المساعد الشخصي الرقمي

مشاهدة النسخة كاملة : نخوه من ام سعود العنزي سكاكا الجوف


ام سعود العنزي
10-11-2010, 04:09 PM
السجين سعود العنزي ..من سجناء سكاكا الجووف
وقد قضى فالسجن 10 سنوات ويبلغ من العمر 30 مع العلم انه كان يبلغ من العمر
عندما دخل السجن 19عاما
وينتظر فرج الله

نــــــخــــــوة لـــــقــــبــــائـــــل شــــمـــــر
يا سعود لا تيأس ترى الرب موجودولا خاب من يرجي فرج خالق الكون
بابه لمن يرجيه مـا هـو بمـردودوعفوه شمل في غبة اليـم ذا النـون
ويوسف بعد ما كان بالبير مجحـودرده على يعقـوب بالعـز والصـون
لو ضاقت الدنيا ترى العبـد محمـوداجعل ثقتـك بواحـد يملـك العـون
جل وتعالـى رازق الطيـر والـدودعلام ما يعلـن ومـا كـان مكنـون
يا رب هونهـا علـى كـل ملهـودوانت الذي بامرك وتدبيـرك اتهـون
تعلم بحالي لالـي قـوه ولاعضـودوانا مره مكسوره عضود وشجـون
مالي جـدا الا دمعـة مابهـا فـودونهتات قلبا تجـرح اللـي يصنـون
ابكي ضناي اللي ورا السجن بقيـودوعدة سنين وهو ورا الشبك مسجون
ان جيت ازوره صار من دونه حدودووقت الزياره صعب ياللي تحسـون
هذا جنيني بكري اللي اسمـه سعـودومعنى السعد ماله منه حض مضمون
لا بفزعـة منبـع الطيـب والجـوداللي اذا ساروا علـى قالـه اتهـون
شمر هل الطـولات حمايـة الـذودشمر سناعيس الفـرج مالهـم لـون
شمر ذرا الخأيـف وبالعاليـه طـودشمر على الفزعات والعز يرسـون
شمـر لهـم تاريـخ وافعالهـم زودكسابة المعـروف فـي كـل قانـون
لهم لجيت وطيبهـم طيـب مشهـودانخى وانادي شيوخهـم مابهـم دون
شيـوخ شمـر قدهـا بجـد وقـدودوتاريخها معروف يـا للـي تعـدون
ابن رشيد مهـون الصعـب والكـودشيخا وطيبه يسبقه وين مـا يكـون
وانخاك يا الجربا على ايامنا السـودافزع لنا ياللي بك الخيـر مضمـون
وابن طوالـه لـه مقامـا ومجهـودعليـه فـي كـل المهمـات يثنـون
وانخاك يا بن شريم والقلب مضهـودانت الفزع للـي لشـرواك ينخـون
وانخاك يا التمياط يا راعـي الجـودياللي على الاجواد من طيبك اتمـون
وانخى ابن ثنيان والوقـت محـدودشيخا من شيوخـا كرامـا يسـدون
وانخاك يالياور وفيـك الوفـاء وزوديا فزعة اللي للفرج منـك يرجـون
يا بن بعيجان افزع ينخاكـم سعـودعاداتكم عنـد اللـوازم تحضـرون
ويا بن سميان ابذل لنا كـل مجهـودراعي الكرم والناس بفعلـك يعـدون
لا يابو متعب والامل منـك موجـودبنت عنزه تنخاك وتطلبكـم العـون
وانخا الطنايا كلهـا الطفـل والعـودولاظنـي الا يالسناعيـس تـوفـون
سيروا لنا بجاهة لمن بامـره القـودعساه يعفي لي عن سعـود تكفـون
قبل يودونـه مـن السجـن للحـودويصير يا شمر ورا الطـي مدفـون
وجزاكم اللي با مـره تسيـر النـودعلام ما بالكـون ظاهـر ومكنـون
رجواي باللي فيـه رجـاي معقـوديا رب يسرها علـى كـل محـزون

