المساعد الشخصي الرقمي

مشاهدة النسخة كاملة : الزلامي**الألفين


محمد المقاطي
08-21-2007, 10:36 PM
السلام عليكم ورحمة الله وبركاته


محاوره رائعه بين

رشيد الزلامي (( فلتر الشعار ))

تركي الميزاني (( الالفين ))

اتمني ان تنال اعجابكم



الزلامي


ياتركي الفين نسمع عنك بعض الكلام=ومطير ماودنا نشذب عراقيبها
اما ليا جيتنا وقف 00ورد الســــــــلام=ولا نكبناك نكبه مانت داريـبها

الميزاني


السر مدفون مابين اللــحم والعـظــام=واهل المواجيب ماننقص مواجيبها
أنا سلامي عليكم00مرةٍ كل عـــــام=واهل الهناديب ماتـنفع هناديـبها

الزلامي


انته من العام تخلطها حـلال وحــرام=ماعاد لك قبلةٍ تعرف تصليبها
تشيل عشرين طلقه ميته بالحـزام=وتزهب البندق العجرا وترميـبها

الميزاني


اللي يقول الحقيقه مايجيه المــــلام=والنار ياكثر من يشعل مشاهيبها
إن كان عين الزلامي مايجيها المنام=من يرخي إذنه لهرج الناس يوحيبها

الزلامي


ترا معي حيلةٍ لمخالفين النـظـام=واللــه لخليك ياتركي تهذريـبها
وإني لطاردك وسط المملكه شرق شام=لين الطروق الرزيله ماتغنيبها

الميزاني


أنته00وانا 00كلنا متقاسمين الطعام=لكن الايام لاتامن عواقيبها
ياراعي الخشم خشمك لا يجيه العرام=لحيتك تقديرها من قدر أشانيبها

الزلامي


الوقت يا شاعر المطران جاله سنام=لكن عوجة رقبته00وش نسويبها
والحر يشبك بفرخٍ من فروخ الحمام=يا طيبها يوم جابت صقر ياطيبها

الميزاني


صل الفرايض وحج البيت واقض الصيام=لا عاد سبحتك للعالم تواميبها
النور يا شاعر الروقه يزيل الظــلام=وحنا صقور ٍ تعشيها مخاليبها

الزلامي


انـتم قبيـله لكن الطق فك اللحـام=مطير قوم ٍ خلقنا اللــه لتعذيبها
سقناك من قلة الحره لغربي نعام=ديار تصبح بها00 وديار تمسيبها

الميزاني


أعرف عشيره واعرف الجمش واعرف جهام=ياشيب عينك من المطران يا شيبها
تحمد الله00 وريح فوق ريـش النعــــام=ضيوفكم ماتبا تجرح معازيبها

الزلامي


انته تعرف الدير00لكن بياع خــام=ماغير تمشي وكل أرض ٍ تعشيبها
حنا ليا حميت الهيجا00وحصل الزحام=نشرب فناجيل خلق الله 00ونرميـبها

الميزاني


أنا من اهل الأشده في نهار الزحام=رجليك اباأنشدك من كسر عراقيبها
ياهل الفناجيل جاكم ردها بالتمام=من حول أهل المناصب من مناصيبها

الزلامي


صاحبك شايب لكن انته بسن الفطــام=أعرف علوم ٍ ماظن ألفين يدريبها
والله يالولا حياي من الرجال الحشام=لا قولها صح واخليت تسريبها

الميزاني


انته تحلم00ولا غشتك غير الحلام=راجع دفاترك تلقا في مكاتيبها
وراك ما قلتها ياصاحبي من شمام=حتى إن حملتك في ظهرك تزوزيبها

الزلامي


يامطير ماعاد ينفعكم شراب وطعام=من يوم فارقتم أم الرمث وشعيبها
قامت عليكم دروز ٍ ماتعرف الكلام=وانتم كما العقرب اللي تلوي ذنيبها

الميزاني


جدك توفى وفارق ناقشات الوشام=وأبوك شيب وهيبتنا يهذريبها

المقاطى_q8
08-22-2007, 11:58 AM
محمد المقاطي

نقل مميز

الله يعطيك العافيه

تحيتي

محمد المقاطي
08-22-2007, 01:34 PM
الله يعافيك

يالمقاطي

ومشكور علي المرور

الــولــيــد
08-22-2007, 01:45 PM
نقل رائع جدا




سلمت يدك





تقبل مروري

محمد المقاطي
08-22-2007, 01:59 PM
ومن قال سالم

اخوي ابو يوسف

وشاكر لك مرورك

الجميل

محمد الدعجاني
08-23-2007, 05:36 AM
لاهنت

ويعطيك العافيه

يابو يوسف

محمد المقاطي
08-23-2007, 11:02 AM
ولا انت ابو سلطان

والله يعافيك

وشاكر لك مرورك

ولد النفعه
09-10-2007, 10:10 AM
مشكور

خوش محاوره

النفيعي 511
09-11-2007, 06:01 AM
السلام عليكم ورحمة الله وبركاته

الصرااحه خوووش محاوره وسمعتها من قبل واحسن بيت
انتم قبيله لكن الطق فـك اللحـام مطير قوم ٍ خلقنـا الله لتعذيبهـا

محمد المقاطي
09-12-2007, 02:32 AM
مشكور

خوش محاوره

العفوو

اخوي ولد النفعه

محمد المقاطي
09-12-2007, 02:33 AM
السلام عليكم ورحمة الله وبركاته

الصرااحه خوووش محاوره وسمعتها من قبل واحسن بيت
انتم قبيله لكن الطق فـك اللحـام مطير قوم ٍ خلقنـا الله لتعذيبهـا


النفيعي 511

اسعدني مرورك

ومشاركتك يالغالي

الزيادي
09-13-2007, 05:34 PM
الله يعطيك العافيه اخوي محمد المقاطي

على المحاورة الرائعه

تقبل مروري

اخوك الزيادي

محمد المقاطي
09-14-2007, 01:47 AM
الله يعافيك

اخوي الزيادي

واسعدني مرورك

يالغالي