المساعد الشخصي الرقمي

مشاهدة النسخة كاملة : اللي يبا ياخذله فنجال حياه الله دعوه عامه للشعار


طارق النفيعي
08-13-2007, 11:52 AM
سلام ياربعي اعتيبه طوال الشبور
من شاعر(ن) فاهم الدنيا ودوراتها

فكري بحر ناوين شاعر يغوص البحور
واللي يغوص البحور ايجيب جزلاتها

نفيعي البجاديه

محمد المقاطي
08-13-2007, 02:38 PM
صح لسانك

اخوي طارق

واستلم طال عمرك



يامرحبا ياهلا والطيبه ماتبور=من شاعر عاصر الدنيا وصكاتها
البحر ثابت ولكن الكواكب تدور=يامدور للكواكب عان دوراتها

طارق النفيعي
08-13-2007, 03:07 PM
صح بدنك واستلم يالذيب

دام البقا يامسطر من جميل السطور
والنفس حذرى تمشيها لمشهاتها

البحر ثابت ولو هاج البحر لاعبور
والناس جوف البحر ماتحصي امواتها

محمد المقاطي
08-13-2007, 03:23 PM
الله الله

خلوهاااا



انته من اهل البجاديه وتبني قصور=وش حيلتك فالرياض وفي عماراتها
خل البحر فالبحرعشرين بابور دور=ياليت ننجا ولا نغرق بغباتها

طارق النفيعي
08-13-2007, 03:40 PM
انا من اهل البجاديه وعرفي خبور
انزل بروس القمم مانزل بهفواتها

انا مسند ولا كن انت طحت ابحدور
وشفيك خايف من الدنيا ولوعاتها

محمد المقاطي
08-13-2007, 08:59 PM
خلوهاااا



الله يعافيك وانته صقر ضمن الصقور=والسالفه روحت من ودها هاتها
كنت احسب النور نور وصار ماهو بنور=الله يعوض علي رجلي وخطواتها

طارق النفيعي
08-14-2007, 12:27 AM
الأخ العزيز محمد المقاطي ماقصرت وعزالله انك رجالً كفو ولي الشرف ألعب مع اللي مثلك وشرواك والاستفاده لي أنا
وبيني وبينك لقاء آخر

محمد المقاطي
08-14-2007, 05:54 AM
ماعليك زود يابن العم

والله لايهينك

وسعدت باللعب معك ياذيبان