المساعد الشخصي الرقمي

مشاهدة النسخة كاملة : أقرب شاعر


مهند العصيمي
08-13-2010, 01:34 AM
ياسلام الله عليكم يالشعار في رمضاني

مبارك عليك الشهر في كل عامٍ وعامِ

تحيـاتـي طيبة للمتـابــع وسـط التهانـي

عــاجلٍ يالشاعر قبل ماينفع ولا كـلامِ

منصور سعد
08-13-2010, 12:26 PM
مرحبا باللي يسلم و يبارك برمضاني

حياه الله ونبارك له تحيه وسلام

ماعرفنا ديرته ولا درينا وين عاني

ولا عرفنا من يكون ودخلته ماهي تمام

مهند العصيمي
08-14-2010, 12:03 AM
أبك البقى ياصاحبي دوم ينطقه لساني

يدوم البقى ياللي ترحب في وقت الصيامِ

أنا من بني سعد جنوب الطائف وخواني

سعودي الجنسية سعودي في دار السلامِ

منصور سعد
08-14-2010, 10:19 AM
اقرب وقلي علوم الديره اللي من زماني

ماتغير طبعهم وبعض العرب ماتلام

انا شاعر واتحدى واعرف اجزال المعاني

ولو ان بيني وبينك بحور وعدة ايام

مهند العصيمي
08-14-2010, 06:26 PM
ليت الزمن يرجع وأتفقد أيام الزماني

بعد الهجرة كل شي ضاع مع فقد الايامِ

مير حافظنا على الديرة مع عيال عماني

قرية العروشية تبقى دائم هلها كرامِ

منصور سعد
08-15-2010, 01:25 PM
اخذ مني الكلام اللي لا يخفاك ولا يخفاني

محمد هاجر من مكه عليه افضل السلام

وعتيبه ديرتها وحده من الغربيه لصماني

حموها شيوخ(ن)ماتعرف المنام وقت الهمام

مهند العصيمي
08-15-2010, 04:17 PM
نبينا هاجر من مكة بسبب إمتحاني

وأنت هاجرت من الديار تتبع الحمامِ

إلحق ثبيت إحتلت كل قرى وادي الباني

بقي قرية العروشية وربعيَ الحكامِ

منصور سعد
08-15-2010, 05:16 PM
من الديره اللي كانت ماتؤمن باهل الايماني

سافر منها وهاجر منها بعد ماشاف الاجرام

الحق نفسك ومرحبا بالرجال اللي ينخاني

وحنا ديرتنا محفوظه من عصر قدم الاعوام

مهند العصيمي
08-15-2010, 06:04 PM
بني سعد ديرتك الأصلية أعرف ياإنساني

ألحق على ديرتك اللي هجرتها منذ عامِ

وأنا في ديرتي وديرتي حاميها بأسناني

أبك آلاد شهيب في ديرتك و ألبس الحزامِ

منصور سعد
08-15-2010, 07:11 PM
بني سعد عتيبه كلها من عصر الازماني

وانا ذيابي من ام الدوم رجال المقام

ياصاحبي هذي ديرة اهل الحكمه واهل العاني

والرجال اللي حموها كسرو ظهر الامام

مهند العصيمي
08-16-2010, 12:08 AM
أخوي الكريم منصور الذيابي صح لسانك مليون يالشاعر

وبارك الله فيك وأنا تشرفت بالعب معك واللعب معك له نكهة

جميلة ولاهنت والجايات أكثر إنشاء الله وأبطلك مرة ثانية هههه


تحياتي لك..دمت في حفظ الله ورعايته

مهند العصيمي
08-16-2010, 12:26 AM
ونعم بك مدد بلا عدد ياولد عمي الذيابي

ولاهنت ومشكور ..دمت في حفظ الله ورعايته

منصور سعد
08-16-2010, 05:25 AM
صح لسانك وصح بدنك وماعليك زود يابن العم

وتشرفت باللعب معك ولا هنت

سيف الأسلام
08-18-2010, 06:28 AM
بني سعد عتيبه كلها من عصر الازماني

وانا ذيابي من ام الدوم رجال المقام

ياصاحبي هذي ديرة اهل الحكمه واهل العاني

والرجال اللي حموها كسرو ظهر الامام

.................................................. ............................................

صح لسانك يامنصور
وصح لسانك يامهند .

وبيض الله وجيهكم ع هالطارووق المشووق .



تقديري .

خالد الثبيتي
09-13-2010, 08:50 AM
هههههه
تضحكون على بعض انتم ؟؟
الابيات مكسرة و القافية تتكرر كثير
و ما فيه معنى معين ماشين علاه

و اعتب على الادارة اللي تاركين الموضوع الى الآن

اتمنى انكم تصلون الى المراحل الممتازة من الشعر
لكم تقديري