المساعد الشخصي الرقمي

مشاهدة النسخة كاملة : رائعة ابن سرار (ان عشت يا راسي كسيتك عمامه…وأن مت ياراسي فدتك ا لعمايم)


المقاطى_q8
07-22-2007, 06:47 PM
قصة قصيدة / للشيخ محمد بن سرار احد شيوخ بني منبه شهران ، وهي قصيدة مشهوره
قالها بعد ما طعن به السن وتحسر على شبابه وتمنى ان يعود ابنه عمر الذي مع اخواله لطلاق امه ، والقصيده على حسب علمي تتكون من 25 بيت ، ابن سرار
كان متزوج من امرأه سبيعيه من ال محمد وعندما حملت طلقها لخلاف بينهم .

واوصاها اذا كان المولود ولد ان يسمى عمر ويقص ابهامه الايسر ، وان كانت بنت تسمى رماده ويقص ابهامها الايمن ، وفعلا انجبت المرأه ولد
وسمته عمر وقصة ابهامه الايسر، وعندما كبر عمر سأل امه وطلب منها معرفة من هو ابوه فأخبرته ابوك ابن سرار ، شيخ بالحكم من شهران
فرحل لأبيه يقول ابن سرار بعد ان اخذ القوم ابل جاره



ان عشت ياراسي كسيتك عمامه=وان مت ياراسي فدتك العمايم
ياراس شيبك ما بدا بك مذله=والشيب تكرم به كبار اللمايم
الاجواد يكرم شيبها في مشيبها=نقالة القالة محوص الصرايم
ياما نطحنا في الصبا من قبيله=يوم الصبا والكيف للرمح رايم
وياما خذينا تونا من كسابه=بسيوفنا راحت تقسم غنايم
وياما نسفناهم على جال وادي=وياما نحونا فوق سود الشكايم
اربعمائة خيال جونا مسيره=جونا يبون الغرس حلو الطعايم
وقالو يسار الغرس والايمينه=امس لكم واليوم جاء فيه سايم
وقلنا لهم من دونه الموت حامي=اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
واخذت اطاردهم وانا فوق قباء=مثل الهدود اللي عن العشب صايم
تلحق ليا غارت ولا يلحق بها=شقراء ولا ضريتها للهزايم
من يوم بان الفجر ليا اعتلا الضحى=وحنا نقلط للمسير عزايم
والله عطانا منصب الحظ والظفر=يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذا اسير وهذاك يومه دنا به=وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العظايم
الراس شاب وثالثه رجلي العصاه=الله يوقض قلب من كان نايم
انا ابن سرار علومي قديمه=محي عسرها طيب الليالي القدايم
وانا في رجاء عمر وعمر وراء الشفا=عساه اليا جانا ترد اللزايم
لعل قبل الموت نسمع بشيره=بجاه من يحي العظام الرمايم
لو ان غالي حبنا في بلادنا=غنيمه تحضى الغنا والغنايم
لكن غالي حبنا في لداده=سحيمسه قشراء وجات ابهايم
لولا لحاهم قلت ذولا من النساء=عيون الحبارى شافت الصقر حايم
وصلاه ربي عد ما ذعذع الهواء=على النبي واصحابه اهل الكرايم

وعندما وصلت القصيده الى ابنه عمر ارسل له بالرد التالي : :thumbdown:



ياشيخ تعذر غايبك مثل ما غاب=والذنب ذنبك يوم تطلق ازمامه
ان كاني من نسكم يوم غلاب=بنيت بيتك في طويل العدامه
والصيت يرجع لك ولك فيه مظراب=صيت ابن سرار حسب ما يرامه
والله ان يمر القوم ما مر الاحزاب=لو صار من بين الفريق انقسامه
والبل ترجع لك على عد واحساب=ابل القصير للي عزيز مقامه
بيوم به الغران ياتون شياب=الا انهم يبغون درب السلامه
حلفت دينه فيه مانيب كذاب=يا جارك انه يهتني في منامه
والبل وصرتها مع العقل تنجاب=اوكد من اللي قيم في صيامه
وانا لحوض الموت وارد وشراب=لعيون من وصا بقصة ابهامه
وترى الوعد ما بيننا ثجر واغراب=كلا على الموعد يشاور عمامه
وانا شويري سيف هند له انصاب=ورمح مزهينه بريش النعامه


مع تحياتي لكم
اخوكم المقاطي_q8:bye1:

محمد المقاطي
07-22-2007, 07:16 PM
المقاطي

مشكور وبيض الله وجهك

فعلا قصائد تخلد اصحابها

وتكتبهم بماء الذهب

تحيتي

خالد المقاطي
07-22-2007, 07:21 PM
المقاطي

لاهنت على النقله الطيب

تقبل مروري والمتابعه

المقاطى_q8
07-22-2007, 07:28 PM
محمد المقاطي

يسعدني المرور السريع


تحيتي

المقاطى_q8
07-22-2007, 07:33 PM
خالد المقاطي

لاهنت يالذيب

علي سرعة المرور



تحيتي

نسيم الشرقية
07-28-2007, 08:24 AM
صح لسان قايلهاا

الله يعطيك العاافيه ..

المقاطى_q8
07-28-2007, 11:18 AM
يسعدني

تواصلك

نسيم الشرقيه


لكي اجمل تحيه

الزيادي
08-12-2007, 04:20 AM
الله يعطيك العافيه اخوي المقاطي

على القصايد الجميلة

اخوك الزيادي

المقاطى_q8
08-12-2007, 06:22 PM
الله يعافيك


اخوي الزيادي



لاهنت على تواصلك


تحيتي