ام ســــعـود الــــعــــنـزي
سكاكا الجوف
*****

ام السجين ام سعود العنزي

انـا عجـوز ودمعتي ماانشـفت يــوم

عشـره سـنين الـدمع مـن الـعيــن ذراف

والـيـا قـدرت انــام تـجـيني حـلـوم

اشـوف ولــيدي دووم قــدام سـيـاف

مـكسـوره الـجـنحان مافــيني عــزوم

لكـان وصـلت ربـعي ذرى كـل خــواف

اولاد وائــل مـــزبن لـــكل مــضيوم

هـمـ تـاج راسي وعـزوتي بـين الاطـيـاف

وانخـى القبـايل كلهـا عـموم بـعمـوم

اهـل الـ خ ـليـج والـلي تـنحو بالااطـراف


وهذي قصيدتي الرابعه

قالو تبكين وربعك عيال وائل

قلت:ايه ربعي صدق ماهم رديين

ربعي ذرايا عن سموم القوايل

ربعي هل الوقفات ماهم خفيين

ويلااان كم حلًـو صعاب الشكايل

يلبون للصايح لو هم بعيدين

وانخاكم يالحكام وكل القبايل

بالمملكه والكويت وقطر وبحرين

وانخاكم يالحكام وكل القبايل

حكام الامارات وعمان السلاطين

سـ ع ـود قصاصه حل ولكم نسايل

تكفون ياشيوخ الشرع والصلح والدين

وانخى هل الفزعات عيال الحمايل

تكفون يالاجواد ماباقين شين

تكفون يالاجواد بشتى الوسايل

لا تتركون سـ ع ـود له عشره سنين

انا امهـ اللي دموع عينها همايل

من يوم طب السجن ماغمضت عين

ياما بكيت وذقت مر وهوايل

صابتني الجلطات والضغط والبين

الجسم حي ولا بقي به صمايل

وعلى سرير الموت شهر وشهرين

متعذبه مابين برد وقوايل

ذقت المرض والمر و يـاصـ ع ـب الاثنين

ياليت اشوف سـ ع ـود قبل اتهايل

وياليت مايجيه سيف ابو (حدين)

تكفون ياشمر كاسبين النفايل

الطيب حي والسناعيس باقين

اجيهكم بالله ورسل ودلايل

لاتذبحون سـ ع ـود جاهل ومسكين..!

وجيهكم بــ ع ــموم كل القبايل

اهل الـ خ ـليج وكل العرب والمسلمين

امـ ســ ع ــود العنزي
****
وهذي قصيدتي ايضا
***
ياسعود ياوليدي طال انتظارك
ولاضنتي ياسعود بالعين اشوفك
حكمك قصاص ماظن ترجع لدارك
الموت والله بالدقيقه يحوفك
ليتن بدالك لجل تكمل مسارك
وليا مت انا تشيلني في كفوفك

****
وهذه قصيده كتبها ابني سعود وهو مسجون
http://www.wm-wm.com/up/uploads/images/wm-wmce94e82430.gif

اناضحيـة سـاحـرة بالطلامـيـس,,,,امشـي باوامرهـا يامـا شربكتـنـي
من دون وعي اقدمت وطاوعت لأبليس,,,,ماهوبطوعي؟غصـب هـي خوفتنـي
حاولت ذبح أبوي مـن دون ماحـس,,,,وحاولت ذبح امـي اللـي ارضعتنـي
اناعمـي مسلـوب كـل الاحاسيـس,,,,أعمـل لصالحهـا ليـامـا كتفتـنـي
ذبحت اعزالنـاس مـن دون ماقيـس,,,,ليتنـي بدالـه والمنـايـا رمتـنـي
مرحـوم يامشبـع سبـاع مفالـيـس,,,,لازم أترحـم لـه يامايحـل حتـنـي
ربعه هل الطولات رجـال السناعيـس,,,,شمرهـل النـخـوات لياصككتـنـي
شمر هل الصـولات لياعـد فريـس,,,,عيـال حاتـم والكـتـب سولفتـنـي
ومنهـم ابوماضـي يعطـي ولايقـس,,,,عبيد السالـم ضعونـي لـه عنتنـي
وعيال عبدالله لهـم المـدح تكريـس,,,,انالهـم مـديـون وان ساعفتـنـي
وخوالي العـردان بوقـت المراويـس,,,,ليـت المنايـا بسـرهـا علمتـنـي
لكـن يابـوي إبعدعنـك الهواجيـس,,,,حاولت تناسانـي يامـا يحـل حتنـي
وصيتـك بأمـي وصـاة بتحـريـس,,,,حـاولـت تسليـهـا ليامابكـتـنـي
هالحين انا مسجون مـع المحابيـس,,,,أبكي على حالي ودموعـي أحرقتنـي
والمعامـلـه بالداخلـيـه بتـدريـس,,,,باقي صـدور الحكـم واظـن جتنـي
ومن بعدها يحط راسـي بلـه كيـس,,,,ويشيله السيـاف مـن فـوق متنـي

