قبيلة عتيبه منتديات  قبيله عتيبة في الكويت

قبيلة عتيبه منتديات قبيله عتيبة في الكويت (http://www.otabhq8.com/vb/index.php)
-   الشعر الفصيح والخواطر والحداثه (http://www.otabhq8.com/vb/forumdisplay.php?f=47)
-   -   ياما تهاوشنا على كيس فيشــار ...! (http://www.otabhq8.com/vb/showthread.php?t=49700)

عتيبيه وعتيبيه وعتيبيه 06-28-2010 03:10 AM

ياما تهاوشنا على كيس فيشــار ...!
 
ووووووو خوش ابيات .. الي يقرا الموضوع ولايرد يسمحلي انو ماعندو إحســـــ...................؟؟؟ << هع تلفيقه

يازين يوم اني انا وانتـي صغار
توما لبست شماغ وانتي عبــايه..

بالطول مانـــاصل ولا خمسة اشبار
دايم نقـــيس اطوالنا بالمرايــه..

مابيننـــا شيـــن نخبيــه واســـرار
ماغير لعب اطفال كل الحكايــه..

ماهمنا موجز ولا نشرة اخبــــار
التسليه صارت وسيله وغايــه..

وان جا فلم كرتون للقطو والفار
نجلس نتابع قصتــه للنهايـــه..

بالمدرسه نزعل على شان الاصفار
انتي سبب لعبك وانا من غبايـه..

ياما تهاوشنا على كيس فيشــار
انحاش به وافرح بطردك ورايه..

وان قلتي ياراشد ياويلك من النار
اخاف واستسلم وابين خطايـــه..

والى ضربتيني تقــل بيننــا ثــار
وان قلت كافي قلتي ماهو كفايه..

والى خلصتي ضرب بيمين ويسار
اخذتي الفيشار واللـي معايــه..

والى زعلت وقلت ابا اروح للدار
صحتي وقلتي اسفه يا غلايه..

واصدقك وافرح بعد ذيك الاعذار
واجيك لا حاقد والا احمل وشايه..

بس لو اشوفك مع بشر غيري اغار
لو كان اخوي أو من أعز اصدقايه..

واركض لخوك اقول شفها مع اكبار
عشان يفرض لي عليك الوصايه..

هــــذي طفولتـنا براءه وتذكـــار
دايم نحن اليا ذكرنا البدايــــه..

واليوم ابا اكتبها سواليف واشعار
وافكر انتجها بفـــلم وروايـــه..

.. منقول ؛

منصور سعد 06-28-2010 03:42 AM

بالمدرسه نزعل على شان الاصفار
انتي سبب لعبك وانا من غبايـه..

ياما تهاوشنا على كيس فيشــار
انحاش به وافرح بطردك ورايه..

وان قلتي ياراشد ياويلك من النار
اخاف واستسلم وابين خطايـــه..



الله الله روعه قصه مع قصيده

شكرا لك

لاتحرمينا

الكيكة 11-20-2010 05:41 PM

بس لو اشوفك مع بشر غيري اغار
لو كان اخوي أو من أعز اصدقايه..

واركض لخوك اقول شفها مع اكبار
عشان يفرض لي عليك الوصايه..





روعه يسلموووو عتيبية على هذه القصيده الممتعه

احمد العتيبي 10-16-2012 01:28 AM

قصيدة رائعة
صح لسان القائل وبارك الله في الناقل


جميع الأوقات بتوقيت GMT +3. الساعة الآن 03:20 PM.

Powered by vBulletin® Version 3.8.9
Copyright ©2000 - 2019, Jelsoft Enterprises Ltd.

تطوير LASECo.com

Ads Management Version 3.0.1 by Saeed Al-Atwi

المقالات والمواضيع في الموقع لا تعبر بالضرورة عن رأي الموقع بل هي وجهات نظر لكاتبها

1 2 3 4 5 6 7 8 9 10 12 15 16 17 18 20 21 22 25 34 35 36 37 39 42 44 45 47 48 50 51 53 54 55 56 57 58 59 60 62 64 67 70 71 72 75 77 78 79 84 86 87 89 91 92 94 95 96 97 98 99 101 102 103 104 106 109 110 113