المساعد الشخصي الرقمي

مشاهدة النسخة كاملة : قصيـــــ الضيقة ـــــــد .. مميزه .


المقاطى_q8
08-17-2007, 03:04 AM
قصيـــــ الضيقة ـــــــد .. مميزه .

--------------------------------------------------------------------------------

أرجو أن تحوز على رضاكم :


الضيقة اللي مالها حزه ولا منها مصد=أخاف ساعات العصير المقبله تاتيبها
يالله دخيلك من قسى وقتي وحظٍ ماصمد=في وجه صكات اليالي يوم يقنب ذيبها
واعوذ بك من فتنة الدنيا ومن ضيق اللحد=واسئلك عن نفسي من الشيطان لايغويبها
وسئلك تفغرلي ولصحابي ولعدائي بعد=تعفو عن ذنوبٍ نجي فيها وحن ندريبها

الوقت يشعاني على الطرقه وانا مافي جهد=شهب اليالي تقهر صدور الرجال بغيبها
لكن انا لو جارت ضروفي وزادت بالعدد=اضرب بها الحايط طناخة راس ولا اشكيبها
واعز نفسي مع مداغيش النشاما واجتهد=على ظروفٍ تجلب الضيقه ولا تسريبها

والبارحه في راس مشرافي ولا افكر فأحد=كني ملكت الأرض من شروقها لمغيبها
قعدت افكر فالسنين اللي مضت واللي بعد=ليييه السنين التاليه تفشل ويفشل صيبها
وليه الرفيق اللي ليا منه تجمل ماجحد=ان ماذكرها لك .. مع كل العرب يحكيبها

ياحيف يارفقة ضعيف النفس مافيها سند=مالله بجابرني على رفقتك ويش ابغيبها
لاسرت تطعنني بشلفاك الرهيفه وتخمد=فـ الطعنه اللي فـ الظهر مانيب من يغزيبها
لو دامت افعالك كذا ردت لك الدنيا لدد=حافظ على سمعتك من فعلتك لاتقفيبها

الرجل لامنه نوى يغزي ينوّه ويهجد=ماهوب يغزي وان رجع هزل العلوم يجيبها
لكن ياطلق الحجاج اللي عيونك ماتلد=الا لروس النايفات اللي مهو يبديبها
كون الحرار الشقر وعيال الذيابه والأسد=ولا الرجال اللي مع العريف يذكر طيبها

اسئل رفيقك من بعد مغزاه قله وش حصد=غير العلوم اللي ماتطلق وجه من يمشيبها
عزالله انه كان فـ عيون النشاما مثل اُحد=واليوم مثل الحية اللي تنعرف بجنيبها
حاولت اكذب بالخبر لكن على غمي وكد=والسالفه قام الزمان المنحرف يدويبها

لكن على كلاً ياحامد كانك بتاتي .. حمد!!=قله ترا البندق من المؤسف تثور بجيبها
البندق اللي ماتصوب كون ابن عم وولد=عيبٍ على الرجال ينقلها ويجهل عيبها
لاسارت البندق مع عاقل وهي فيها صدد=كبرت خسايرها عليه اليا قعد يرميبها

وشلون لاسارت مع جاهل وفعيونه رمد!!=لاوالله الا راحت الدنيا وراح اللي بها
رفقة مثل هذا وهذا كلها كيد ونكد=ولا تحرا منّه الا نكبةٍ يضويبها
ماكنه الا العقرب اللي ذيلها كلها عقد=ان روّعتك بزولها ولا قرصك ذنيبها

لكن تعال اعلمك ياصاح بعلومٍ جدد=لو تزعلك بعض النقط... لايزعلك نطقي بها
اشره على العاقل ليا شفته بجرحي يعتمد=ولا العلوم الباقيه مانيب من يحريبها
البيت مايبنى بدون اطناب..وحجاب..وعمد=والنار من شبابها والخيل من ركيبها

وأنا عيوني لـ الطليعا فوق ..معطتني عهد=والأرض تكره مشيتي وانا بعد ماليبها
اغزي على بيت الشعر في عقر داره ويهجد=من هيبتي عنده بيوت الشعر لي يصخيبها
كذا كذا الشاعر يجي فـ الشعر قمه للأبد=ولا بلاش يلخبك الأبيات ويهذريبها

الشعر مثل الموج ودقاق الشعر مثل الزبد=ولا الدرر في غبةٍ بعض الرجال تهيبها
وانا بحاول قدر الأمكان اتعمق وابتعد=وان قلت لك باجيبها ... في ذا الشنب لاجيبها
شاعر مفوّه واسبح الغبه وابشر بالسعد=واكسب دررها كسب.مابيّع بها واشريبها

لأن الشعر مثل البلد وانا مثل حاكم بلد=وبلادي اسجل تواقيعي بها واسمي بها
وانا فقط شاعر ولا ابغى لي بلد لو تنّوجد=ابلادي حروف القصيد اصبح بها وأمسيبها
واسجد لوجه الله واقول ارجوك يافردٍ صمد=تعفو عن ذنوبٍ نجي فيها وحن ندري بها

,
,

لشاعر السعودي / صالح بن مانعه المري

محمد المقاطي
08-17-2007, 03:16 PM
الله يعطيك العافيه

اخوي المقاطي

علي الاختيار والنقل الموفق

وصح لسان الشاعر

صالح ال مانعه

المقاطى_q8
08-18-2007, 04:43 PM
يسعدني تواصلك الدائم

اخوي محمد المقاطي

اجمل تحيه لك عزيزي

الــولــيــد
08-18-2007, 08:02 PM
يعطيك العافية اخووووي المقاطي على القصيدة الجميلة









تحياتي

المقاطى_q8
08-19-2007, 05:19 AM
الله يعافيك
ابويوسف

الاجمل مرورك العطر


تحيتي

d-r
08-19-2007, 06:57 AM
صج لسان المري
------------وشكرا يالمقاطي

المقاطى_q8
08-20-2007, 08:41 PM
لاهنت علي المرور

d-r

تحيتي

الزيادي
08-31-2007, 05:14 PM
الله يعطيك العافيه اخوي المقاطي

صالح المري شاعر القصيدة هذي انا سمعتها على قناة البوادي

والله القصيدة هذي رائعه

تقبل مروري

اخوك الزيادي

*(سلطان المقاطي)*
08-31-2007, 10:27 PM
اخوي المقاطي _q8 يعطيك العافيه

وصح لسان الشاعر صالح المري

تـقبل مروري ،، ولاهنت على النقل المميز

المقاطى_q8
09-01-2007, 07:29 PM
الله يعافيك

سلطان المقاطي

شكراً علي المرور

المقاطى_q8
09-01-2007, 07:34 PM
الزيادي

لاهنت علي المرور العطر

لك ارق واجمل تحيه