المساعد الشخصي الرقمي

مشاهدة النسخة كاملة : الدار


بندر النفيعي
02-18-2011, 10:50 AM
السلام عليكم ورحمة الله وبركاتة

أشارك بهذه القصيدة بمناسبة الاعياد الوطنية , وأنا حاليا بعيد عن أرض الوطن
وأتمناء أن تحوز على رضاكم




ياشين دار الغرب ويا زين داري
ما تنقبل دار النصارى للسلام

وأنا عتيبي من عتيبة وأماري
والحظ ما فاده كبيرات الاحلام

مير السعد غناء هبوبه بطاري
والشوق يجذبني على عد الايام

أمي وخوي وعزوتي والعذاري
والعذر ماله عذر ولاني بمنلام

العّـبد لو يبلا وتجيه البلاوي
يشيلها بالجوف عن كل نمام

يفرح عدو النفس يبلا بغاري
والقرب ماله حظ بالقرب منظام

يــ الله عسّـا زخ المطر بالمذاري
وينبت خضاب العشب فى نجد والشام

ويضف ستره من يمين ويساري
والقدس نمشيله كما بيت ألاحرام

الليل سرا الليل جاني هذاري
يم الكويت ومات من حب صدام

ماعشت بين امصررين المصاري
والغصب ما يمشي على خشم عرام

لكن دعتني المروه أجباري
اطيعها بالطيب والمدح قدام

شفنا الدول ووضاعهم والطواري
ومسيرهم لثار قصته الاقدام

الجوع والنعره تغير وزاري
والختم يمحنه جديدات الاختام

يدار سلوى دون بابك حراري
نسل الشيوخ مناطحاً كل ضرغام

صباح عز ودن كل الضواري
ريف الضعيف اللي شكى قل الارقام

وسياسة الدولة تبا شخص شاري
ويزود بالسلعة على كل سوام

والطيب حد الطيب في حد جاري
واليوم غير الامس وين أنت يــ العام

والمملكة منسى لها وقع ثاري
والسيف هابنه كبيرات الاعلام

معروفهم ما يجحده كود غاري
ولي جحد لطيب مهوب لطام

يحقلي في مدحهم حلو داري
الاحمدي مع نجد والشرق دمام

الريمـ اللعوب
02-22-2011, 08:27 PM
صح لســــــــــــــانك ولاهنت

والله يردك للوطن سالم

الكيكة
02-27-2011, 10:12 PM
صح لسانك يا الشاعر أبيات رائعه

بنت القصيد
03-15-2011, 12:37 AM
صح لسانك


لاهنت

فطنة
03-21-2011, 07:25 PM
صح لسانك