المساعد الشخصي الرقمي

مشاهدة النسخة كاملة : ( يكفّي يا العتيبي )


محمد المقاطي
08-10-2007, 04:01 PM
السلام عليكم ورحمة الله وبركاته


هذي قصيدة لاتحتاج لتقديم للشاعر : فالح الهاجري




بيوت الشعر ما توفي شعورٍ حرّك الوجدان=وفاض به الصدر عقب الوساعه وامتلا شعيبه
كلامْ يوقّف المعنى على رِجلْ ويهزّ آذان=يِشيب اله الولد ويردّ حِلْم العمر للشيبه
وليه اكتم وانا ما الله بجابرني على الكتمان=بغتاب العرب لو فالشريعه تَحْرَم الغِيبه
سلام الله على روس العرب ولاّ على العتبان=صناديد الفخر والمستريب يموت في ريبه
لو التاريخ ينطق ما ترك لاهل اللسان لسان=ولا له غير برقا وروق تاريخٍ يهذري به
لو ان العزّ كان حصان لا يِعسَف ولا ينهان=لقيت أدنى صبي فعتيبه يودّيه ويجيبه
تساميّ يا بيوت الشعر عمّا يجرح العنوان=وهاتي كلّ مضمونه من عتيبه إلى عتيبه
على الشيخ الكبير اللّي صهيله يِفزع الفرسان=سلام الله ، عسى الله يحسن لمثواه ويثيبه
بكى له نجد واهتزّ الجنوب وصاحت الصمّان=على موت الكبير اللّي بقى مجده يماري به
قريته لين قلت الشان عقبه ما بقى له شان=حفظته لين قلت الشعر عقبه من يغنّي به
مواقف تركي بن حميد تقصر دونها الشيخان=لو ان المجد هيّن شفت كلٍ في مراقيبه
عتيبه قبل تركي شامخه وتزلزل الوديان=ومع تركي تلبّسها الفخر والمجد والهيبه
اليا منها اسكنت ماكنّ في مرباعها سكّان=لولا صوت النجر يكفي بصوته عن معازيبه
سلام لمن بغى السلم وتعوّذ من قذى الشيطان=وملجا لمن هموم الوقت تومي به وترمي به
وايلا من حركّوها ياقف المارد ويصحى الجان=تصلّي شرق واللي ما تصلّي به تصلّي به
وايلا من ثار بارود البنادق واحتمى الميدان=تجرّع خصمها مرّ الهزايم واشهب الخيبه
ولازالت على راس الشرف يرجح بها الميزان=من السيف المصقّل فالوغى لللجود والطيبه
حقايق واضحه والجاهل اللي يطلب البرهان=هذاك اللي الحسد خلاّه يسبح في عذاريبه
يجوز إنّه يبيع الما على اللي يحتضر ظميان=ولكن لا يبيع اللي يتصدّق من مشاريبه
هواي عتيبي وساسي يعنّز بي على قحطان=ولا باصله يشكّ إلاّ الوضيع اللي كشف عيبه
ليا من فاخرك من قال كنّا في زمانٍ كان=يكفّي يا العتيبي لو تقول إنّك من عتيبه




وصح لسان فالح الهاجري ..

وبيض الله وجه على القصيدة الجزلة

ونعم وسبعة انعام بالهواجر كلهم ..

ونعم وسبعة انعام بباقي القبائل كلها

الــولــيــد
08-10-2007, 06:08 PM
صح لسان قايلها




يعطيك العافية اخوووي محمد على النقل الرائع




تقبل مروري

محمد المقاطي
08-10-2007, 06:58 PM
صح بدنك

اخوي ابو يوسف

والله يعافيك

نسيم الشرقية
08-10-2007, 08:34 PM
قصيده راائعه

صح لساان قايلها

والله يعطيك العافيه ..

محمد المقاطي
08-10-2007, 09:46 PM
صح بدنك

والله يعافيك

اختي نسيم الشرقية

الزيادي
08-12-2007, 04:03 AM
الله يعطيك العافيه اخوي محمد المقاطي

على القصيدة الرائعه

اخوك الزيادي

المقاطى_q8
08-12-2007, 04:14 AM
صح لسان فالح الهاجري

ولاهنت ابويوسف علي النقل

قصيده جزله


تحيتي

محمد المقاطي
08-12-2007, 09:07 AM
الله يعافيك

اخوي الزيادي

ومشكور علي المرور

الكريم

محمد المقاطي
08-12-2007, 09:08 AM
ولا انت

اخوي المقاطي

وصح بدنك

تحيتي

*(سلطان المقاطي)*
08-26-2007, 10:08 PM
يعطيك العافيه محمد المقاطي

ولاهــنت على القصيدة

ولاهان فالح الهاجري
ـ.ـ.ـ.ـ
تـقبل مروري

محمد المقاطي
08-27-2007, 12:34 AM
الله يعافيك

اخوي

سلطان المقاطي

وشاكر لك مرورك

ومشاركتك