المساعد الشخصي الرقمي

مشاهدة النسخة كاملة : قصيدة الخوه


ناصر الرويس
06-03-2010, 06:11 AM
السلام عليكم ورحمة الله

هذا آخر ما قلت أتمنى أن تنال إعجابكم




الرحله اللي في التهم صيدها نيـص
ما هيب لا راحـت علينـا خسـاره
بعوض راسي في جديـد المقانيـص
راس الغزال او قطعـة مـن فقـاره
حق الخوي ماهوب في ذهني ارخيص
وإن ما عنالي رحت له صـوب داره
دامه وفي له بين الأضلاع ترخيـص
ولا لف ذيله صـار مثـل الزقـاره
لا تحسبون إن الرطب يشبه الشيـص
ذقها وتلقـى فـي طعمهـا مـراره
رصيت تركة مبتدى العمر ترصيص
ونقيتهـا نقـوة يميـن الشـطـاره
وجربت صدقان الرخاء بالمفاريـص
احـد عطـب وأحـد بقالـه منـاره

سيف الأسلام
06-03-2010, 06:34 AM
حق الخوي ماهوب في ذهني ارخيص

وإن ما عنالي رحت له صـوب داره



صح لسانك


ننتظر جديدكـــ

محمد الدلبحي
06-03-2010, 03:24 PM
صح لسانك ناصر قصيدة جزله

منصور سعد
06-04-2010, 02:41 AM
لا تحسبون إن الرطب يشبه الشيـص ذقها وتلقـى فـي طعمهـا مـراره

صح لسانك ولاهنت

سفيرة مطير
06-04-2010, 04:51 PM
حق الخوي ماهوب في ذهني ارخيص
وإن ما عنالي رحت له صـوب داره
دامه وفي له بين الأضلاع ترخيـص
ولا لف ذيله صـار مثـل الزقـاره

صح لسانك

مبدع يالشاعر

تقبل مروري

مطيريــهـ وأفتخـر
06-04-2010, 11:50 PM
صــــــــح لســـآنكـ

ع هــآلقصيـــدهـ


يسلمـــــو:36_3_11[1]: