المساعد الشخصي الرقمي

مشاهدة النسخة كاملة : التعجيز في الشعر الشعبي


المقاطى_q8
07-18-2007, 05:44 AM
أخواني وأخواتي مشرفين ومراقبين وأعضاء المنتدي .
اسمحولي ان اعرض عليكم بعض ما كتب كبار الشعراء لتعجيز آخرين او لأثبات شاعريتهم .

هذه احدى روائع الشاعر الامير محمدالاحمد السديري يرحمه الله - وهي صعبه في القافيه جعل معظم الكلمات بالصاد .


صلى صالين صلبـن بصاليـه صابنـي=صطى صارمه بصخار بالصدر صايبـه
صفق واصطفق صلبن صرم صافي الحشا=تقصا وقـص أقصـا قواصـي ذوايبـه
صروف القصا صالت وصابت صبابتـي=صدى صدري الصافي وصكت مصايبـه
صليب الصخر لو صابه اللـي مصيبنـي=تصفق صفاه وصـب صلصـال ذايبـه
عصف عاصفٍ واقصى وصـور لقصتـي=هصر غصن صبن لاصق فـي نصايبـه
لصق في نصايب صاحبن صد واختفـى=صبا له بصلف صبـاه صـارم نوايبـه


قصيدة للمبدع " ياسر التويجري "
يقال أنه كتبها ردا على تحدي أحد الشعراء له بكتابة قصيدة
تتضمن كل كلمة فيها حرف ( ز ) ، فقال :


زواني مازوى زيـد وزلبنـي زمـان العـز=وزند ازريد زندنـي نغزنـي لـز منغـازي
ترزز وان لزا يلزي ولا منـه قمـز يهتـز=زرف زومي عن الملزوم وفاز بزنقتي فازي
زلال لو ترزينـه علـى الزينـات مايعجـز=يوازيهن على زيـن يزلـزل زف وانجـازي
رزان اوزان في كنزين الى منه غمز به خـز=زوايا قلب مـزوي عـن الـزلات منحـازي
زبادي لزى فوقـة زمـرد وانتهـز وارتـز=يكزكز لي مزاريف على مغـزاي بأعجـازي
كنز كنز من التعجيز وكنز العجز لـي انكـز=وانا عاجز عن المزيون الى منة عزم غازي
تزايد زل زفراتي حزامـي فـوق زوري لـز=وزعجت الصوت من نغز تقل ناغوز مخرازي
تعزويت بعزاي الزير ولا فاد العـزا واملـز=وتعزويت بزيازم عز وكـل فـز مـا فـازي
زمان زل مازجيت زنادي فـي زمـام الـوز=ولا زايدت في رجـم وزبنـة كلهـا بـازي
الوز من الوزى خـزي وزام العـز مايبتـز=اوزي مابـرد وزري وزاري زن بطـنـازي
زواج الجوز لو يجزى تزوج وانتهز واعتـز=وخز وقز وزين زل زبـاف بـزوم تلفـازي
زبون العوز لو ينقز فلا يجـزي ولا يبـرز=ولو يجزم على بنز تنوز البنـز مـا نـازي
ولو حزر ولو فزر ولـو طـرز ولـو خـرز=ولو زمله يفوز بزين وزود الزيـن ممتـازي
ولو يلزي على لزام ويزرع لـه زوالـي رز=فلا يرزق زلال الا بأمـر الـرازق الجـازي
عقب برزان من عزك عزوم ولك عزا ينـدز=تزر زرار من عاز عن العـوزات والعـازي
توزلف له حزم من زات تجزئها على موجـز=جنايز زار تجهز بـه علـى از وعلى آزي

وهنا محمد ابن لعبون كتب هذه القصيده الخاليه من النقط
في جميع حروفها بمعني انه لم يستخدم من حروف الهجاء الا ثلاثة عشرة حرف فقط
وهي (أ , ح , د , ر, س, ص, ط, ع , ك, ل, م, ه, و) وهي ما تسمى بالمهملات .


أحمد المحمود ما دمـع وهمـل=أو عدد مـا حـال وادٍ وسـال
أو عـدد مـا ورد وراد الدحـل=أو رمى دلوه وما صـدر ومـال
أو حدا حـادٍ لسلمـى أو رحـل=سار هاك الدار أو داس المحـال
أحمده دوم علـى حلـو العمـل=سامع الدعوى ومعـطٍ للسـؤال
ما على راك لعا وأعلـي ومـل=وحاول الطاعه على ما صار حال
ما حلا لولا صـدورٍ لـه وهـل=لو ورد ما عدها الماله وأطـال
مارد حاله علـى حـال الوحـل=طالما حـس لروحـه لا محـال
راد رودٍ للمهـا سمـه سحـل=عـاد صـل لسعـه سـل وآل
ما دعى داعِ الهـوى إلا وسـل=روح مطرد الهوى ماله وسـال
ما على مارود دمعه لـو هطـل=لا ولا مسـراه عـاد للهمــال
ما ورا ما هو عصى وال المهل=مالـك العالـم وعـلام الحـوال
ماسك صارم هلا كـه والكسـل=ماسـك لعـراه معـدوم العـدال
عادم علم الهـدى مالـه وهـل=هالدهر دوم على طـول الامـال
ما وراهـم كـود هـدام الأمـل=للملا حـراس لـلارواح سـال
لو عطاه أو مهلـه مالـه مهـل=هًل على طول الدهر عمرٍ أطـال
مـا سعاهـا سالـكٍ إلا رحـل=لا ولا له كود لحـده والهـوال
لـو رأى حالـه ومالـه للملـل=لام لوامـه علـى دار المـلال
دار لهو مـا لهـا طـرً عـدل=ما عداهـا لهوهـا دومٍ وعـال
حارس سلال روحه مـا سـأل=ما على ما راده المولى سـؤال
حاكمٍ عـادل ومـا راده حصـل=آمرٍ ما راد لـه راعـه وهـال
ما عدا كاس المراره ما الحـوال=للورود وما لـوردٍ لـه عطـال
واردٍ كاسـه مـع اهـل الطلـل=مالـوا هـم لـه دوم و حــال
حال حاله لو روا له مـا وصـل=عـاده أمـلاك كـرامٍ للسـؤال
وسط لحد مامعـه كـود العمـل=أو سواد الدود مع سـو المـآل
واعلى حل عـرا مالـه سهـل=عطله لهو الهـوى دوم ومـال
سامـر أهـوال الهـوى وحـل=ما طـوا سـده وعـاده للهوال
حاول السلوى وساوى للاسـل=والهوى له ساحرٍ سله وسـلال
راحمـه وال المـلا وال عـدل=صور العالم علي حلـو الكمـال
دوم صلوا عدمـا هدهـد وهـل=أو عدد ما حام أو هـل الهـلال
محمد عـلا علـى كـل الملـل=واله مـا هـل مامـورٍ وسـال