****
نخوة من ام سعود العنزي الى الشيخ محمد الحميد العتيبي وعموم قبيلة عتيبه الهيلا بهذه القصيده ..
لـولا رجــا الله مـاهـنـا حـي مــوجـــود *** الله كــريـم ولا غـدا مــن رجـابـه..
سبـحانـه اللـي يفــرج الـهــم والـكــود *** يــدري بـمـا يـجـري ولا يـنـدرابه..
يـالله يـارب الـمـلا خــيــر مـــعـــبـــود *** يــافــارج لأيــوب مـمــا اصــابـه..
انــك تــفــرجـهـا علـى الـغـالـي سعـود *** وتعــوضـه بـالـخـيـر مـما جرابه..
يافــارج لـيـعـقـوب والعـود مضـهـــود *** رديـت يوسـف بعـد طـولة غيابه..
انــك تــرد ســعـــود يـاوالــي الـجـــود *** حـيـث انت من انشاه ليه وجابـه..
هــذا وانــا زبــنـــت يـاعـالـي الـطــود *** عـلـيـك يـارمـز الكـرم والمهابـه..
زبـنـت لأبـن حـمـيـد والأسـم مشهــود *** مـحـمـد ابـو سلطان عالي جنابه..
نـخيـت انـا مـحـمـد بـالـفـعـل مـحـمـود *** والـذيـب بـمـثلك كل ساسه ذيابه..
(عـتـبــان) ليـا جـت بـالتفاخر وبالزود *** مـقـامــكـم عـالـي ولاله مـشـابه..
يَـرْدون حـوض المـوت والعالم شهود *** يــهــابـهــم عـدوهـم مــاتــهــابه..
هــذا يــابـو سـلـطـان والـقـلـب مجهـود *** ولاتــلام مـثـلــي لو تشقق ثيابه..
افــزع لـمـن قــرب عـلـى ورعها القود *** ولا تــهــنـت بـالـطـعـام وشرابه..
ولــو الـشـعـور يـعـبــر بكــل مـجــحــود *** عــبـيـت لـك كل الورق بالكتابه..
لاشـــك ذا تـــوضــيــح لــعــــل بـه فــود *** ونـتـيـجـتـه تـزيـل عـنـي الكآبـه..
ومـاقــل دل وارتــجــي خــيــر مـعـبــود *** ثـم بـمثـلـك وانـت من خير لابه..
هـذا وصـلـو عــد مـاتــجـــري الــنـــود *** على النبي الهاشمي والصحابه..

