الله اذا طلع لج لون ازرق كحلي غامج معناتها
جسمج قلوي اذا طلعلج أصفر شربي عصير مره ثانيه بس حطي نص القفشه ..

بالنسبه للزوج افضل انه يتسبح بماي فاتر
ويغسل المنطقه مالته بماي بارد شوي لان الماي البارد
ينشط الحيوانات المنويه الذكريه ..
وياكل ككاو ويشرب قهوه عبال ما انتي تحطين الغسول ..
وفي شغله هو انه يسوي تنزيل خارجي
باليوم العاشر لج من الدوره ثم يحاول انه ماينزل إلا يوم التبويض (بالجماع)
عشان تكون الحيونات المنويه كثيره وجديده ..
وأفضل ان الزوج يكون ماكل حبوب الزنك
وفيتامين e بالشهر اللي تكونين ناويه تحملين
فيه لانه يقوي الحيونات المنويه وبذلك تزيد فرصة الحمل..

طريقة الجماع تكون بطريقة السجود
والقذف يكون بأبعد مكان ممكن يوصله ..
في بنات طريقة السجود تتسببلهم هوا بالرحم
والهوا يقتل الحيونات المنويه اذا كنتي تعانين من هواء
بالمهبل من طريقة السجود يكون الجماع بالطريقه
العاديه مع رفع الارجل فوق يعني تكون على جتوفه عشان
القذف يكون بأبعد نقطه <آسفه على الجرأه بس حبيت اوضحلج ..
ولازم تنامين اقل شي ساعتين على ظهرج بعد الجماع
الجماع ينعاد بعد 12 ساعه بنفس الطريقه
واذا حابه تعيدينه بعد 12 ساعه ثالثه عادي

اتمنى يكون شرحي وافي واي استفسار انا حاظره

ولاتنسين اهم شي الاستغفار الف مره باليوم
او
اكثر مع الدعاء ..
الطريقه السابقه من تجميعي من الدكاتره اللي جربت عندهم الطريقه
ومن النت ونفعت مع خواتي ومع بنت عمي من اول شهر او شهرين
ولكن مانفعت معاي ..
سبحان الله انا ما احمل بسرعه جربت الطريقه حتى بدون غسول
ولاني شكيت فيه بس هم مانفعت معاي
والدكتوره قالت مالج لا حقن مجهري لتحديد جنس الجنين وحدي متخوفه منها ..

والله يكتبلج الولد الصالح اللي يسعد قلبج خذيت وقت
وانا اجمع افكار وكتبتلج مثل ماقلت لخواتي بالضبط لا تنسين تدعيلي بالولد الصالح















توقيع :






آخر تعديل بواسطة مخلد الذيابي ، 09-09-2012 الساعة 05:29 PM
عرض البوم صور مخلد الذيابي   رد مع اقتباس
 
 
1 2 3 4 5 6 7 8 9 10 12 15 16 17 18 20 21 22 25 34 35 36 37 39 42 44 45 47 48 50 51 53 54 55 56 57 58 59 60 62 64 67 70 71 72 75 77 78 79 84 86 87 89 91 92 94 95 96 97 98 99 101 102 103 104 106 109 110 113