ومن القصائد المهملة أيضا قصيدة الشاعر / محمد بن عبدالله العوني
قالها عندما زار مكة ومر على الشريف عون عام / 1299هـ وكان في مجلسه عدد من الشعراء
في منطقة الحجاز فقال الشريف مداعباً العوني ، إن شعراءنا في الحجاز أقوى منكم
ياشعراء نجد ، فرد العوني عليه وقال موعدنا في الصباح ، ألقى الشاعر العوني قصيدته
المهمله وطلب من الشعراء مجاراته بقصيدة مثلها ، عندها أنسحب الشعراء
ولم يتقدم منهم أحد والقصيدة هي



هل الهلال وهامل الدمع مدرار=لاهل واهمل ماطره كالــــهلل هــــل
على مود مالك الله ولاصـــــــار=لارام له حـــــــــال ولا المال له حل
صور وصار الملح والدل والكار=له والــــــــمها ماله ولا رسـم ماكل
لو صاح صالح طالعه ساع مادار=اسود على صدره على المسك عمل
سامح محمد لارا روس الاسطار=وحسامــــه الصارم لراع الهوى سل
ولا رد كود اهلا وسهلا له كرار=والحلم هـــــو والعــــــــلم دله ولا دل
اساله وما درا الــــــود ماصـــــار=ولا وله كــــم دور لهـــــــــــم عــــل
اول صدور مواصله والهوا صار=لما الدهـــــــر رده على حـــــاله اول
ماصح عله والرعد ماوســــم دار=والحال حال الحـــــول والحمل ماحل
ولولا حلاها حلها روس الاكـــوار=ماحــــــــل له دل ولو هــــــــو مادل
عسا عسى ماكــــمل الدارلـــــلدار=عاد الرحا دوره روس الـــــــــوحل
وصلوا على طه عدد رمل الاوعار=او ماكسا سهل الوطا السما طـــــل


وأخيراً لايسعني ألا ان أقول أسمحولي علي ألاطاله .
وألي الأخوه القائمين علي أدارة المنتديات اتمني تثبيت الموضوع ان كان يستحق ذلك


ملاحظه : تم نقل القصائد من عدة مواقع وجمعتهم في موضوع واحد
ولكم تحياتي
اخوكم / المقاطي_q8

محمد المقاطي
07-18-2007, 12:29 PM
المقاطي

مشكور والله يعطيك العافيه

علي المجهود الرائع

تحيتي

المقاطى_q8
07-18-2007, 05:09 PM
محمد المقاطي

شكراً علي

التواصل والمرور

لك كل التحايا

الزيادي
07-18-2007, 09:38 PM
الله يعطيك العافيه...

اخوي المقاطي

على الموضوع الرائع

اخوك الزيادي

المقاطى_q8
07-19-2007, 05:45 PM
«®°·.¸.•°°·.¸¸.•°°·.¸.•°®»الزيادي«®°·.¸.•°°·.¸¸.•° °·.¸.•°®»

لاهنت ياراس الذيابه:icon31:

علي المرور الكريم:bye1:

وماهى غريبه عليك:shiny:

لانك من هل الكرم والطيب:icon31:

ذو زياد هل الطولات:showoff:

الــولــيــد
07-19-2007, 07:11 PM
يعطيك العافية اخوووي المقاطي




تقبل مروري

المقاطى_q8
07-20-2007, 05:46 AM
صير شلوي ابو يوسف


لاهنت


تحيتي

خالد المقاطي
07-22-2007, 12:56 AM
المقاطي

لاهنت يالذيب

على الكوكتيل / التعجيزي حقيقت(ن)

طابع خـــــاص ::

اشكرك كل الشكر

المقاطى_q8
07-22-2007, 06:16 AM
لاهنت علي المرور

اخوي

خالد المقاطي

تحتي

نسيم الشرقية
07-28-2007, 08:24 AM
صح لسان قايلهاا

الله يعطيك العاافيه ..

المقاطى_q8
07-28-2007, 11:10 AM
الله ... يعافيك

اختي

نسيم ... الشرقيه

تحيتي