***
هذه القصيده سبق وأن ضهرت في قناة الخليج وهي...:
نخوه لقبائل عنزه عموماَ...
........
يالله يامنشي كريم الرواعيد ........... من مالحاَ ماتهتني به ضميه
وسقته على النايد من القاع والبيد ........... واسقيت به خلقك وكل الرعيه
تسقي ضما كبداَ جداها التناشيد ......... وتـــفزع لها ياللي تعرف الطويه
على ضناها كم تجر التناهيد .......... مكسورة الجنحان والروح حيه
قرب فراق اغلى البشر ياالأجاويد .........والناس كلاَ لاهي عن القضيه
غديت مثل الحمَره شبه توكيد.......... اموت وأذوي كل صبح ومسيه
ماغير من خلف الحديد المجاويد........ابكي ويبكي كل ماجيب ليه
ويقول ياميه ترى الدمع مايفيد ........اذا تركوني العزوه الوايليه
انخي ربوعي كاسبين التحاميد ....... عيال وايل كاسبين العليه
من الخليج انخي الى غربي ضميد....... ينخون شمر مرخصين العطيه
يسعون للشمروخ حمايه البيد ........ يرجونهم حق الوفا والعنيه
ياميتي مبها خجل ومناقيد ............ كم عيد فات وكم فاتت ضحيه
وطلعت من عنده وهو داخل القيد ....... لاحول لاقوه ولاني قويه
ياسعود ودعتك كريم الموافيد ........ الياس لاتطريه في كل جيه
مادام لك ربع كرام المواريد....... الجأ لهم لاصار فيها حميه
وستر القبيله باللوازم كما الحيد .........عز الضعيف اللي عزومه رديه
انخى ابن هذال قرم الأواليد ....... شيخاَ جزوم ولايهاب المنيه
وانخاك يابن مهيد ياطيب الأيد......... يالشيخ ياراعي الوفا والحميه
وأنخى ابن مجلاد بالصوت وأزيد ........شيخاَ يسد الياوقف بالقضيه
وأنخا ابن مرشد مقر الصناديد.......... شيخاَ يعرفونه جميع السميه
وأنخا العواجي بالندى والتراديد......... شيخاَ عسى سنينه طوال ومديه
وأنخاك يالطيار بالصوت تعميد......يافرحت اللي فزعتك له هديه
وأنخى ابن شعلان ستر المناهيد ........ويانعم يالشعلان في كل هيه
وأنخى الرفدي له فزعتاَ كنها العيد....... راعي البويضا اللي عزومه قويه
وانخى الفقير بعالي الصوت وأشيد ....... حاكم حكيم وفزعته حاكميه
وأنخاك ياليداء واصيح وأعيد ......... ستر العذارى يازبون الونيه
وأنخى اليمنه بقياده المرتعد زيد.........ستر اللذي عشاه بأرض خليه
وأنخاك ياالهدلان لو انك بعيد ......يافزعة اللي شاف سيف المنيه
وعبدالله الدعيدع انخاه تحديد ...... شيخاَ ومن ينصاه لا وهنيه
ومرجي ابو مبارك وفيَ المواعيد ....... قرم الرجال اللي يقوم لخويه
ياشيوخنا يادرعنا ياالأماجيد .......... الفكر ضاق وصارت الحال سيهَ
وأنخا القبايل كلها والقواصيد........ واللي سمع شكواي وبه مرحميه
هذي وصاة سعود من دون تزويد ........تنقل لكم عبر الخليج الوايليه
برعاية الابطال حمد ويزيد........انتم وهم ودعتكم هالقضيه
ام سعود العنزي
**


نخوه قبايل شمر
عفو بقطعة كبدها عن التقاضي

****


يالله ياسامع خفي المهاميس*ياواحد(ن) من فوق الاوطان ناضي
ياخالقِ سود الليالي المداميس*ياخالق ايام المعاش البياضي
رفعت سبع مبعدات المراميس*وفرشت تحت الخلق سبع الاراضي
بقبضة يمينك كنهن القراطيس*عبدك بحكمك يارجا العبد راضي
ومن عقب هذا صيحتي للسناعيس*ياخوات غلبا والليالي تماضى
نخيتكم واعماق جاشي محاميس*طفو لهايب حرتي وانغماضي
دخلت بعز اشنابكم يالسناعيس*يااهل النقا يااهل الكفوف البياضي
انا دخلية مجدكم يالسناعيس*عفُوبقطعه كبدي عن التقاضي
دخيلة عز سيوفكم يالسناعيس*ودخيلة فوح دلال بِنٍ عراضي
وادخل بستر اعراضكم يالسناعيس*فوزوا بها لاياكبار الحضاضي
وانا دخيله بأمهات السناعيس*قلبي عليهن بالمراحيم جاضي
وازبن صهيل خيولكم يالسناعيس*يامدلهين اذوادكم بالفياضي
قلت ارحموني رحمةٍ يالسناعيس*وتغانموا يوم القيامه تراضي
العوره اللي تنتخي بالسناعيس*وش فالها يامبعدين المناضي
تكفون انا صيحت وين السناعيس*روحي بوسط كفوفكم يامعاضي
غلبا ياغلبا وين غلبا السناعيس*حق الدخاله لأسم شمر يقاضي
صيحة حزينه يابعاد المراميس*عفُو بقطعة كبدها عن التقاضي



