المساعد الشخصي الرقمي

مشاهدة النسخة كاملة : هرجي من آخر


غالب الذيابي
08-26-2010, 12:22 AM
:06134::06134::06134::06134::06134:يعمير أنا يابـوك وجعـان بالحيـل
تنهيتتـي مثـل الجمـل فالمناخـر
من واحدٍ في غيبتي حـط ويشيـل
مونـه ماشالتهـا اكبـار البواخـر
الضعف خلا الفار ينهض له الفيـل
وخلا الكفو عقـب التقـدم إيواخـر
ياضلع لاتامن نزولك مـن السيـل
لاجاك من ربي مـن الغيـم زاخـر
ويالعود مايحرقك فالـلازم اخبيـل
ولاياكلك يالطيـب كـود المباخـر
يحرقك قرمن يجزر النوق والحيـل
حلاله اعن الضيـف مافيـه ذاخـر
يحرقك من يازن على بنهـا هيـل
ولاذب في ناره سوى عـود فاخـر
ويابوك أنا ماني رفيـق المهابيـل
اللي دبشه الهرج بالنـاس ساخـر
مطيته تمشي بـلا راس مـع ذيـل
تمشي سناويه لهـا عظـم ناخـر
يابوك أنا أعز الرجـال الحلاحيـل
اللـي بخوتهـم ثـري وأتفـاخـر
أهل الوفا اللي من زحول الرياجيـل
هم كيف راسي خوذ هرجي من آخر
وأطرب مع اللي يبدعون التماثيـل
ومن ردلي شعري على القاف صاخر
وأطرب مع اللي يشربون الفناجيـل
اللي ليـا جـت حزتـه مايواخـر
وأطرب من اللي لأشتغل عنده الويل
عبارتينـه عقـب دقـه أتشـاخـر
وأطرب اليا شفت البكـار المقابيـل
وضحن مع الزين الوسوم الفواخـر
لطامـة العايـل وذباحـة الحيـل
قيمة حداهن نشتـري بـه بواخـر
واطرب اليا من شفت راع المجاديل
أم العيون اللي بهـا الزيـن داخـر




أخوكم غالب الذيابي </b></i>

الكيكة
08-26-2010, 04:11 AM
لطامـة العايـل وذباحـة الحيـل
قيمة حداهن نشتـري بـه بواخـر
واطرب اليا من شفت راع المجاديل
أم العيون اللي بهـا الزيـن داخـر





كلمات روووووووعه صح لسانك يا الذيااابي وطمعتنا في جديدك

افتخر بعزوتي
08-27-2010, 05:52 PM
صح لسانك

قصيده راااااائعه ...

مبدع ...