المساعد الشخصي الرقمي

مشاهدة النسخة كاملة : العريس اللي نسي عروسته .........لا تفوتكم


الــولــيــد
08-20-2007, 12:08 PM
هذا واحد توه معرس وخلصت الزفه والامور اللي في القصر.. اخينا في الله شغل يعني اخذ حرمته وركبوا في السياره .. ودعس لديرتهم يعني اهل العروسه
في منطقة وهو ساكن بمنطقة ثانية
والبنيه تستحي ومبوزة طول الطريق .. والرجال ماغير يسولف ويهذر والبنية
سااااكته .. ماااااحولك احد
الرجال يأس من البنت انها تتكلم .. وقال يا ولد ما وراها هذره اشغل المسجل
وامسك الخط



عاد هي طمرت على المرتبه الي ورى عشان تنام عشان يخف عليها وجع الفراق
.. الين يوصلون محطه

المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم ببسي حق الطريق
هو كان وده ياخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا
ام كلثوم

البنت على نزلت زوجها الا نزلت لدورات المياه حق الحريم الي عند المسجد
الي جنب البقاله
قالت يابنت بيمديني اطمر واخلص وارجع قبل لا يرجع هو من البقاله

المهم المسكينه راحت واخذت وقتها

اخينا في هالوقت رجع للسياره وعلى باله مرته في المرتبه الي
ورى وخبركم عبايه سودا واخر الليل ما انتبه انها مو في السيارة
وهوشغل ودعسسسس

البنيه المسيكينه طلعت
وتناظر يا بنت وين السياره ... وتتلفت ما تشوف غير الهنود حق المحطه
وحق البقاله

عاد تخيلو الصدمه يوم عرفت ان زوجها دق سلف ومشى والبنت المسكينه
حتى في نفسها مهيب راضيه تصدق انه مشى .. جالسه تتأمل انه يمكن
راح منا ولا منا وبيرجع

شوي ما وعت الا ذاك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ... قالت زين عائله وتروح وترمي روحها على
الحرمه الي قدام .. وهي ام العيله وتقول لها خالتي انا داخله على الله ثم
علييك .. وهذي قصتي والعجوز مسكت راسها وقالت .. يابنيتي انتي تعرفين
سيارة زوجك .. قالت ايه اعرفها

قالت قومي اطمري نلحق على زوجك

ويعبون بنزين ويدعسون وراه

نعود الآن لصاحب الفصفص
اخينا في الله مريح وماشي .. بعد ما لقوه في الخط على بعد نص ساعة

عاد تخيل حبيب القارئ انك على طريق و فجأة وراك جمس يكبس
بالنور بشكل مخيف يبيك توقف وش رده فعلك

اكيد الرجال دعسسسس قال ياولد هذولا مهابيل بيضروني ومعي عروستي
.. ويااافشيلة اذا انطقينا
والجمس وراه داعس يحاول معه انه يوقف .. المهم الذهين اللي يسوق الجمس
عرف وش يسوي .. فقام يولع
نور الجمس اللي في الداخل عشان العريس يشوف ان اللي في الجمس عائله

وأخيراااااا انتبه و يوقف ... قال وش عنده ذا

ونزل وهو معصب

عاد من اللي متوهق في هالموقف .. اكيد هو راعي الجمس يقول في نفسه
وشلون اقوله ان مرته معنا

يبي يجيبها بأسلوب تدريجي عشان العريس ما ينصدم .. خبركم مثل هالموقف
وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك والعالم يتمشووون ولا عندهم سالفة
غيرك .. تصير علك دائم الحلى .. ولا تصف يم علك ابو سهم .. يتشمتون فيك
المهم راعي الجمس سلم وقال له اخوي ما كأنك مضيع لك شي

قال له العريس ... لا ولله ما ضيعت شي

قال له تأكد

قال العريس ... وشلون

قال راعي الجمس .. رح طل في سيارتك شف في شي ناقص لك

العريس قام يوسوس حتى المشكله مرته ما جت على باله

المهم راح ودخل خشته داخل السيارة وقال يا مره في شي طاح مننا
وحنى في المحطه محد رد عليه

ويوم لون وجهه بدا يميل للكرت الاحمر.. ووووووووين راحت المره

ورجع لراعي الجمس وقال هات السالفه 00

قال يا ولد مرتك لقيناها عند المحطه انا واهلي 00

عاد العريس كل انواع النفاضات نزلت عليه تلعثم ولا قدر يتكلم

المهم راعي الجمس راح وقال للعروسه يلااا طسي عند زوجك شوفيه
متصرمع عليك

المهم العروسه ركبت مع زوجها في السياره وانطلق لسانها اللي كان
مربوط وقامت تتعذر له .

وتقول لا تزعل مني..

هههههه يا شين التميلح .. توها تتميلح .. عاد انقلب الوضع صار العريس
هو اللي مبوز طول الطريق والعروسه الي قاعده تبربر ما بقى الا انها
هي اللي تسوووق




منقوووووووووووووووووووووول

محمد المقاطي
08-20-2007, 06:45 PM
مشكووور

ابو يوسف

علي النقل

ويعطيك العافيه

الــولــيــد
08-20-2007, 07:00 PM
العفو





يسلمووو على المرور اخووي محمد المقاطي

المقاطى_q8
08-21-2007, 11:50 AM
ابو يوسف

نقل مميز

تحياتي

الــولــيــد
08-21-2007, 12:59 PM
مشكوووور المقاطي على المرور الجميل

MNahiY
08-23-2007, 10:29 PM
احم احم

يعطيك الف عافيه ..

الــولــيــد
08-24-2007, 12:38 AM
منااحي يعطيك العافية على المرور

*(سلطان المقاطي)*
08-26-2007, 11:43 PM
:shiny: ههههههههه:shiny:
بو يوسف يعطيك العافيه
على النقل المميز ولاهنت

((الـروقـي))
08-27-2007, 12:41 AM
هههههههههه نعنبو قلبه كيف نسيها

امحق عرس اللى هذا اوله

لاهنت ابو يوسف على القصه اللى جعلها ماتمر عليك ليا اعرست

الــولــيــد
08-27-2007, 11:56 AM
ههههههههه
بو يوسف يعطيك العافيه
على النقل المميز ولاهنت



دووم الضحك اخووي سلطان




سلمت يدك على المرور

الــولــيــد
08-27-2007, 11:57 AM
هههههههههه نعنبو قلبه كيف نسيها

امحق عرس اللى هذا اوله

لاهنت ابو يوسف على القصه اللى جعلها ماتمر عليك ليا اعرست




ههههههههههههههههههههههههههههه


لاهنت على المرور يالخال

الكيكة
05-14-2010, 10:51 AM
ههههههههههههههاي


بصراااحه قصه مسلييية جدا ماودي تخلص هع

محمد الدلبحي
05-30-2010, 10:41 AM
لا هنت الوليد على النقل

تقبل مروري..

ناصر الرويس
05-30-2010, 10:26 PM
يعطيك العاافيه

علي النقل الرائع

تقبل مروري

تحياتي لكـ

ودمــت بـود