ام سعود العنزي


**
هذه نخوه من ام سعود العنزي

للشيخ ممدوح بن طلال شيخ الرمال
عنوان القصيده
((دخيلتك حمس السنين العجافي))
الله من هم(ن) على صاحبه هال
هم كسر صم العضام الصلافي
يالله بمانك ياكريم(ن) عن الاهوال
يالله رجيتك درها لي عوافي
نخيت انا في ماقفي الف رجال
واليوم ابا انخى عقبهم راس وافي
نخيت انا في ماقفي كل من قال
ومشيت باقدامي على الشوك حافي
واليوم انا رديتها يم حلال
رجل اليا جيته خذيت التكافي
رجل ثقيل وبالمواقيف لامال
يحل عسرات العضل مايخافي
دخيلتك يالشمري حالها حال
دخيلتك حمس السنين العجافي
دخيلتك يالشمري علمها طال
تزبنت بك وانت يالذيب ضافي
تكفى يابو نواف يانسل الابطال
مثلك يقدر وقفتي وانعطافي
الفزعه الفزعه لها بيدك حبال
للعوره اللي نادتك يالسنافي
ام(ن) جرح دمع على خدها سال
ماقف ولدها والليالي تقافي
قم واقف وصح باسمها وانت رجال
لاقال يفعل وافي(ن) وابن وافي
(لممدوح ابن طلال )اصيح يارما ل يارمال
دخيلتك حمس السنين العجافي
**
نخوه لقبيله سبيع

صاح المصيح وانتخى لال ابو ثنين .... اللي اليا منهانصتهم ماترد الابها
الفزعه الفزعه ترانا عين تبكي شوف عين......عينا عليها شحت الدنيا بشوف احبابها
وحنا بعد رب الملا طحنا على الضلع المتين.....طحنا على اللي لا بغوها ينزعزن احجابها
تزبنت روس السباع النخوه اللي ماتلين....من دون سبعان السعد ولا تحط اركابها
ام تصيح وتنتخي تنحب على شوف الضنين....تصيح من فعل الزمن ياسبيع زاد اعطابها
فكاكة النشبات واما بالذرى حصن حصين....راس السبيعي بعون ربي لابغاهاجابها
الوايليه تعتزي يانسل هاك المعتزين....دعواي لو يدرابها ويدرا بكل اسبابها
دعواي لو يدرى بهايشيب له راس الجنين...تكفون يالسبعان نخوه ثبتو لاطنابها
ان قامت السبعان عيني تبشر بشوف السجين...يصخرهم المولى سبب ومنهم يشرع بابها
الوايليه تنتخي هي فيكم يسرا او يمين......قولولها تغطرفي سبيع السعد ثنابها

ام سعود العنزي
**
نخوه لعموم قبيله (يــام) العريقه
من ام سعود العنزي

يالله ياوالي تفاريق الارزاق×ياباسط(ن)للخلق موفور الانعام
ياعالم(ن)وش في غميقات الاعماق×يامكون المخلوق في وسط الارحام
من غير توفيقك يقلن الاوفاق×ومن دون عونك جاهد الخلق ينظام
بأسمك بديت احوف منثور الاوراق×واصفها وانخى على الشعر الاقلام
وياقاف ياللي للبعيدات لحاق×ياالله عسى الله بك يخفف للأحلام
بديتها وانخى طويلين الاعناق×اللي لهم في ماقف العز مقدام
اللي خذوها واحدب السيف برَاق×اللي لهم غزة على الروس الاعلام
ناديتهم يوم الفضاء بخاطري ضاق×صيًحت انا بالصوت تكفون يايــام
قمت انتخي واصيح ياوين( ابو ساق)×والوايليه تنتخي عوق الايام
نخوة عرب ياروس مغروس الاوثاق×وانتم لشرهات المنادين قدام
ولابن (منيف) اللي على العز سباق×اللي لها يعقد عصابات واحزام
تكفى نخيتك نخوةِ طاقها طاق×ياللي على الطولات لزًام جزًام
ولابن (انصيب) اللي للافزاع عشاق×اردها وراسه لها كفو والهام
الفزعه الفزعه ترى قطر الارماق×حوًل عليكم ينتخي وانتم حشام
ماهي بسلة سيف ولاهي بالاطلاق×هي نخوةِ من قبل تنفيذ الاعدام
تكفون يا (يـام) العرب ياهل الاعتاق×الله وثم انتم لها درع وحسام
ولكل يامي روَحت تسبق اسباق×ماللسعد غير السعد نٍـد وخصام
اخر كلامي قبل لاضٌب الاوراق×وانتم على قيد الحيا كيف ينظام

