المساعد الشخصي الرقمي

مشاهدة النسخة كاملة : محاوره بين حبيب العازمي --فيصل الرياحي


((الـروقـي))
05-24-2007, 03:14 PM
اقوى محاوره بين حبيب وفيصل الرياحي


فيصل الرياحي



سلام ياهل الديار اللي عليها سـلام .......حامينها أهل السيوف الحدب حامينها
الليله الملعبـه ماتعتـرف بالنظـام ........ وليا حضرنا تبى ترجح موازينهـا



حبيب العازمي



يامرحبا يارجال(ن) من ديار(ن) كلام ......يازينها في ليـال الصيـف يازينهـا
الليله الملعبه تحتـاج ربـط الحـزام ........ وليا وقفنا نبـى نخـزي شياطينهـا



فيصل الرياحي



اليا خلطت السوالف من حلال وحرام ....... لكلمـه الثانيـه عنـدي براهينـهـا
ياحبيب اليوم خلك شعرة(ن) في سنام ........ والبـدو تلقـاك لاشـدت بعارينهـا



حبيب العازمي



أن جنبت في اللحم وأن وافقت في العضام ..... والكلمـه الثانيـه تاصلـك فـي حينهـا
ماني بشعره أناخصمك قطـوع العـرام ........ وان زاد جن البقـوم أحشـر مجانينهـا



فيصل الرياحي



أن وقعت في الصخر وان وقعت في العدام ......حنا سيـوف المعـارك وأنـت سكينهـا
الله ربـي وربـك يامـطـوع جـهـام ............ تسجد علـى الأرض لاثـارت براكينهـا



حبيب العازمي



لو مامعي غير سكين ومطرق بشام ........ أخذ سيوف أكثر البقمى من يدينها
الله رب الجميع وصاحبي مايـلام .......... هجت ذلوله تلوى فـي كراعينهـا



فيصل الرياحي



كم عالم(ن) يحلمون ويشمتون الحلام ...... ماردك عـن البقـوم ألا سلاطينهـا
ترا هذيك الهنوف أم الذهب والزمام ........ماعدك ألا قذاة(ن) في طرف عينها



حبيب العازمي

وين السلاطين يوم(ن) الشجاري خيام .......هي بيض من طبعهـا ولا مكسينهـا
وأنته بعد في حدا الخدين دقت وشـام ......... لله يعينـك علـى الأيـام ويعينـهـا



فيصل الرياحي



شهد لنا بخيت يوم الهوش تحت العسام .......ماهي بكذبـه مـع العبلـه مسوينهـا
عاملتها بالوفـا والطيـب والأحتـرام ........ وأنته تجمع على الخبـزه وراعينهـا



حبيبي العازمي

شهادة طيبه لاهل الهوا والغـرام ......... قصيدتن كل خلـق الله مغنينهـا
ياصحابنا لايزيد الطق فوق اللحام .........أنتـم مغدينهـا حنـا معشينهـا



فيصل الرياحي



أنتم كما الزرع ياعتيبه وحنا الصرام ....... لأرض ماعـاد تحماكـم ميادينهـا
ياشاعرن في الملاعب لبسوك الوسام .......ضيعت في الليل عشرتها وعشرينها



حبيب العازمي



كلمتك هذي ماتنقص للنشاما مقـام ........ ياللي تهدد عتيبـه وينـك ووينهـا
يالشاعر اللي نبتلك مثل ريش النعام ........ ماصالحـن للبقـوم ألا دكاكينهـا



فيصل الرياحي



ندخل على الله ترانا مانسـب الكـرام ......... أقوللـي سالفـه مـاهـم بناسينـهـا
من يوم ركبت طوقن مثل طوق الحمام ....... حتى أم ضرفين جادينك على دينهـا



حبيب العازمي



السب ماله مجال ولايفك الزحـام ........ وأن جبتلك سالفه ميعادك دوينهـا
مايختلف هالرياحي منتفخ كل عام ........كن أم ضرفين غاذيته بضرفينها



فيصل الرياحي



مزكوم ياصاحبي واعديتنـي بالزكـام.......... دينت بنت الحـلال ولا قضـا دينهـا
سبحان من حط جسمك مثل عود الثمام ........كنك مـن أفريقيـا وأحـد مساكينهـا




حبيب العازمي




خلـه لعلـه عساكـم كلكـم للهيــام ...........العافيـه صـح منـتـم مستحقينـهـا
وزن الخشب طن ولا الماس كيلو جرام ..... حمـر الفلسطيـن نكبتهـا فلسطينهـا

العضياني
05-26-2007, 02:43 PM
مشكووووووووووووور

على المحاوره الجميله

نسيم الشرقية
05-28-2007, 01:37 AM
وااااااااااااااااااااااااااااو

محاوره روووعه

استمتعت في القراءه صراااحه


يسلموو اخووي ..

أبــو مـانــع العتيبي
05-29-2007, 02:25 AM
لاهنـت أخوي الروقي محـاوره طيبـه وجميلـه:bye1:

الزيادي
05-30-2007, 11:05 PM
الله يعطيك العافيه
ومشكور على المحاوره وحبيب من افضل شعار اعتيبه بل محاوره

جراح العصيمي
06-03-2007, 10:15 PM
الله لايهينك يا (( الروقي )) على هذه المحاوره الرائعه

بين الشاعرين الكبيرين

(( حبيب العازمي × فيصل الرياحي ))

مني لك تحياتي

المحياني
06-11-2007, 06:30 PM
مشكوور على المحاووره الجميله والروعه ويعطيك العافية وما قصرت

محمد المقاطي
07-17-2007, 01:20 AM
الله يعطيك العافيه

يالروقي

ومشكور على المحاوره

الرائعه

الــولــيــد
07-17-2007, 11:51 AM
استاذ ابو جراح



يعطيك العافية على المحاورة الجميلة,,,

المقاطى_q8
07-18-2007, 06:06 AM
الله الله

لاهنت الروقي
اختيار موفق

تحياتى

محمد الدعجاني
07-22-2007, 12:37 AM
يعطيك العافيه
اخوي الروقي