المساعد الشخصي الرقمي

مشاهدة النسخة كاملة : شراب الفناجيل يالشعب الكويتي!!!!!!


طويق
07-07-2010, 01:50 PM
اجازه سعيده على الجميع لون الجو معكرها شوي فلكن الحمدلله ...


انا شاعر سعودي وعرف العدل والميل..

وشراب الفناجيل يالشعب الكويتي..


نبي شاعر ليا من ظفطته يرتكي حيل..

لك الله مرحمك ياعيونه لو بكيتي..

خالد الثبيتي
07-07-2010, 03:03 PM
الله يسعد ايامك يا طويق

و الظاهر انك حولي بالرياض , يوم انك تشكي من الجو هههه , لكن الله يعينك

و استلم



و انا شاعر عتيبي و اعرف الوزن و الكيل = يميني فالدسم ما نعاين فالفتيتي
و الا ياللي تكابر نعرف انك تهاويل = لكن أخذ النصيحة و روح ألعب خبيتي

سيف الأسلام
07-07-2010, 04:28 PM
كفوووووووووووووووووووووووووو ياطويق وخالد .


ابداع % ابداع





ودامكم سعوديين كلكم .


الصف صفكم يالثنين .



تقديري لكم .

طويق
07-07-2010, 09:22 PM
سيف الاسلام وانت كذالك لاهنت يالذيب.

خااااالد لاعاد ليلك ترانا جيران هههههههههه كانك حول اشبيليا ههههههههههه

علامك تعترض ياولد لطيور ابابيل..وانا ماودي بذبحتك وانته ثبيتي

نعم بعتيبه اللي تحط البن والهيل.. وانا انجض كيتي يالثبيتي لاكويتي

خالد الثبيتي
07-08-2010, 02:28 AM
ههههه لا بيني و بينك الدائري الشمالي انا بالوادي ههههه
الجيرة سبع بيوت و بيني و بينك الف بيت ههههههههههه


اقول


انا ماني بهايب رجالٍ تركب الخيل = مادام اني ملكت السيوف و شاع صيتي
ترانا ما عرفنا وسومك زين يا شعيل = والا بالبل وسومك دليلك لا سريتي

سيف الأسلام
07-08-2010, 02:34 AM
طويق

انا شاعر سعودي وعرف العدل والميل..

وشراب الفناجيل يالشعب الكويتي..


نبي شاعر ليا من ظفطته يرتكي حيل..

لك الله مرحمك ياعيونه لو بكيتي..


خالد الثبيتي

و انا شاعر عتيبي و اعرف الوزن و الكيل
يمينـي فالدسـم مـا نعايـن فالفتيـتـي
و الا ياللي تكابر نعـرف انـك تهاويـل
لكن أخذ النصيحة و روح ألعـب خبيتـي



طويق


علامك تعترض ياولد لطيور ابابيل..وانا ماودي بذبحتك وانته ثبيتي

نعم بعتيبه اللي تحط البن والهيل.. وانا انجض كيتي يالثبيتي لاكويتي


خالد الثبيتي

انا ماني بهايب رجالٍ تركـب الخيـل
مادام اني ملكت السيوف و شاع صيتي
ترانا ما عرفنا وسومك زين يا شعيـل
والا بالبل وسومك دليلـك لا سريتـي

................................

أحتمت الملعبه الصف صفكم كلكم ..

الليل الليل .

طويق
07-08-2010, 07:29 PM
الله يبيض وجهك ياسيف على الترتيب واستلم ياقهيدان ..


انا دمي قبيلي ولى يحتاج تحليل...مثبت في هوازن على العزه ربيتي

اعرف الجدي نجم سماوي واعرف سهيل..عسى سيفك يفكك مدام انك نويتي

ذيب الحفر
07-10-2010, 06:13 AM
الله الله الله
صــح ألـسـنتكم كلياتــكم . وبيض الله وجيهكم علي الطاروق

يرفع . يدينـــه . يقول الحمد لله . اني مااني كويتي
هههههاي

ذيب الحفر
07-10-2010, 06:20 AM
الله الله الله
صــح ألـسـنتكم كلياتــكم . وبيض الله وجيهكم علي الطاروق

يرفع . يدينـــه . يقول الحمد لله . اني مااني كويتي
بسس ترى الحين اللي يتكلم عن الكويت ترااي نايب موقت . لين ارجع لديرتي
هههههاي

خالد الثبيتي
07-10-2010, 04:15 PM
علامك تبدي الهرج ماجبت له تعليل = لكن الفرق معروف في بيتك و بيتي
مادام انك تعرف النجوم و تسري الليل = هلابك مرحبا يالمعارك لحتميتي

سيف الأسلام
07-10-2010, 05:47 PM
طويق

انا شاعر سعودي وعرف العدل والميل..

وشراب الفناجيل يالشعب الكويتي..


نبي شاعر ليا من ظفطته يرتكي حيل..

لك الله مرحمك ياعيونه لو بكيتي..


خالد الثبيتي

و انا شاعر عتيبي و اعرف الوزن و الكيل

يمينـي فالدسـم مـا نعايـن فالفتيـتـي

و الا ياللي تكابر نعـرف انـك تهاويـل

لكن أخذ النصيحة و روح ألعـب خبيتـي



طويق


علامك تعترض ياولد لطيور ابابيل

وانا ماودي بذبحتك وانته ثبيتي

نعم بعتيبه اللي تحط البن والهيل

وانا انجض كيتي يالثبيتي لاكويتي


خالد الثبيتي

انا ماني بهايب رجالٍ تركـب الخيـل

مادام اني ملكت السيوف و شاع صيتي

ترانا ما عرفنا وسومك زين يا شعيـل

والا بالبل وسومك دليلـك لا سريتـي

طويق


انا دمي قبيلي ولى يحتاج تحليل

مثبت في هوازن على العزه ربيتي

اعرف الجدي نجم سماوي واعرف سهيل

عسى سيفك يفكك مدام انك نويتي


خالد الثبيتي

علامك تبدي الهرج ماجبت له تعليـل

لكن الفرق معروف في بيتك و بيتـي

مادام انك تعرف النجوم و تسري الليل

هلابك مرحبـا يالمعـارك لحتميتـي

طويق
07-11-2010, 12:25 AM
علومي واضحه ماتبي شرح وتأويل...لاكنك طرت بالحيل يارع الونيتي.

انا اللي يتعب الخصم وانشد عني هذيل... على هونك تراني معك دوب ابتديتي