×..ام سعود العنزي..×
سكاكا الجوف

نمرالعتيبي
10-11-2010, 04:13 PM
السلام عليكم ورحمة الله وبركاته

اللهم يارب الارباااب يامسبب الاسبااب فك اسر سعود العنزي والنزل الرحمه
على قلووب اخصااااامه وانت القاادر على ذاالك ياحي ياقيوووم

ام سعود العنزي
10-12-2010, 07:04 PM
اللهم امين ياااااارب

ليل السهارى
10-13-2010, 11:36 PM
الله يفرجها عليه

بس يا اخت ام سعود شنو سبب سجنه؟

ام سعود العنزي
10-30-2010, 09:07 PM
سبحانك الله واستغفر الله ولا اله الا الله

ام سعود العنزي
11-09-2010, 11:16 PM
قتل شخص عمره فوق ال70 عام رحمه الله
حيث ابني كان مسحور وعمره 18 سنه ولا يعي على نفسه
من السحر المعمول له..×

بدر الغويري
11-18-2010, 01:33 AM
اسأل الله العظيم رب العرش الكريم ان يفرج عن سعود ويرده علي امه سالم

اللهم امين

الوهاج
11-26-2010, 10:10 PM
الله يفرج عن ضنااج ويسخر له من يعينه ويفك اسره قادر سبحانه وتعالى

ثامرالشيباني
02-14-2011, 02:11 PM
الله يفرج همك ويفك كربت ولدك ويفرحك بشوفته

عاشق الخزامي
02-15-2011, 05:14 AM
يـــــــــــــــــــــرب تيسرها على كل محزون
وأنك تبلغ أم سعود بمطلبها يالله ياكريم

أسال الله العظيم رب العرش الكريم
أن يفك قيده وأن يعيده إلى أهله وذويه
وتقر به عين أمه ويخليه لعين ترجيه
ويصبر أمه وأهله على مصيبتهم
الشكوى لله ماباليد حيله غير الدعاء
نسأل الله الإجابة
لا اله الا انت سبحانك اني كنت من الضالمين
اللهم اني اسئلك بعفوك وجلال سلطانك ان تهب بقلب اهل المقتول العفووان تجعله في ميزان حسناتهم وان يكون لهم شفيعا في يوم لا تنفع به الا العمل الصالح وان يكون عفوهم عنه من اعمالهم الصالحه وان يكون الاجر لميتهم وان يصبر ام سعود وان يفرحها به عاجلا غير اجلا ياسميع يامجيب الدعاء.
لا اله الا انت سبحانك اني كنت من الضالمين

عاشق الخزامي
02-15-2011, 05:17 AM
السلام وعليكم ورحمة الله

سؤالي هل المقصود سعود خلف الغنزي ؟

على كل حال سواء هو او غيره نسأل الله ان يعجلكم بفرجه وخروجه

واذا تبون نساهم معكم بحمله له لوجه الله تراني حاضر

وكل الخيرين جاهزين

ولا احد بمشكور على هالموقف

بانتظار الرد مع الشكر

ابو معاند
02-17-2011, 11:55 AM
أسال الله العظيم رب العرش الكريم
أن يفك قيده وأن يعيده إلى أهله وذويه
وتقر به عين أمه ويخليه لعين ترجيه
ويصبر أمه وأهله على مصيبتهم
الشكوى لله ماباليد حيله غير الدعاء
اللهم آآآآآآآآآآآآآآآآآآآآمين