المساعد الشخصي الرقمي

مشاهدة النسخة كاملة : ازعل ليا من جيت عندي وغنيت**وافرح ليا من رحت عني وساكت


منصور سعد
09-08-2010, 11:29 AM
ماحب امجّد واحد(ن)عالي الصيت

الناس تشهد للذي مايباكت

وياكيف تمدح نفسك بدون تثبيت

وبعض العرب ياليتها ماتحاكت

ذليلنا في هالزمن سيد البيت

وعزيزنا بيبان بيته تصاكت

سلام لك يازيد عدد كل مالفيت

وسلام للي كل ماقبلت شاكت

الله اكبر عد ماقبلت واقفيت

الله من سم(ن)على الجرح ناكت

اكل تمر حالي بعد ماتقهويت

واطعم مراره مرها حيل عاكت

لو ان صدق اعجابنا لون هالليت

بالعون ماتلقى قلوب(ن)تضاكت

المزح وقت الجد يشعل كباريت

ويازين مزح اللي له العين حاكت

ماهو بمعنى بالتغلي تعليت

بعض التغلي يشتكي من سباكت

ارسلتها مرسول في وقت ماجيت

وعطتني نبذه كانها اخبار فاكت

قالت لي اني بنت شيخ(ن)يبالفيت

وان الرجال يمي لأجلي تراكت

واني ذكيه وما احب الشماميت

والخصر بين والبطن عود راكت

ولون القمر لوني وشعري ترى كيت

وعيوني اللي عمرها ماتباكت

وجسمي ترى من النعومه غدى ميت

والصدر مايصلح عليه المساكت

قلت الها من غير وصف ومشاويت

والعين والله ماتعاف الشراكت

غرورك انك بالوصف حيل ماديت

وترى جمال الروح فوق الشياكت

دام التكبر فيك والله مااضويت

يمك ولو انك زعيم الكتاكت

وغروري اني فوق وصفك وياليت

تسمع صدى بيت(ن)يخلي الهوا كت

ازعل ليا من جيت عندي وغنيت

وافرح ليا من رحت عني وساكت


منصور سعد الذيابي

الكيكة
09-09-2010, 05:58 AM
كلماااات جميله وقوييييه

شكرا لك أمتعتنا بقصيدتك الرائعه وصح لسانك يا الذيابي

منصور سعد
09-09-2010, 04:04 PM
العفووو


شاكر مرورك

افتخر بعزوتي
09-10-2010, 04:52 PM
قصيده رائعه *؛ )
صح لسانك يالغلا
مبدع ومتميز دائماً بقصااايدك الرائعه ..

منصور سعد
09-11-2010, 05:11 PM
يسلمك ربي

مرورك الاروع

صح بدنك

سيف الأسلام
09-18-2010, 01:24 AM
صح لسانك .


وعلا شانك


جزلة يابو سعد


وذكرتني اصويحبي .

منصور سعد
09-19-2010, 09:31 AM
صح بدنك

مرورك اروع يالغلا

يزينها الله*^

MNahiY
10-14-2010, 02:15 PM
احم احم

صح السانك يـ الذيب

عزّ الله انها قصيد من سنافي

اكل تمر حالي بعد ماتقهويت

واطعم مراره مرها حيل عاكت

الله الله

بيض الله وجهك ,, و تراني متابع لـ أبياتك و قصايدك

لا تقطع يـ الذيب

منصور سعد
10-14-2010, 10:44 PM
صح بدنك ياذيب

الله لايهينك لي الشرف يامناحي

مشكور ع المرور ياصاحبي

غزلان
11-19-2010, 12:19 PM
صح لسانك قصيده معبرة

منصور سعد
11-19-2010, 03:30 PM
صح بدنك

شرفتي متصفحك

فريسا
12-31-2010, 12:27 PM
صحح لسانك و تسلم يدك ( منصور لو وصفوا الغرور يوصفونه لكن غرورك انت حقك لك محدن يقدر يوصفه )
شهادتي فيك مجروحه :)

منصور سعد
12-31-2010, 10:53 PM
صح بدنك

ويعطيك العافيه شكرا لك