المساعد الشخصي الرقمي

مشاهدة النسخة كاملة : ان جاد حضك - بركات الشريف


المقاطى_q8
08-07-2007, 05:26 AM
ان جاد حظك باع لك واشترالك

هذي قصيدة للشريف بركات

احد اعلام الشعر الشعبي

قصيدة رائعة جداً

أخليكم مع أبياتها ...!!


أفهم بنا ما أقول لك طاب فالك=سعود الفتى بالحظ من غير تشكيك
ان جاد حظك باع لك واشترى لك=فوايده من كل الآفاق تاتيك
وان بار بك عزي لحالي وحالك=وباردى الثمن لزمن يبيعك ويشريك
وان جاد حظك بالمجالس حكا لك=وصدّق مقالك كل من هو يحاكيك
وان بار بك كلٍّ يكذب مقالك=وتصير كذبات الملا كلّها فيك
وان جاد حظك بالمنازل بنا لك=قصر رفيع شامخ الطول يذريك
وان بار بك خلاك تنقل عيالك=من دار الى دار والآخر يجلّيك
وان جاد حظك كل شي صفا لك=وقرايب الخلان كل يصافيك
وان بار بك ضلّيت ما أخذ بحالك=ولا بفنجال من البن يسقيك
وان جاد حظك قام واطلق عقالك=ومشى معك في كل دار يباريك
وان بار بك قيّد وثنّى عقالك=وعن كل درب يردك وثنيك
وان جاد حظك كل شي زهى لك=وتوّجك بتاج العز من غير تشكيك
وان بار بك شيّن حلايا خيالك=الى اقبلت من كل عين تراعيك
وان جاد حظك كل شي سنا لك=يوضي كما القنديل نوره يقدّيك
وان بار بك خلاك تتبع ظلالك=مالك دليل تايه الراي يعميك
وان بار بك عزي لحالي وحالك=أرذل رذيل هافي الجد يوذيك
يالعبد لو كثّرت حث ارتحالك=وعرّضتها درب الخطر والتهاليك
تازي بلا حظ بعيد محالك=وقلوص عزمك بالمهامة تخليك
خمسين عام يا فتى ما بدا لك=او لاح في بالك لزوما يصافيك
قل ولّ يا حظي على ما جرا لك=الى قل عونك ما اجتهادك بيغنيك
كتبت مكاتيب الشقا والعنا لك=قِل ولّ يا حظ الشقا اتعبت راعيك
يا حظ لو ذيب المفالي عوى لك=في مجلس صار به صوت يعاديك
يقول لو حظك سعيد نما لك=عشرة اولاد عضيد يكفيك
واليوم لا تامن يمينك شمالك=يبوق بك اصدق صديق مصافيك
بالك يغرك من ضحك او حكى لك=ولو عطاك من المواثيق يرضيك
أحذرك كل الحذر لو هو صفا لك=بالك تخلي داعي الخصم ياليك
تحرّز بسوء الظن وابصر بحالك=واحذر جليس ضايع الراي يعميك
قلت: آه يا حظي على ما جرا لك=وقت مضى كله على حسن طاريك
من سو طبعه ام حكا لك حكا بك=يرضي رفيقه بالنميمه ويرضيك
راعي المكر والبوق والكذب سالك=وراعي الثنا ضاقت عليه المساليك
انظر الى الاقدار فيما جرا لك=شيوخ القبايل يتبعون المماليك
هذا زمان يشبه اللي مشى لك=الى شاف من هو هافي الجد عاليك
فاعزم بعون الله على ما بدا لك=واقصد إلاه العرش حسبك ويكفيك

اتمني ان تنال اعجابكم

وقبلوا مني كل التحايا

اخوكم / المقاطي_q8

محمد المقاطي
08-07-2007, 09:29 AM
المقاطي

مشكور

والله لا يهينك

علي القصيده الجزله

المقاطى_q8
08-07-2007, 10:39 AM
محمد المقاطي

اسعدني مرورك الكريم

تحيتي

الزيادي
08-10-2007, 03:35 AM
الله يعطيك العافيه اخوي المقاطي

على القصيدة الرائعه

اخوك الزيادي

المقاطى_q8
08-10-2007, 07:13 PM
الله يعافيك اخوي الزيادي


لاهنت علي المرور


تحيتي

نسيم الشرقية
08-10-2007, 08:31 PM
قصيده راائعه

صح لساان قايلها

والله يعطيك العافيه ..

المقاطى_q8
08-12-2007, 02:28 AM
الله يعافيج

نسيم الشرقيه

يسعدني مرورك الكريم

تحيتي

عاصم العتيبي
08-12-2007, 02:36 AM
الله يعطيك العافيه
علي القصيده الجزله ولاهنت وصح لسان قايلها

المقاطى_q8
08-12-2007, 03:50 AM
ولا انت اخوي عاصم

وشكراً علي المرور

تحيتي