قبيلة عتيبه منتديات  قبيله عتيبة في الكويت

قبيلة عتيبه منتديات قبيله عتيبة في الكويت (http://www.otabhq8.com/vb/index.php)
-   قسم المحاورات العامه (http://www.otabhq8.com/vb/forumdisplay.php?f=59)
-   -   محاوره بين حبيب والقرقاح (http://www.otabhq8.com/vb/showthread.php?t=616)

((الـروقـي)) 05-24-2007 03:53 PM

محاوره بين حبيب والقرقاح
 



حــبـــيّـــب الــعـــازمـــي


الشاعر اللي فيه سيما اهل الكرم والصالحين.....احيان يقرا ماكتب واحيان يكتب ماقرا

وصاه ابوه وجده اللي وراثه والصا لحين........امايحصل مابحر والايحصل ماقرا

فــــــــلاح الـــقـــرقـــاح


ياحبيّب الروقي بلشنا في الليالي والسنين.......الله يساعدنا على الكوكب وما به من ورا

راح المفرج والمزرج والمصقل والسنين.......ما باقي إلا قفش ترباسه رما به من ورا

حــبـــيّـــب الــعـــازمـــي

يابو محمد مامشينا فالدروب الا يمين..........وانته تعرف الايمنا وانته تعرف الايسرا

لاكن لاياخذك فاهل الزور لوم الايمين........مار انتبه للي سرح واحسب حساب اللي سرا


فــــــــلاح الـــقـــرقـــاح

دينٍ ما ينكر منكراتٍ محدثه ماهوب دين.......والوادي الممحل لا راد الله له الرحمه جرا

البيع يا طير السعد عد وعدد ماهوب دين.......والطيب اللي لا جرا غيره مع الزحمه جرا

حــبـــيّـــب الــعـــازمـــي

يالله لاتفرح علي اهل الحسد والشامتين .......ويبطي عدوي من صوابه بعد اصابه مابرا

ياهل الهوى وين الهنوف ام الوشم والشامتين.....كم واحدن يقول عاشق مار جسمه مابرا

فــــــــلاح الـــقـــرقـــاح

انتو وحنا طال عمرك كلنا من قالطين.........الله تعالى يجعل لمن طاعه حجاب وذرا

منقال طين اهل البناء ياصاحبي منقال طين......ويوم الحصاد يحصّل المحصول من جاب وذرا

حــبـــيّـــب الــعـــازمـــي

انته وابن وسام سجلتوا هدف فالدورتين........واناقريت القارعه والزلزله والم ترا

التين فالبستان يارجلٍ تبا فالدور تين...........لاكن قيس المزرعه باليارده والامترا


فــــــــلاح الـــقـــرقـــاح

انا وابن عمي كفو والشارقة ماهيب عين.......انقل ترا ما عاد في الديرة مكان انقل ترا

العين صارت خشم ياحبيّب وصار الخشم عين....وهل السعودية ما تعرف مهرجان انقلترا

حــبـــيّـــب الــعـــازمـــي

لوتحسب القسمه على المقسوم له والقاسمين.......اللي يباع برخص في سوقه بسعره ينشرا

القاجمل والقاجزل والقاهزل والقاسمين...........مير الصحافه كل شيئاً ضدها ماينشرا


فــــــــلاح الـــقـــرقـــاح

مافاد ابو شوشه لا ابو شارب ولا ابو شاربين ......لا جات له بالمشترى والبيع ولا بالكرا

خلق الله بنعمة وخير وما كلين وشاربين...........خل العيون اللي نضب ماها تحلا بالكرا


حــبـــيّـــب الــعـــازمـــي

وين السيوف القاصمه ياصحبنا والمرت وين.......الفن علينا ماطرا والفن علينا قد طرا


الله خبير بحال من ماتو ظما والمرتوين............وان كان ماهب السعد فلاعلى الدنيا طرا


فــــــــلاح الـــقـــرقـــاح

انا ليا جارت علي الأيام قلت الله يعين............وإن زان وقتي جيت عدواني على الكون جهرا


الرقية الشرعية تعالج لو العاين يعين............عيون يسبق شوفها الدربيل وعيون جهرا

حــبـــيّـــب الــعـــازمـــي

اللي يحب المرجله يبديلها والها يبين............واللي يعدي في كرا يقدر يحول من كرا

وانته تعرف الصاملين امن العرب والها يبين......حدث ولاتنسى نصيبك مع نكير ومنكرا

فــــــــلاح الـــقـــرقـــاح

يقودنا لأهل المراجل والوفاء شوق وحنين........الحزة البركة الياجتمعوا مشايخ وامرا

كلن يعرف اللي لا شال الحمل ما جاله حنين......وانا لكم حتى لو إني من ورا الفيوم ارا

العضياني 05-26-2007 02:37 PM

لاهنت
على المحاوره الجميله

نسيم الشرقية 05-28-2007 01:50 AM

محاوره راائعه

الله يعطيك العااافيه ..

أبــو مـانــع العتيبي 05-29-2007 02:07 AM

لاهنــت يالروقي

جراح العصيمي 06-03-2007 10:42 PM

الله يعطيك العافيه على هذه المحاوره

وتقبل تحياتي

المحياني 06-04-2007 03:20 AM

يعطيك العافيه على المحاوره ولاهنت اخوووي الروووقي

الزيادي 08-12-2007 05:21 AM

الله يعطيك العافيه اخوي الروقي

على المحاورة الرائعه

اخوك الزيادي

المقاطى_q8 08-16-2007 01:31 AM

محاوره راائعه

الله يعطيك العافيه

اخوي الروقي

تحيتي

محمد الدعجاني 08-16-2007 02:10 AM

لاهنت يالمقاطي
والله يعطيك العافيه

على المحاوره الطيبه

الــولــيــد 08-26-2007 04:17 PM

محاورة جميلة


جزاك الله خير ،،،


جميع الأوقات بتوقيت GMT +3. الساعة الآن 03:10 AM.

Powered by vBulletin® Version 3.8.9
Copyright ©2000 - 2019, Jelsoft Enterprises Ltd.

تطوير LASECo.com

Ads Management Version 3.0.1 by Saeed Al-Atwi

المقالات والمواضيع في الموقع لا تعبر بالضرورة عن رأي الموقع بل هي وجهات نظر لكاتبها

1 2 3 4 5 6 7 8 9 10 12 15 16 17 18 20 21 22 25 34 35 36 37 39 42 44 45 47 48 50 51 53 54 55 56 57 58 59 60 62 64 67 70 71 72 75 77 78 79 84 86 87 89 91 92 94 95 96 97 98 99 101 102 103 104 106 109 110 113