المساعد الشخصي الرقمي

مشاهدة النسخة كاملة : عده على الروقي الي ياصل الحروه


عبدالله المرشدي
10-23-2010, 12:47 AM
السلام عليكم ورحمة الله وبركاته
والله يسعد مساكم وصباحكم
يسعدني ان تكون لي اول مشاركه وهي في قسم الشعر و قصيده متواضعه وموجهه
لشيخ //شامان هايف المغيري العتيبي
والقصيده تعبر عن نفسها
ومطلوب اني اضعها في هذا الصرح الشامخ



ياراكبلي جديد ومصنعه سامي=من نوع فكسار وارد تالي العامي
تصدير ياباني أوصافه خليجيه=إمصنعه مادخل في دين الاسلامي
مايفقه الدين والاسلام والمله=ولاعاشر اللي لهم تقدير وحشامي
أمانته فالعمل لابد يتقنها=قدام وقت الصباح امجهزن حامي
بعدالفجر قدم وقت الصبح وشروقه=يوم ن ولد الردي في مفرشه نامي
حنا على الله توكلنا وامنابه=الخالق اللي بأمره دور الايامي
ياسايقه شد حيلك وربط إحزامك=إمسك طريق الرياض وخلك أشغامي
زودله السرعه الموضوع ياصعبه=وصرم خشوم أبقريه كنك الهامي
قدامك المفرق الاول وبه مفرق=وهجرة جزيان قدمك نورها أشعامي
وباق المهاجر بكل الدارمعروفه=أشوي ثم البطين وقصره الزامي
هجرة ولد وازع اللي شاعت أذكاره=واصل مسيرك وخلك قرم وهمامي
إم الفهود أيسرك وام أيبد يمينك=وقدمك محطه وديرة ذخر ابن نامي
أطلع من القار وقويعان جنبها=شمال شرقي عيار إلبندق الرامي
وصرم جميع الخطوط بكل جديه =لانباج نور الصباح وزاح الاظلامي
أشوي وتشوف هضبه ضلعهاشامخ=هضبة خنوقه ماتجهل كل ضرغامي
علي أيمنك خلها والجيب في قطره=منصاك واد الرشا وربوع احشامي
أذكارهم بالوفا والجود معموره=وفعالهم ماتخفى طول الاعوامي
ياحيهم ربعنا في ساعة الشده=مغايره في نهار الحرب حكامي
عده علي الروقي اللي ياصل الحروه=شيخ بفعله يحطم كل الارقامي
عزوة ولد روق عزن للعتيبيه=شامان هايف زبون وحر إقطامي
في مركزه تاجده والطيب منزاله=ولياأحتما الماقف الغصاب جزامي
نبي نسلم عليه ونطلب الفزعه=حيثه من اللي لهم بصمات وبهامي
موضوعناصعب وحلوله علي يدينك=وعن مثل شرواك يصعب يابن الاقرامي
الجيش لي مدة وأنا أشتكي همه=لي عشرة أعوام كل الهم قدامي
أدير الافكار والأخلاق تعبانه=وأحس تال الزمن كاثرة أوهامي
أبغاك تنظر تشوف الوضع وتحله=يذايع الصيت جيتك حقق أحلامي
أنته قوي العزوم وقفتك وقفه=وانته ملاذ الدهر يامروي الظامي
ودي بتحويل يم الامن والراحه=مدام شرواك حين تجبر إعظامي
وختامها إسلم وسلم واستلم مني=قيفان شعري نصتكم يابن الاكرامي

وسلامتكم